Министерот за здравство, Сашо Клековски, откри дека денешната полициска акција е поради двојна наплата на здравствни услуги од страна на болницата Санте плус. За операција на очи услугата еднаш ја плаќал Фондот, а вторпат самиот пациент. И ова се правело масовно. Опфатени биле и други прекршоци, но овој бил најмасовен.

– Станува збор за повеќе видови на прекршоци, една од најмасовните е двојна наплата на пациентите односно земени се пари од Фондот за одредена услуга за која има договор и таа услуга под различни превези и изговори е наплаќана од пациентите. Во акцијата е вклучена една приватна здравствена установа која имаше договор со Фондот за здравствено осигурување и неколку лица од Фондот. Станува збор за злоупотреба на средства од Фондот за здравствено осигурување. Се надевам дека МВР наскоро ќе излезе со повеќе детали. Можам само да ја потврдам акцијата, да ја потврдам соработката и да изразам голема благодарност на истрајноста и упорноста на вработените во МВР и на Јавното обвинителство, што конечно една од ситуациите на кои работевме изминатите две години доаѓа до одредена завршница, барем во однос дека ќе има кривични пријави и судска постапка – рече Клековски.

Одговорајќи на новинарско прашање министерот рече дека токму тој бил иницијатор на истрагата бидејќи станувало збор за здравствена установа која повеќе пати сторувала прекршоци, но не била казнувана.

– Значи, не е еднаш, двапати, трипати. Туку постојано повторување на слични прекршоци за кои не била соодветно казнувана. Јас предложив на Комисијата за прекршоци, и таа прифати да се раскине договорот со таа здравствена установа за да се прекине ланецот на неказнивост. Истовремено побарав да се покрене истрага. МВР заедно со Секторот за контрола на Фондот за здравствено осигурување напорно работеше да се завршат сите работи. Беа вклучени и Државниот санитарен и здравствен инспекторат и Агенцијата за лекови и други установи, за од сите аспекти да се затвори истрагата. И благодарам повторно на истрајноста на вработените во МВР на завршената работа – рече Клековски.

Тој рече дека во истрагата биле вклучени повеќе институции.

– Беа вклучени и ДСЗИ и Агенцијата за лекови и други установи за од сите аспекти да се затвори истрагата. Благодарам на истрајноста на вработените во Министерството за внатрешни работи на завршената работа – рече Клековски.

Во истрагата се опфатени пет лица кои биле вработени во Фондот за здравство и четири од приватната болница.

Првопријавен е Ден Дончев, поранешен директор на Фондот за здравствено осигурување.

Според неофицијални информации, штетата на Буџетот од шемата на оваа приватна здравствена установа е над 1,5 милиони евра. Противправно стекнатата материјална корист за болницата се проценува на околу 4 милиони евра, а оштетени биле голем број пациенти.

The post САНТЕ ПЛУС НАПЛАЌАЛА И ОД ПАЦИЕНТИТЕ И ОД ФОНДОТ Клековски ја открил шемата и побарал да се раскине договорот со болницата appeared first on plusinfo.mk.

Првопријавен во денешната акција на полицијата е Ден Дончев, поранешен директор на Фондот за здравство на Македонија во време на Владата на СДСМ.

Под истрага, според првичните информации, се одговорни лица од приватната болница Санте плус и вработени во Фондот за здравствено осигурување, кои се осомничени за повеќе кривични дела, меѓу кои злоупотреба на службената положба и овластување, несовесно работење во службата, измама и перење пари. Сомневањата, меѓу другото, се однесуваат и на наводни незаконски постапки поврзани со операции на очите.

Меѓу пријавените се Ридван Асани, поранешен претседател на управен одбор на ФЗО, Весна Ќамилова, поранешен управител на приватната болница Санте плус, Салих Бозгурт, поранешен сопственик и овластено лице во болницата, Селма Амет, сегашен управител, Гериана Арапи, поранешна директорка на болницата, Цветен Серафимовски, поранешен раководител на Сектор за контрола во ФЗО, Жаклина Стаменкова, поранешен директор на ФЗО подрачна единица Скопје, Ирена Поповска, сегашен раководител на подрачна единица Скопје.

Според неофицијалните информации, штетата што ја направиле врз буџетот надминува 1,5 милиони евра, а противправно стекнатата материјална корист за болницата Санте плус се проценува на околу 4 милиони евра. Оштетени се и поголем број пациенти кои се лекувале во болницата.

Полицијата утрово спроведе претреси на повеќе од 10 локации во Скопје, Тетово и во Куманово.

The post ВРАБОТЕНИ ВО БОЛНИЦАТА САНТЕ ПЛУС ПОД ЛУПА НА ПОЛИЦИЈАТА Сомнежи за незаконски постапки при операции на очи appeared first on plusinfo.mk.

Утрово припадници од Одделот за организиран криминал при Бирото за јавна безбедност – МВР спроведуваат претреси на повеќе од 10 локации во Скопје, Тетово и во Куманово.

Под истрага, според првичните информации, се одговорни лица од приватна болница и вработени во Фондот за здравствено осигурување, осомничени за повеќе кривични дела, меѓу кои злоупотреба на службената положба и овластување, несовесно работење во службата, измама и перење пари.

Според неофицијалните информации, штетата врз буџетот надминува 1,5 милиони евра, додека противправно стекнатата материјална корист за болницата се проценува на околу 4 милиони евра. Оштетени се и поголем број пациенти кои се лекувале во болницата.

Како што дознаваат медиумите, првопријавен е Ден Дончев, поранешен директор на ФЗОМ, во време на Владата на СДСМ.

Според првите информации, осомничени се и Р.А. – поранешен претседател на управен одбор на ФЗО, В.Ќ. – поранешен управител на Санте, С.Б. – поранешен сопственик и овластено лице во болницата, С.А. – сегашен управител, Г.А. – поранешен директор на болницата, Ц.С. – поранешен раководител на Сектор за контрола во ФЗО, Ж.С. – поранешен директор на ФЗО подрачна единица Скопје, како и И.П. – сегашен раководител на подрачна единица Скопје.

Повеќе детали се очекуваат во текот на денот.

The post ДЕН ДОНЧЕВ, ПРИВАТНА БОЛНИЦА И ВРАБОТЕНИ ВО ФОНДОТ ЗА ЗДРАВСТВО НА УДАР НА ПОЛИЦИЈАТА Направиле штета врз буџетот од 1,5 милиони евра appeared first on plusinfo.mk.

Дваесет и осум пиштоли за светлосно-звучна сигнализација биле пронајдени во деловен простор во Куманово, а 63-годишен маж бил лишен од слобода бидејќи за оружјето немал дозвола, соопшти Министерството за внатрешни работи.

Станува збор за Љ. М. од Куманово, кој бил приведен на 20 октомври во 14:20 часот, во рамките на акциска контрола спроведена според претходно изготвен план.

Во акцијата учествувале полициски службеници од СВР Куманово, во содејство со Одделот за криминалистичка полиција при Бирото за јавна безбедност и Одделот за граѓански работи при МВР.

Пронајдените пиштоли биле одземени во рамките на постапката, а 63-годишникот бил приведен во полициска станица.

Од МВР информираат дека по целосното документирање на случајот против него ќе биде поднесена соодветна пријава.

The post 28 ПИШТОЛИ БЕЗ ДОЗВОЛА, 63-ГОДИШНИК ВО ПОЛИЦИЈА Голема акција на МВР во Куманово appeared first on plusinfo.mk.

Пиштол под кревет и кокаин скриен во навлака од перница пронашла полицијата при претрес во тетовското село Голема Речица. Приведен е 57-годишниот А.А., кој за време на претресот им се заканувал на полицајците, соопшти Министерството за внатрешни работи (МВР).

Претресот бил извршен вчера, од 15 до 16.30 часот, врз основа на судска наредба. Полицијата го проверила домот на осомничениот и помошните простории.

„Во една од собите во подрумската просторија под кревет пронајден е еден пиштол марка ‘екол дуал’ со една празна рамка“, информира МВР.

Во помошна просторија, во навлака од перница, полицајците пронашле 22 мали најлонски кесички со кокаин и една поголема кеса со истата дрога.

Претресот бил спроведен поради сомнение за кривично дело според член 215 од Кривичниот законик, кој се однесува на неовластено производство и пуштање во промет наркотични дроги.

The post ИМ СЕ ЗАКАНУВАЛ ДОДЕКА ГО ПРИВЕДУВАЛЕ Жител на Голема Речица чувал пиштол и кокаин под перница appeared first on plusinfo.mk.

Голема полициска акција се спроведува на повеќе од 40 локации низ Македонија, при што се пронајдени дрога, оружје, пари, мачети и други предмети за кои постојат сомневања дека потекнуваат од кривични дела/

Претресите траат веќе втор ден, а акцијата ја координира Одделот за криминалистичка полиција при Министерството за внатрешни работи (МВР).

Во операцијата учествуваат сите сектори за внатрешни работи, како и организациската единица за службени кучиња.

Полициските екипи и натаму се на терен, а претресите се дел од континуираните активности за сузбивање на криминалот.

The post МВР ЧЕШЛА НА 40 МЕСТА, АКЦИЈАТА ТРАЕ ВТОР ДЕН Досега се запленети дрога, пари и оружје appeared first on plusinfo.mk.

Четириесет и тригодишен жител на скопското село Кондово е уапсен на граничниот премин Долно Блаце, при влез во Македонија. За него биле распишани две централни и меѓународни потерници, по наредби на Основниот кривичен суд Скопје.

Станува збор за Ф. Т. (43), кој бил баран за издржување две затворски казни од по осум години.

Според Министерството за внатрешни работи, едната потерница се однесувала на казна затвор од осум години за кривично дело „тешки дела против општата сигурност“, предвидено во член 288, став 3 од Кривичниот законик.

Втората потерница била распишана за издржување осумгодишна затворска казна за кривично дело „тероризам“, според член 313 од Кривичниот законик.

„Лицето ќе биде предадено на надлежната казнено-поправна установа“, соопштија од МВР.

The post УАПСЕН КОНДОВЕЦ БАРАН ЗА ТЕРОРИЗАМ На „Блаце“ го чекале две меѓународни потерници appeared first on plusinfo.mk.

Голема полициска операција е спроведена во Подгорица, каде што е уапсен Драгољуб Миловиќ, претседател на синдикатот на црногорската Агенција за национална безбедност (АНБ). Акцијата е насочена кон финансиското работење на синдикалните организации во безбедносниот сектор, а покрај Миловиќ, приведени се и други лица.

Според црногорската Радио-телевизија (РТЦГ), полицијата го проверува работењето на синдикатите на Министерството за внатрешни работи, Управата на полицијата, Агенцијата за национална безбедност и Полициската академија.

Покрај Миловиќ, уапсен е и Жарко Мрдовиќ, поранешен раководител на синдикалната организација на Полициската академија во Даниловград, објави црногорскиот портал „Адрија“.

Според неофицијалните информации на истиот медиум, меѓу лицата што би можеле да бидат опфатени со акцијата е и Младен Шушкавчевиќ, претседател на синдикатот на Управата на полицијата.

Засега нема потврда дека Шушкавчевиќ е уапсен.

Истрагата, според неофицијалните информации, е поврзана со сомневања за неправилности во финансиското работење на синдикалните организации.

The post ПОЛИЦИСКА АКЦИЈА ВО ЦРНА ГОРА, УАПСЕНИ СИНДИКАЛНИ ФУНКЦИОНЕРИ Под лупа финансиите на полицијата и на тајната служба appeared first on plusinfo.mk.

Полициска акција во трговски центар во Ванкувер завршила со пронаоѓање и апсење на осомничен маж, а целиот настан бил снимен со камера.

Она што никој не го очекувал е дека мажот ќе се обиде да се скрие во конструкцијата на таванот за да избега од полицијата.

Габриел Хидео бил уапсен на 30 септември, откако полицајците го пронашле како ползи низ просторот над таванот и ги крши гипсените плочи во стоковната куќа „Мејсис“ (Macy’s).

– Нашиот центар беше контактиран околу 16 часот – изјавила Ким Кап од локалната полициска управа.

Според неа, вработените пријавиле дека некој се наоѓа во просторот над таванот на продавницата и дека во близина на одделот за опремување на домот биле искршени повеќе гипсени плочи.

На снимката се гледа како полицајците поставуваат скала до отворот на таванот, додека пожарникарите претходно поставиле душек за да го ублажат евентуалниот пад.

 

View this post on Instagram

 

A post shared by Vancouver Police Department (@vancouverpoliceusa)

Поради безбедноста на посетителите, вториот кат од објектот бил евакуиран.

Според надлежните, Хидео повеќе од еден час ползел низ просторот над таванот, додека полицајците го повикувале да слезе. Тој, сепак, продолжил да се движи низ конструкцијата, кршејќи нови плочи и оштетувајќи ги светилките и каблите.

Кога конечно се приближил до скалата, ситуацијата станала уште подраматична.

На снимката се гледа како Хидео повторно се обидува да се искачи во просторот над таванот за да го избегне апсењето. Полицајците тогаш ја тргнале скалата, по што тој ја изгубил потпората и паднал врз душекот.

– Се исправи и се обиде да избега. Тоа не заврши баш најдобро – соопштила полицијата.

Неколку полицајци веднаш го собориле на подот. Хидео давал отпор, но бил совладан и му биле ставени лисици. Потоа бил врзан за носилки и однесен во притвор.

На 1 октомври Хидео бил префрлен во затворот во округот Кларк. Тој е обвинет за предизвикување материјална штета и провала, а за секое од обвиненијата му била одредена кауција од по 15.000 долари.

The post 📽️ СЕ КРИЕЛ ВО ТАВАНОТ, А ПОТОА НАСТАНАЛ ХАОС Полицијата го симнала со сила и го врзала за носилки appeared first on plusinfo.mk.

17-годишник од Скопје е лишен од слобода откако 40-годишна жена пријавила дека тој извршил обљуба врз нејзината 15-годишна ќерка.

Случајот бил пријавен во полиција, по што вчера, 29 септември, околу 16 часот, полициски службеници од СВР Скопје го лишиле од слобода малолетникот.

Според пријавата, по настанот 17-годишникот продолжил да ја демне малолетничката и од неа барал да му испраќа експлицитни фотографии и снимки.

Од МВР информираат дека случајот се расчистува и дека по неговото целосно документирање ќе следува соодветна пријава.

The post 17-ГОДИШНИК ПРИВЕДЕН ВО СКОПЈЕ ПО ПРИЈАВА ЗА СИЛУВАЊЕ Пријавениот го демнел 15-годишното девојче и ѝ барал експлицитни снимки appeared first on plusinfo.mk.