Двајца осуденици вчера се степале во амбулантното одделение на затворот „Идризово“, при што едниот од нив бил прободен со остар предмет и морало да биде пренесен во болница.

„На 05.10.2026 во 19:45 часот во СВР Скопје, од Казнено – поправната установа Затвор Идризово е пријавено дека околу 18:35 часот во амбулантното одделение во установата, бил нарушен јавниот ред и мир со физичка пресметка помеѓу осудениците М.М.(28) од скопско и Р.Е.(41) од Битола, кој употребил остар предмет и му нанел повреда на М.М., по што бил пренесен во Клиничкиот центар ‘Мајка Тереза’ за укажување лекарска помош. Се преземаат мерки за расчистување на случајот“, соопшти Министерството за внатрешни работи.

The post ДВАЈЦА ЗАТВОРЕНИЦИ СЕ СТЕПАЛЕ ВО АМБУЛАНТАТА ВО „ИДРИЗОВО“ Едниот бил прободен со остар предмет appeared first on plusinfo.mk.

Четиринаесет лица се приведени рано утринава во центарот на Скопје поради физичка пресметка во која биле вмешани повеќе луѓе.

Полицијата ги привела осумте полнолетни лица М.Е. (19), Г.С. (19), И.Р. (20), А.М. (20), Л.Ѓ. (19), А.А. (19), В.Г. (19) и Ж.А. (20), како и шест 17-годишници, сите од Скопје.

Инцидентот се случил околу 3 часот по полноќ, кога групата со меѓусебна физичка пресметка го нарушила јавниот ред и мир на подрачјето на Центар.

По приведувањето, полицијата продолжува со расчистување на случајот, по што против учесниците ќе бидат преземени соодветни мерки согласно утврденото во постапката.

Бидејќи меѓу учесниците има шест малолетници, нивното понатамошно постапување ќе се одвива со почитување на законските правила што се однесуваат на малолетни лица.

The post МАСОВНА ТЕПАЧКА ВО ЦЕНТАРОТ НА СКОПЈЕ Приведени осуммина на возраст од 19 и 20 години и шест малолетници appeared first on plusinfo.mk.

Тринаесетгодишно дете се бори за живот откако било избодено со нож во тепачка на улицата Македонско-косовска бригада во скопската населба Чаир, објави Телма.

Според болнички извори, детето е во исклучително тешка здравствена состојба.

Во инцидентот учествувале пет лица – четворица малолетници и едно полнолетно лице, велат извори од Министерството за внатрешни работи. Во нападот биле употребени ножеви и безбол-палки.

Еден од малолетниците, роден 2012 година, признал дека користел нож, но истрагата треба да покаже дали токму со тој нож му се нанесени тешките повреди на 13-годишното дете. Неговиот брат, роден во 2007 година, одбива да даде исказ.

Полицијата го расчистува случајот и ги утврдува улогите на сите учесници во инцидентот. Се подготвува кривична пријава за обид за убиство.

The post 13-ГОДИШНО ДЕТЕ СЕ БОРИ ЗА ЖИВОТ ПО НАПАД ВО ЧАИР Петмина го нападнале со ножеви и со безбол-палки appeared first on plusinfo.mk.

Семејство од гостиварско пријавило дека било физички нападнато во Долна Матка по расправија со вработен во комплексот околу прошетка со чамец.

Случајот во полиција го пријавила 47-годишната В.С. од селото Неготино, гостиварско, која според пријавата, заедно со сопругот и нивната ќерка била нападната од три лица.

Инцидентот се случил на 23 август околу 10:30 часот во Долна Матка. Според пријавеното, претходно дошло до расправија со вработен во комплексот во врска со прошетка со чамец.

По расправијата, според пријавата, В.С., нејзиниот сопруг и нивната ќерка биле физички нападнати од три лица.

Од МВР информираат дека се преземаат мерки за расчистување на случајот и утврдување на сите околности.

The post ТЕПАЧКА ВО ДОЛНА МАТКА ПО РАСПРАВИЈА ЗА ЧАМЕЦ Три лица нападнале семејство appeared first on plusinfo.mk.

Неверојатна сцена е забележана во Египет откако во јавноста се појави видео од физичка пресметка меѓу двете сопруги на селекторот на египетската фудбалска репрезентација, Хосам Хасан.

Според информациите што ги објавуваат египетските медиуми, ситуацијата брзо ескалирала, по што морала да интервенира полицијата за да спречи поголем инцидент.

Двете жени, според досегашните информации, биле приведени по тепачката.

На местото бил и самиот Хосам Хасан, кој, според објавените информации, се онесвестил за време на инцидентот. Тој веднаш бил пренесен во болница за да му биде укажана медицинска помош.

Mısır Milli Takımı Teknik Direktörü Hossam Hassan’ın iki eşi arasında kavga çıktı. Yaşanan kavganın yarattığı stres nedeniyle Hassan bayıldı ve hastaneye kaldırıldı. pic.twitter.com/TxinEk5I0E

— Haberler.com (@Haberler) August 15, 2026

The post 📽️ ДВЕ СОПРУГИ НА СЕЛЕКТОРОТ СЕ СТЕПАА, А ТОЈ ПАДНА ВО НЕСВЕСТ Драма во семејството на кормиларот на репрезентацијата на Египет appeared first on plusinfo.mk.

Дваесет и четиригодишен скопјанец е повреден со остар предмет во инцидент што се случил рано утринава кај „Фонтана“ на подрачјето на Општина Центар во Скопје.

Од Министерството за внатрешни работи информираат дека денеска, во 01:27 часот, во СВР Скопје било пријавено дека кај „Фонтана“ има повредено лице со остар предмет.

Полициските службеници веднаш излегле на местото, каде што го затекнале Н.Н. (24) од Скопје со двајца негови другари. Според неговата изјава, на локацијата избувнала физичка пресметка меѓу неколку лица, а тој се обидел да ги раздвои учесниците. Во тој момент, едно од лицата му нанело убодна рана со остар предмет.

Повредениот бил пренесен во Комплексот клиники „Мајка Тереза“ во Скопје, каде што му била укажана лекарска помош.

Од МВР соопштуваат дека се преземаат мерки за целосно расчистување на случајот и за пронаоѓање на сторителот.

The post ДОШОЛ ДА СМИРИ ТЕПАЧКА, ЗАВРШИЛ СО УБОДНА РАНА Млад скопјанец повреден кај „Фонтана“, полицијата трага по напаѓачот appeared first on plusinfo.mk.

Расправија меѓу малолетници во Сарај завршила со нож и тешка телесна повреда. Полицијата приведе 16-годишник, а против него ќе биде поднесена кривична пријава. Според СВР Скопје, инцидентот почнал пред угостителски објект, каде дошло до физичка пресметка меѓу малолетници.

Кратко потоа, пред продажен објект, 16-годишникот повторно се сретнал со 14-годишното момче, се вели во соопштението. Со нож му нанел тешка телесна повреда. Повредениот возвратил со тврд предмет и го повредил напаѓачот.

Полициски службеници го лишиле од слобода 16-годишникот во текот на ноќта, кон 01:35 часот. Во полициска станица со него бил извршен службен разговор во присуство на родител и адвокат.

По целосно расчистување на случајот ќе следува кривична пријава.

The post УБОД СО НОЖ ПРЕД ПРОДАВНИЦА ВО САРАЈ Малолетници се степале, па се бркале, па потекла крв appeared first on plusinfo.mk.

Триесет и шестгодишна жена од Скопје е уапсена од полицијата откако физички нападнала 46-годишна жена од Куманово во угостителски објект во кумановското село Зебрњак.

Според информациите од Министерството за внатрешни работи, на 5 јули 2026 година, околу 00:30 часот, полициски службеници од СВР Куманово ја привеле И.Т. (36) од Скопје.

Како што соопшти полицијата, таа во угостителски објект во селото Зебрњак физички ја нападнала В.Т. (46) од Куманово.

По приведувањето, осомничената била задржана во полициска станица, каде што се преземаат сите потребни мерки за расчистување на случајот.

Од МВР информираат дека по целосното документирање на настанот, против И.Т. ќе биде поднесена соодветна кривична или прекршочна пријава, во зависност од утврдените околности.

The post КАФАНСКА ТЕПАЧКА ВО КУМАНОВО МЕЃУ ДВЕ ЖЕНИ Полицијата ја уапси едната appeared first on plusinfo.mk.

Обична расправија во сообраќајот прерасна во физичка пресметка меѓу три жени во скопската населба Ѓорче Петров.
Според информациите од полицијата, по претходно недоразбирање, дошло до тепачка меѓу 30-годишна жена од една страна и две жени, на возраст од 51 и 21 година, од другата страна. Сите се од Скопје.
По целосното расчистување на случајот ќе следуваат соодветни поднесоци.

The post СЕ СТЕПАА ТРИ ЖЕНИ ПО КАВГА ВО СООБРАЌАЈОТ Инцидент во Ѓорче Петров appeared first on plusinfo.mk.

На 13-годишно девојче од Велика Британија му бил скршен носот откако маж го удрил во лицето за време на масовна тепачка што избувнала во средата во хотелот „Санта Сузана“ во Каталонија, на околу 65 километри од Барселона.

Инцидентот, кој настанал поради лежалка покрај базенот, предизвикал паника меѓу десетици туристи, а објавена е и снимка од хаосот, пишува лондонски „Сан“ (“The Sun“).

На снимката се гледа како група капачи прво се туркаат, по што избувнува тепачка во која еден маж неколку пати удира жена во зелено бикини. Конфликтот наводно настанал откако 13-годишното девојче седнало на лежалка, не знаејќи дека таа му припаѓа на член на локално семејство. Сведоци тврдат дека мажот веднаш физички ја нападнал тинејџерката.

Девојчето било пренесено во болница со лице прекриено со крв. Се верува дека на напаѓачот му се придружиле неговите пријатели, додека други британски туристи се обиделе да го заштитат девојчето.

Очевидци изјавиле дека сцените наликувале на „терористички напад“.

– Еден насилник удри во лицето невино 13-годишно девојче откако таа седна на празна лежалка. Таа немаше поим дека таа веќе ја користело друго семејство – изјавил извор за „Сан“.

– Не кажа ни збор, туку веднаш нападна. Беше неверојатно, апсолутно одвратно. Како може возрасен маж така да се однесува кон некого, а камоли кон дете – вели сведокот.

– За неколку секунди, настана општ хаос, а пријателите на шпанскиот насилник исто така интервенираа и почнаа да удираат. Во тој момент слушнав човек како вика: „Тргни се од мојата лежалка – додаде сведокот.

На местото на настанот беа повикани полиција и брза помош.

Άγρια συμπλοκή στην Καταλονία, η οποία ξεκίνησε για ένα εντελώς ασήμαντο ζήτημα, είχε ως αποτέλεσμα τον σοβαρό τραυματισμό μιας ανήλικης κοπέλας, η οποία δέχθηκε αναίτια επίθεση από ενήλικες, μετατρέποντας τις καλοκαιρινές διακοπές δεκάδων οικογενειών σε μια πραγματική ζώνη… pic.twitter.com/UgsfiMFtN9

— @nikolaosderes (@nikolaosderes) June 27, 2026

The post 🎥 БРУТАЛНА ТЕПАЧКА ЗА ЛЕЖАЛКИ ВО ШПАНИЈА 13-годишно девојче заврши со скршен нос appeared first on plusinfo.mk.