Македонскиот фризер и шминкер Марјан Петров роденденот годинава го прославил во Милано, но наместо само торта и подароци, добил и нешто што тешко се планира – случајни средби со две светски познати жени.

Петров на социјалните мрежи сподели фотографии од престојот во италијанската модна престолнина. На една од нив е со бразилската манекенка Адријана Лима. Покрај фотографијата напиша:

– Само еден опуштен момент со Адријана Лима.

 

View this post on Instagram

 

A post shared by Marjan Petrov (@marjan__petrov)

Изненадувањето продолжило само еден час подоцна. Петров објави уште една фотографија, овојпат со американската пејачка Сијара, која во моментов го очекува своето петто дете.

 

View this post on Instagram

 

A post shared by Marjan Petrov (@marjan__petrov)

The post МАКЕДОНСКИОТ ШМИНКЕР МАРЈАН ПЕТРОВ СЕ ЗАПОЗНАЛ СО АДРИАНА ЛИМА Роденденски подарок што не се заборава appeared first on plusinfo.mk.

Иванка Трамп, 44-годишната ќерка на американскиот претседател деновиве беше фотографирана како сурфа на една од плажите во Костарика. Облечена во бел горен дел од опрема за сурфање и црн долен дел, таа успева да застане на даската, да фати неколку бранови и да покаже дека очигледно веќе има искуство со овој спорт. Во еден момент сепак изгубила рамнотежа и завршила во водата.

Падот, воопшто не ја обесхрабрил. Иванка повторно се качила на даската и продолжила со сурфањето, а на фотографиите е видлива и насмевката на нејзиното лице. Во еден момент дури им упатила на фотографите сурферски поздрав.

Ivanka Trump was catching waves in Costa Rica.

She was spotted surfing during a family trip, looking steady on the board and even throwing up a shaka. Took one spill but got right back up smiling.

Summer mode fully activated.

Source: @nypost / Writer: Lynn pic.twitter.com/qiwvcHh9Rr

— Mario Nawfal (@MarioNawfal) August 24, 2026

Нејзиниот престој во Костарика, според податоците на костариканската Дирекција за миграција, траел од 20 до 24 август.

Ова не е првпат Иванка да дојде во Костарика поради сурфањето. Таа во оваа земја патува повеќе години, а во април 2025 година земала и приватни часови по сурфање на Playa Hermosa de Cóbano. Тогаш со неа биле членови на семејството и пријатели.

Интересно е што сопственикот на локалната школа за сурфање тогаш открил дека Иванка и нејзиното семејство со нив земале часови повеќе од три години. Тоа покажува дека нејзиното појавување на даската не е само туристички обид – таа очигледно веќе подолго време се обидува да ги усоврши сурферските вештини.

Костарика очигледно има посебно место во нејзините семејни одмори. Во 2025 година Иванка опиша дека со своите најблиски сурфала, се возела со зиплајн низ шумата, одела до водопадите, читала и уживала во деновите поминати далеку од секојдневието. Во земјата, според костариканскиот весник „La Nación“, престојувала и во 2022, 2023 и 2024 година.

 

View this post on Instagram

 

A post shared by Ivanka Trump (@ivankatrump)

Иванка, која е мајка на три деца и сопруга на Џаред Кушнер, последниве години во голема мера се повлече од формалната политичка улога што ја имаше за време на првиот мандат на нејзиниот татко во Белата куќа. Денес повеќе внимание посветува на семејството, патувањата и сопствените деловни и филантропски активности.

The post ИВАНКА ТРАМП ПАДНА ОД ДАСКАТА, НО НЕ СЕ ОТКАЖА Ќерката на американскиот претседател веќе неколку години се враќа во Костарика поради една од омилените активности appeared first on plusinfo.mk.

Холандската манекенка Карен Мулдер (57), една од најпознатите и најплатени суперманекенки во 90-тите години, повторно се враќа во центарот на вниманието. Откако пред повеќе од две децении се повлече од јавноста, Мулдер повторно позираше за престижниот магазин „Вог“ – овојпат за германското издание, а најави и враќање на модната писта.

 

View this post on Instagram

 

A post shared by VOGUE Germany (@voguegermany)

Мулдер во текот на својата кариера работеше за најголемите модни куќи, меѓу кои „Диор“, „Шанел“ и „Версаче“, а беше и меѓу првите ангели на „Викторија сикрет“. Во 90-тите ги полнеше насловните страници на модните списанија и чекореше по пистите покрај имиња како Наоми Кембел, Клаудија Шифер и Хелена Кристенсен.

Уште на 15 години било забележано дека има потенцијал за манекенство. Кариерата ѝ тргна по нагорна линија откако нејзина пријателка, без нејзино знаење, испратила фотографии од неа на натпревар на „Елит модел менаџмент“. Таа стигна до финалето во Париз, а потоа започна кариера која ја однесе на најголемите светски модни писти. Според архивите на „Вог“, Мулдер била едно од клучните лица на ерата на супермоделите во 90-тите.

Но, на врвот на кариерата, нејзиниот живот доби драматичен пресврт. Во 2001 година, на 32-годишна возраст, таа се појави во француска телевизиска емисија во која зборуваше за однесувањето во модната индустрија, вклучително и за злоупотреба на дрога и закани. Емисијата никогаш не беше емитувана, а Мулдер потоа за своите тврдења зборуваше и пред француската полиција.

После тоа беше примена во психијатриска установа во Париз, а неколку месеци подоцна пред полицијата изјави дека ги измислила обвинувањата. Сега, во интервју за „Вог“ вели дека била принудена да молчи:

– Бев принудена да кажам дека сум измислила сè. Таа не открива кој и зошто ја натерал на тоа, но вели дека ѝ се случиле „страшни и нехумани работи“.

– Мислев дека луѓето ќе ми веруваат затоа што сум позната. Сè што сакав беше тие страшни работи да престанат – мажите да престанат да мислат дека можат да прават што сакаат – вели Мулдер.

Во новото интервју таа зборува и за своите почетоци во модниот свет. Вели дека на фотографиите постојано се смеела и дека дури подоцна научила да се однесува поинаку пред камерата.

– Бев млада и наивна. На почетокот, сè што можев да правам на фотографиите беше да се смеам. Дури кога ќе ми се допаднеше фотографот на снимањето, можев да изгледам секси –  раскажа таа, додавајќи дека денес мисли оти насмевката можеби била некаков одбранбен механизам.

По долгогодишното отсуство, Мулдер денес гледа пооптимистично кон иднината.

– Во иднината гледам само позитивно – вели таа, а нејзиното повторно појавување на модната писта е планирано за септември.

Нејзиното појавување на насловната страница на германскиот „Вог“ е првата таква насловна по повеќе од три децении и означува големо враќање на манекенката која некогаш беше едно од најпрепознатливите лица на светската мода.

 

View this post on Instagram

 

A post shared by VOGUE Germany (@voguegermany)

The post БЕШЕ ЕДНА ОД НАЈПЛАТЕНИТЕ МАНЕКЕНКИ, А ПОТОА МИСТЕРИОЗНО ИСЧЕЗНА Карен Мулдер се враќа на модната сцена на 57 години  appeared first on plusinfo.mk.

Концертите, што ќе се одржуваат во Њујорк, Париз, Лагос, Рио де Жанеиро, Сиднеј, Мумбај и други градови, ќе се совпаднат со неделата на Генералното собрание на Обединетите Нации. Ѕвездите, исто така, ќе ја поканат Г-20 на делување, како и учесниците на состанокот за климата КОП-26 во ноември.

„На шест континенти, уметниците ќе им помогнат на граѓаните да бараат од владите, големите корпорации и филантропите да работат заедно за да ја заштитат планетата и да ја победат сиромаштијата“, се наведува во соопштението на невладината организација „Граѓанин на светот“.

Били Ајлиш и „Колдплеј“ ќе настапат во Централ парк во Њујорк, а ним ќе им се придружат и Џенифер Лопез, Камила Кабело, Шон Мендез и Бурна Бој. Ед Ширан ќе настапи во Париз заедно со Елтон Џон, Доџа Кет, „Блек ајд пис“ и Стормзи. Пејачот Феми Кути ќе настапи во родната Нигерија, а Бразилецот Алок во Рио. Легендарните „Дјуран Дјуран“ и Кајли Миног ќе бидат во Лондон.

Движењето „Граѓанин на светот“ има мисија, ставање крај на екстремната сиромаштија до 2030 година. Концертите служат и како притисок врз властите, на пример за прашањата поврзани со одржливоста и еднаквоста.

Водачот на Светската здравствена организација Тедрос Гебрејсус ја поддржа најновата кампања која повикува и на еднаквост во пристапот до вакцини.

The post КОНЦЕРТИ НА ШЕСТ КОНТИНЕНТИ Светските ѕвезди со настап за вакцинацијата и против климатските промени appeared first on plusinfo.mk.