Во Велика Британија ова лето беше најтоплото од 1884 година, откако се мери температурата во земјата, соопшти денеска британската метеоролошка служба (Met Office).

Изминатата сезона ја одбележаа исклучителни горештини и суша, додека просечната температура достигна 16,5 степени Целзиусови.

Овогодишното лето го одбележаа пет топлински бранови, со разурнувачки пожари, тропски ноќи и суша, а како што се наведува, горештините беа предизвикани од недостиг на дожд, висок притисок и климатски промени, пренесува Скај њуз.

Во 2026 година, просечната температура во јуни, јули и август, во текот на денот и ноќта, беше највисока досега – и покрај тоа што беше студено во областите на север и и покрај постудениот крај на август.

Метеоролошкиот завод соопшти дека температурата во текот на ноќта и денот изнесувала 16,5 степени Целзиусови, што е над претходниот сезонски максимум од 16,1 степен Целзиусов забележан минатата година.

Температура од 30 степени или повисока била забележана во текот на 40 одделни денови, со што беше соборен претходниот рекорд од 34 дена во 1995 година. Во јуни исто така беше забележана највисока температура досега кога во Лингвуд, Норфолк, беше забележан привремен рекорд од 38 степени, со што беше надминат долгогодишниот претходен рекорд од 1976 година од 35,6 степени. Причина за горештините беа сувото време, долгите периоди на висок притисок и долгорочното влијание на климатските промени, кои ги зголемуваат базните температури.

Шефот на одделот за климатски атрибуции во Метеоролошкиот завод, Марк Меккарти, рече дека во свет врз кој не влијаат човечките емисии, овогодишното лето во Велика Британија би било настан што се случува еднаш во 1.000 години.

– Моментално, поради влијанието на емисиите, Велика Британија може да очекува ваков вид лето приближно еднаш на секои девет години – рече тој.

Британската министерка за климатска транзиција Кати Вајт изјави дека најтоплото лето досега е брутален потсетник дека „не чекаме климатските промени да пристигнат во Британија, туку дека веќе ги живееме“.

The post РЕКОРДНИ ГОРЕШТИНИ ЈА ПОГОДИЈА БРИТАНИЈА Пет топлотни бранови, пожари и температури од 38 степени appeared first on plusinfo.mk.

Управата за хидрометеоролошки работи (УХМР) денеска објави метеоаларм за утре, 27 август, врз основа на кој одредени делови на државата се во портокалова фаза.

Времето утре ќе биде сончево и топло со мала со умерена локална облачност и услови за краткотрајна нестабилност во попладневните часови. Во Скопје и Демир Капија се предвидува температурата да достигне до 39 степен, во Гевгелија 38, додека во Велес и Штип до 37 степени.

За време на викендов претпладне ќе биде сончево и топло, а во попладневните часови наместа ќе има појава на нестабилност со пороен дожд, грмежи и засилен ветер. Локално процесите ќе бидат во форма на невреме со пороен дожд, силен ветер и услови за појава на град.

Во почетокот на следната седмица времето ќе биде стабилно и топло.

The post ПОРТОКАЛОВ МЕТЕОАЛАРМ ЗА ДЕЛОВИ ОД МАКЕДОНИЈА Во четврток на некои места ќе биде исклучително жешко appeared first on plusinfo.mk.

Овогодишниот Ел Нињо би можел да биде еден од најсилните досега забележани, а неговото влијание би можело да се почувствува преку временските услови во различни делови од светот.

Според најновите податоци на американската Национална океанска и атмосферска администрација (NOAA), феноменот се засилува и има повеќе од 90 отсто шанси да достигне многу силен интензитет во текот на есента и зимата 2026/2027. „NOAA“ проценува и дека постои 69 отсто веројатност периодот октомври–декември 2026 година да донесе историски силен Ел Нињо, кој би ги надминал сите вакви настани забележани од 1950 година.

Доколку прогнозите се остварат, феноменот може да придонесе за почести и поинтензивни временски екстреми, вклучително и топлотни бранови, суши, обилни врнежи и поплави во различни делови од планетата.

Особено внимание привлекува можноста влијанието на Ел Нињо врз глобалната температура да се почувствува и во 2027 година.

The burgeoning Super El Niño will have major implications for winter weather in the United States.

Winter is not only when this El Niño will peak in strength, but also when its influence on global weather is most pronounced. https://t.co/av6amgspiv pic.twitter.com/CRR145on2t

— CNN (@CNN) August 20, 2026

Што е Ел Нињо и зошто е важен?

Ел Нињо е дел од природниот климатски циклус познат како Ел Нињо–јужна осцилација (ENSO). Се појавува кога вообичаените пасати над тропскиот дел на Тихиот Океан ослабуваат, што овозможува топлата океанска вода да се придвижи кон источниот дел на Пацификот и да излезе кон површината.

Промените во температурата на океанот потоа влијаат врз атмосферата, движењето на воздушните маси, формирањето облаци и распоредот на врнежите.

Затоа влијанието на Ел Нињо не останува ограничено само на Тихиот Океан, туку може да ги промени временските обрасци во големи делови од светот.

Во зависност од регионот, последиците може да бидат сосема различни. Некои области може да се соочат со топлотни бранови и долготрајни суши, додека други може да добијат многу повеќе врнежи и да бидат изложени на поплави.

By November–December, this El Niño will be the strongest any living person has ever experienced. It is expected to completely surpass any previous year by a massive margin.

Combined with ongoing climate change, global temperatures could briefly reach nearly 2°C above… pic.twitter.com/zO0pRntnGA

— Colin McCarthy (@US_Stormwatch) August 15, 2026

Најсилниот период се очекува наесен

Температурата на површината на морето во областа Нињо 3.4 веќе е значително над долгорочниот просек. Според „NOAA“, Ел Нињо продолжува да се засилува и се очекува дополнително да јакне кон крајот на годината.

Во јули, температурната аномалија во областа Нињо 3.4 достигнала +1,4 степени Целзиусови, додека во источниот дел на екваторијалниот Пацифик биле измерени уште повисоки отстапувања. Во источниот екваторијален Пацифик температурите на површината на морето надминале +2 степени Целзиусови над просекот.

Најновите прогнози покажуваат дека во периодот октомври–декември постои 69 отсто веројатност Ел Нињо да достигне историски интензитет, дефиниран како тримесечна вредност на релативниот океански индекс Нињо (RONI) од најмалку +2,5 степени Целзиусови.

Влијанието може да продолжи и во 2027 година

Една од причините за загриженост е тоа што влијанието на Ел Нињо врз глобалната температура не мора да биде најсилно во моментот кога феноменот го достигнува својот врв.

Затоа, неговите последици врз просечната температура на планетата може да бидат особено изразени во 2027 година.

Претходните научни анализи покажуваат дека силните Ел Нињо настани можат привремено да ја зголемат глобалната температура над долгорочниот тренд на затоплување.

Сепак, експертите предупредуваат дека силен Ел Нињо не значи автоматски дека секој дел од светот ќе има повисоки температури или исти временски услови. Влијанието значително се разликува од регион до регион.

This year’s El Niño will dwarf the six other super El Niño events on record.

A projected +4.1°C rise in central Pacific Ocean temperatures by Dec. 2026 would leap past previous peaks of +2.8°C to +3.0°C in 1877, 1997 and 2015.

No one alive has witnessed an El Niño this strong. pic.twitter.com/Hu5BpaK8J1

— Ben Noll (@BenNollWeather) August 6, 2026

69 отсто шанси за историски силен Ел Нињо

Според најновата прогноза на „NOAA“, шансата периодот октомври–декември 2026 година да донесе историски силен Ел Нињо е 69 отсто. Дополнително, веројатноста феноменот да биде „многу силен“ во текот на есента и зимата на северната хемисфера е над 90 отсто.

Експертите нагласуваат дека изразот „супер Ел Нињо“, кој често се користи на социјалните мрежи, не е официјална научна категорија. Институциите како NOAA користат категории како слаб, умерен, силен и многу силен настан.

Климатските промени ја усложнуваат ситуацијата

Глобалното затоплување дополнително може да ги засили последиците од Ел Нињо.

Потоплата атмосфера може да задржи повеќе водена пареа, што во одредени региони може да придонесе за поинтензивни врнежи. Истовремено, високите температури можат дополнително да ја сушат почвата во областите погодени од суша.

Сепак, научното прашање дали климатските промени директно влијаат врз јачината на самиот циклус на Ел Нињо сè уште не е целосно разјаснето.

Она што е потврдено е дека Ел Нињо во моментов се засилува и дека неговото влијание може да се почувствува ширум светот во текот на следните месеци.

The post ВИ Е ЖЕШКО ВО 2026 ГОДИНА? ЧЕКАЈТЕ ДА ВИДИТЕ ШТО МОЖЕ ДА НÈ ЧЕКА ВО 2027 Ел Нињо се засилува, прогнозите се сè поалармантни appeared first on plusinfo.mk.

Управата за хидрометеоролошки работи издаде портокалов метеоаларм за голема опасност од многу топло време за 21 август 2026 година. Температурата утре во повеќе места ќе достигне 40 степени Целзиусови.

Времето утре ќе биде сончево и многу топло, со мала до умерена локална облачност. Ќе дува слаб до умерен ветер од југоисточен правец.

Минималната температура најниско ќе се спушти во Берово, до 10 степени Целзиусови. Најтопло ќе биде во Гевгелија, Демир Капија, Струмица и во Велес, каде максималната температура ќе достигне 40 степени.

Во Скопје ќе биде сончево и многу топло, со мала до умерена облачност. Ќе дува слаб до умерен ветер од јужен правец. Температурата ќе се движи од 18 до 39 степени.

И во сабота ќе биде сончево и многу топло, со мала до умерена облачност. Дневната температура наместа се очекува да надмине 40 степени.

Во недела и следните неколку денови во поладневните часови ќе има локална нестабилност проследена со пороен дожд, грмежи и со засилен ветер. Наместа ќе има услови за невреме со силен ветер и појава на град. Температурата ќе биде во постепено опаѓање.

Алармите за предупредување на населението од временски непогоди се издаваат во жолта, портокалова и во црвена боја и се дел од системот за метеопредупредувања во Европа.

Жолт аларм значи умерена опасност од временските прилики, со можност за умерени последици по околината, портокалов значи дека опасноста е голема, а црвениот аларм предупредува за екстремна опасност, со можност за катастрофални последици по луѓето, нивните имоти и по околината.

Алармите се издаваат за различни временски прилики и појави: за ветер, дожд, горештина, студ, снег, мраз, грмотевици, крајбрежни настани, шумски пожари, лавини, поплави, порои, опасности на море и за суша.

The post ПОРТОКАЛОВ АЛАРМ ЗА ОПАСНО ТОПЛО ВРЕМЕ Цела Македонија на удар на екстремна горештина appeared first on plusinfo.mk.

Шпанија регистрираше близу 4.500 смртни случаи поврзани со горештините во периодот од 1 јуни до 19 август, што претставува црн рекорд за последните четири години, соопштија од Здравствениот институт „Карлос Трети“.

За споредба, во истиот период од минатата година во Шпанија поради високите температури починале 3.073 лица, а во 2024 година – 1.890.

Смртните случаи поради високите температури во периодот од 1 јуни до 19 август 2022 година изнесуваа 4.520.

The post РЕЧИСИ 4.500 ПОЧИНАТИ ВО ШПАНИЈА ПОРАДИ ЕКСТРЕМНИТЕ ЖЕШТИНИ Летото се доближи до црниот биланс од 2022 година appeared first on plusinfo.mk.

Времето утре ќе биде сончево и многу топло со мала до умерена локална облачност, најави Управата за хидрометеоролошки работи.

Ќе дува слаб до умерен ветер од југоисточен правец, кој наместа долж Повардарието повремено ќе засилува.

Минималната температура најниско ќе се спушти во Берово, до 13 степени. Најтопло ќе биде во Велес и во Демир Капија, со температура до 39 степени Целзиусови.

Фото: УХМР 

Во Скопје ќе биде сончево и многу топло со мала до умерена облачност. Ќе дува слаб до умерен ветер од јужен правец. Температурата ќе се движи од 19 степени наутро, до 28 во текот на денот.

Следува период на сончево и многу топло време со мала до умерена облачност.

Во деновите од викендот ќе има услови за локална нестабилност со пороен дожд, грмежи, засилен ветер и изолирано невреме со силен ветер и појава на град.

Дневната температура наместа се очекува да надмине 40 степени.

The post МНОГУ ТОПЛИ ДЕНОВИ СО ТЕМПЕРАТУРИ НАД 40 СТЕПЕНИ Кратко разладување за викенд appeared first on plusinfo.mk.

По топлото и сончево време, во Македонија следува краткотрајна нестабилност, по која од четврток се очекува нов период на многу високи температури.

Според прогнозата на Управа за хидрометеоролошки работи (УХМР), во текот на утрешниот ден на места ќе има услови за појава на пороен дожд, грмежи и засилен ветер.

Нестабилноста ќе биде локална, а во среда услови за развој на нестабилност ќе има претежно во планинските региони.

Но, заладувањето ќе биде краткотрајно. Од четврток следува период на многу топло време, а особено високи температури се очекуваат во текот на викендот, кога дневните температури на места би можеле да надминат 40 степени Целзиусови.

Денеска во земјава ќе преовладува сончево и топло време со мала локална облачност. Ќе дува слаб до умерен ветер од променлив правец.

Максималната температура ќе биде во интервал од 30 до 37 степени.

Во Скопје ќе биде претежно сончево и топло, со слаб ветер од променлив правец.

The post ПРВО ПОРОЕН ДОЖД И ГРМЕЖИ, ПА ПЕКОЛ Температурите повторно ќе надминат 40 степени appeared first on plusinfo.mk.

Нов топлотен бран го зафати европскиот континент, при што максимални температури над 30 степени Целзиусови се очекува денеска да почувствуваат речиси три од пет жители на Европа (без Турција), односно околу 340 милиони луѓе.

Истовремено, области во Европа во кои живеат вкупно повеќе од 135 милиони луѓе – главно во Франција, Италија, Шпанија и Велика Британија – денеска се очекува во одредени периоди од денот да бидат погодени од температури над 35 степени Целзиусови. Тоа претставува значително зголемување во споредба со вчерашниот ден, кога прогнозите покажуваа дека температури над 35 степени ќе погодат најмалку 92 милиони луѓе.

Француски медиуми аннализата ја изработија врз основа на прогнозите на Германската метеоролошка служба и демографските проекции за 2025 година на Заедничкиот истражувачки центар на Европската комисија, а ги потврдува и податоците на австриската невладина организација „Климадашборд“. Европа и понатаму останува континентот со најбрзо зголемување на температурите во светот.

И денеска најголемите горештини се очекуваат во западниот и во јужниот дел на континентот:

Франција: Температури над 35 степени се прогнозираат во области со околу 50 милиони жители. Планинските предели веројатно ќе бидат помалку погодени, но горештините ќе ги зафатат и североисточните делови на земјата, кои вчера беа поштедени.

Италија: Слични температури се очекуваат за околу 29 милиони луѓе, особено долж западниот брег, во долината на реката По, во јужните делови на земјата и на островите.

Шпанија: Топлотниот бран ќе зафати големи делови од Пиринејскиот Полуостров, при што околу 25 милиони луѓе ќе бидат изложени на температури над 35 степени.

Велика Британија: Се очекува живата во термометрите да го надмине прагот од 35 степени за околу 23 милиони жители, главно во густо населените централни делови на Англија, вклучително и во Лондон. Британската национална метеоролошка служба во вторникот соопшти дека земјата е на пат да го забележи најтоплото лето во историјата.

Температури над 35 степени се очекуваат во области каде што живеат повеќе од 135 милиони луѓе, а најпогодени ќе бидат Франција, Италија, Шпанија и Велика Британија.

The post НОВ ТОПЛОТЕН БРАН ЈА ПРЖИ ЕВРОПА, 340 МИЛИОНИ ЛУЃЕ ПОД УДАР НА ГОРЕШТИНАТА Во делови од континентот ќе биде над 35 степени appeared first on plusinfo.mk.

Mожеби ова е „најстуденото лето во следните 300 години“. Со оваа провокативна порака австрискиот метеоролог и климатски експерт Андреас Јегер предупредува колку далеку може да оди затоплувањето.

Неговата изјава не е буквална временска прогноза за следните 3 века. Таа е драматично предупредување дека сегашните жештини може да изгледаат умерено во споредба со она што следува.

– Климатските промени не се измислица, туку сурова тврдокорна физика – изјавил Јегер за „Тирол ТВ“.

Австрија веќе се соочува со екстремно високи температури и суша. Истовремено се појавуваат грмотевични бури, поројни дождови и свлечишта.

Жештината може да стане новата нормалност

Јегер смета дека екстремните временски појави повеќе не може да се набљудуваат како изолирани исклучоци. Посебно го загрижува водата.

Снегот и глечерите имаат важна улога во водниот биланс на алпските земји. Снежната покривка ја задржува водата и постепено ја ослободува во почвата и во подземните води.

Кога снегот е поредок или се топи порано, тој природен резервоар слабее.

Податоците на „Геосфера Австрија“, наведени во материјалот, покажуваат колкав е проблемот. Од јануари до јуни годинава врнежите биле 27 отсто под долгогодишниот просек.

Во некои австриски покраини бил забележан најсувиот воден биланс од почетокот на мерењата во 1885 година.

Топлотните бранови добиле уште 7 дена

Долгорочните бројки ја дополнуваат сликата. Просечната температура во Австрија во 2025 година изнесувала 7,9 Целзиусови степени.

Тоа било 2,1 степен над климатскиот просек од периодот 1961-1990 година. Количината на врнежи истовремено била околу 17 отсто под долгогодишниот просек.

Топлотните бранови денес во просек траат 7 дена подолго отколку во 1960 година. Според наведените податоци на „Геосфера Австрија“, тоа е зголемување од околу 140 отсто.

Водата станува големата климатска сметка

Јегер бара приспособување на земјоделството кон новите услови. Една од целите е влагата подолго да се задржува во почвата и полесно да се амортизираат екстремните врнежи.

– Навистина се соочуваме со драматични климатски промени. Ќе мора целосно да се приспособиме на новите услови. Досегашниот начин на работа повеќе не е одржлив – предупредил Јегер.

Недостигот од вода, според него, не го засега само земјоделството. Последици може да почувствуваат снабдувањето со вода за пиење, енергетиката, индустријата и туризмот.

– Во суштина, сè уште не сме стигнале до крајот на растечкиот тренд – предупредил Јегер.

The post ПЕКОЛНО, А „НАЈСТУДЕНО ЛЕТО ЗА СЛЕДНИТЕ 300 ГОДИНИ“ Што се крие зад драматичното предупредување на австриски експерт? appeared first on plusinfo.mk.

Времето утре ќе биде сончево и многу топло, со мала до умерена облачност, а во четврток и во петок попладне се очекува нестабилност со пороен дожд, грмежи и засилен ветер.

Како што информира УХМР, локално ќе има услови за невреме со пообилен пороен дожд за кратко време, силен ветер и наместа појава на град. Температурата ќе опадне за неколку степени.

Во деновите од викендот и почетокот на новата седмица времето ќе биде стабилно, а дневната температурата ќе биде во постепен пораст.

Според прогнозата, максималните температури во петок и сабота ќе бидат 36 степени, а во недела 37 степени.

The post ПОРОЕН ДОЖД СО ГРМЕЖИ ВО ЧЕТВРТОК И ВО ПЕТОК Мало разладување пред новото затоплување за време на викендот appeared first on plusinfo.mk.