Полициска акција кај Битола заврши со откриени 46 пакувања марихуана, откако непознато лице побегнало при обид да биде запрено од полициски службеници на патот меѓу селата Лажец и Граешница.

Настанот се случил на вчера година околу 18:45 часот, кога полициски службеници од СВР Битола, при извршување на службени дејствија, забележале лице кое не се придржувало на издадена наредба за запирање.

Според информациите, полицијата му дала усна команда да застане, но лицето не застанало. Во обид да биде запрено, еден од полициските службеници испукал три предупредувачки куршуми во воздух, по што лицето фрлило торба и побегнало од местото.

По извршено пребарување на теренот, полицијата пронашла три торби во кои имало вкупно 46 пакувања со марихуана.

Од СВР Битола информираат дека се преземаат мерки за целосно расчистување на случајот и за идентификација на лицето.

The post ПОЛИЦИЈАТА ПУКАШЕ ВО ВОЗДУХ КАЈ БИТОЛА Не застанал на предупредувањата, фрлил торби и побегнал appeared first on plusinfo.mk.

Полицијата во изминатото деноноќие лишила од слобода 17 возачи поради безобѕирно управување со моторни возила, при што дури 14 од нив возеле без возачка дозвола, а меѓу нив имало и пет малолетници.

Според информациите од Министерството за внатрешни работи, најголем број од санкционираните биле затекнати на подрачјето на Скопје и Тетово. Во Скопје биле приведени шест лица, од кои двајца малолетници, додека во Тетово биле лишени од слобода четири лица, меѓу кои тројца малолетници.

По едно лице без возачка дозвола било затекнато и во Куманово, Велес, Охрид и Прилеп.

Покрај возачите кои управувале возила без положен возачки испит, полицијата привела и тројца возачи кои седнале зад волан под дејство на алкохол. Станува збор за лица од Куманово, Македонска Каменица и Скопје.

Во еден од случаите во Скопје, алкохолизираниот возач со автомобил „форд“ удрил во паркирано возило од истата марка, при што била предизвикана материјална штета.

Од МВР информираат дека по целосно документирање на сите случаи ќе бидат поднесени соодветни кривични пријави против сторителите.

Полицијата апелира до граѓаните да не управуваат моторни возила без возачка дозвола, во период кога им е изречена забрана за управување или под дејство на алкохол, со цел да се зголеми безбедноста во сообраќајот.

The post ФАТЕНИ ПЕТ МАЛОЛЕТНИЦИ БЕЗ ВОЗАЧКА И ТРОЈЦА ПИЈАНИ Полицијата приведе 17 лица за едно деноноќие appeared first on plusinfo.mk.

Дваесет и едногодишен жител на Куманово е приведен откако не застанал на полициски знак за запирање додека управувал мотоцикл, информираше Министерството за внатрешни работи.

Според информациите, настанот се случил на 4 јуни околу 23:50 часот, кога полициски службеници од СВР Куманово го привеле Ј.С. (21) од Куманово.

Претходно, тој управувал мотоцикл и не постапил по наредбата за запирање дадена од полицијата, по што продолжил да се движи.

По преземените мерки, полицајците го пронашле младиот возач заедно со мотоциклот на бензинска пумпа во Куманово. Според МВР, при интервенцијата тој агресивно се однесувал и ги попречувал полициските службеници во извршувањето на нивните службени задачи.

По приведувањето бил однесен во полициска станица, а мотоциклот му бил одземен.

Од Министерството за внатрешни работи најавуваат дека по целосното расчистување и документирање на случајот против него ќе биде поднесена соодветна пријава.

The post МОТОРЏИЈА НЕ ЗАСТАНАЛ НА ПОЛИЦИСКИ ЗНАК И ПОБЕГНАЛ Kумановец заврши во станица, моторот му е одземен appeared first on plusinfo.mk.

Жител на Дебар на возраст од 29 години заработи кривична пријава откако предизвикал сообраќајна незгода возејќи со голема брзина, а потоа физички нападнал полициски службеници кои интервенирале на местото на настанот.

Од Министерството за внатрешни работи информираат дека Надворешната канцеларија за криминалистички работи Дебар поднела кривична пријава против А.Љ.(29) од Дебар поради сомнение за сторени кривични дела „безобѕирно управување со моторно возило“ и „напад врз службено лице при вршење работи на безбедноста“.

Според информациите на полицијата, инцидентот се случил на 29 мај годинава, кога пријавениот управувал патничко возило со голема брзина и предизвикал сообраќајна незгода.

По несреќата, на местото пристигнале полициски службеници за да извршат увид и службени дејствија, но наместо да соработува, 29-годишникот физички ги нападнал полицајците.

По целосно документирање на случајот, против него е поднесена кривична пријава и ќе следува понатамошна постапка пред надлежното обвинителство.

The post ДИВЕЕЛ НА ПАТОТ, ПОТОА НАПАДНАЛ ПОЛИЦАЈЦИ Кривична пријава за 29-годишник од Дебар appeared first on plusinfo.mk.

Седум пријави за семејно насилство биле регистрирани во изминатото деноноќие, а четири лица завршиле во полициска станица, обзнани МВР во објава на официјалниот профил на Фејсбук.

Случаите биле пријавени во Скопје, Тетово и во Виница и опфаќаат физички напади, закани и повредување на членови на семејството.

Најтежок случај бил регистрирани во Скопје, каде една жена пријавила дека нејзиниот вонбрачен партнер ѝ истурил хемиско средство во пределот на лицето и очите. По инцидентот ѝ била укажана лекарска помош на Клиниките „Мајка Тереза“, соопшти Министерството за внатрешни работи.

На подрачјето на Шуто Оризари бил приведен 40-годишен скопјанец по пријава дека со остар предмет ѝ се заканувал на својата вонбрачна партнерка, а потоа и на нивната ќерка. Притоа оштетил и дел од покуќнината.

Во Гази Баба бил приведен 46-годишен маж кој, според пријавата, физички ги нападнал своите родители и упатувал закани кон членови на семејството.

Во Тетово бил лишен од слобода 44-годишен маж поради сомнение дека извршил семејно насилство врз својата сопруга. Во Виница, пак, 29-годишна жена била приведена по пријава дека со метален предмет ја нападнала својата мајка и ѝ нанела повреди.

Во уште еден случај во Скопје, во полициска станица бил извршен службен разговор со 63-годишен маж по пријава дека физички ја нападнал својата сопруга.

Пријава за закани добила и полицијата на Бит Пазар, каде 33-годишна жена пријавила дека нејзиниот сопруг ѝ упатувал закани.

The post Ѝ ИСТУРИЛ ХЕМИСКО СРЕДСТВО ВО ОЧИТЕ Седум пријави за семејно насилство, четворица приведени appeared first on plusinfo.mk.

Полициски службеници во Струмица ноќеска лишиле од слобода Н.Џ. од село Двориште, беровско, откако кај него и во неговото возило биле пронајдени дрога, оружје и муниција.

Инцидентот се случил околу 02:00 часот по полноќ, во близина на угостителски објект во Струмица, каде што полицијата извршила контрола врз лицето и возилото во кое се наоѓал.

Според информациите, кај него била пронајдена бела прашкаста материја за која во разговор со полицијата изјавил дека е кокаин.

При дополнителен преглед на автомобилот „фолксваген голф“ со беровски регистарски ознаки, во багажникот биле пронајдени оружје, муниција и делови од полициска опрема за кои постои сомнение дека биле нелегално поседувани.

Лицето е задржано во Полициската станица Струмица, а за случајот е известен јавен обвинител од Основното јавно обвинителство Струмица.

По целосно документирање на настанот, против него ќе биде поднесена соодветна пријава.

The post 📷 ПРИВЕДЕН ДИЛЕР ВО СТРУМИЦА Кокаин, оружје и полициска опрема најдени во „голф“ appeared first on plusinfo.mk.

Во последното деноноќие биле пријавени четири случаи на семејно насилство во различни градови низ државата, а две лица завршиле во полициска станица.

Во Штип, полицијата го привела 33-годишниот К.Д. откако неговата 32-годишна сопруга пријавила дека по расправија во семејниот дом физички ја нападнал. Инцидентот се случил околу 03 часот по полноќ.

Неколку часа подоцна, во Тетово бил приведен и 73-годишниот Ј.Д. По пријава од неговата 66-годишна сопруга, тој во семејниот дом ѝ се заканувал со остар предмет. Полициски службеници го лишиле од слобода во Центарот за социјални работи во Тетово.

Во Скопје, 38-годишен маж пријавил дека неговата 33-годишна сопруга му упатувала закани во семејниот дом во Драчево. Според пријавата, случајот се случил два дена претходно.

Нов инцидент бил пријавен и во гостиварско, каде 36-годишна жена тврди дека по расправија нејзината свекрва се обидела да ја нападне со тврд предмет.

Од МВР информираат дека се преземаат мерки за расчистување на сите случаи, а по нивно документирање ќе следуваат соодветни пријави.

The post ЗАКАНИ СО НОЖ И ТЕПАЧКИ ВО ДОМОВИТЕ Две лица се приведени за семејно насилство во четири пријави appeared first on plusinfo.mk.

Во голема акција на безбедносните сили во Турција, уапсени се вкупно 198 лица осомничени за поврзаност со 16 криминални групи, јави ТРТ Хабер.

Операциите биле спроведени во 16 региони низ земјата, меѓу кои Ерзурум, Сакарија, Ајдин, Кајсери, Адана, Мугла, Ескишехир, Битлис, Кахраманмараш, Маниса, Баликесир, Тунџели, Текирдаг, Синоп, Гиресун и Агри.

Акцијата била реализирана во координација со одделите за борба против шверцување и организиран криминал (KOM) при жандармеријата, како и со службите за борба против кибер-криминал, во соработка со обвинителствата и Комисијата за истражување на финансиски криминал (MAСAК).

Од уапсените, за 105 лица е одреден притвор, додека на 75 им е изречена мерка судска контрола до почетокот на постапката.

Истрагата покажала дека дел од групите измамиле граѓани преку социјалните мрежи, нудејќи лажни „инвестициски консултации“, особено во Ерзурум, Сакарија, Ајдин, Кајсери и Гиресун. Други групи изнудувале пари од бизнисмени во Адана и Мугла, користејќи закани и присила.

Покрај тоа, биле откриени канали за шверц на дрога од источните делови на земјата, како Кахраманмараш и Агри, кон западниот регион Текирдаг. Во Синоп, криминални мрежи управувале со нелегални обложувалници и финансиски трансфери, додека во Тунџели биле регистрирани случаи на фалсификување документи.

Во Маниса бил откриен шверц со оружје, а во Баликесир, Ескишехир и Битлис – случаи на незаконско лихварство со високи каматни стапки.

Со судска одлука, блокирани се повеќе од 1.000 банкарски сметки, конфискувани 24 недвижности и 16 возила. При претресите се одземени дигитални материјали, документи, пари и наркотични супстанции.

The post РАЗБИЕНИ 16 КРИМИНАЛНИ МРЕЖИ ВО ТУРЦИЈА Уапсени 198 лица за измами, дрога и оружје, откриени сериозни шеми appeared first on plusinfo.mk.

Вистинска драма се одвивала среде ден во Неапол, каде неколку вооружени мажи ограбиле филијала на банка и држеле 25 луѓе како заложници, пред да избегаат преку подземен тунел.

Грабежот започнал околу 11 часот во подружница на Кредит агрикол, по што полицијата веднаш го опколила објектот. Во банката во тој момент имало вработени и клиенти, кои биле задржани од напаѓачите.

İtaliyanın Neapol şəhərində bank qarət olunub, 30-a yaxın girov azad edilib#Neapol #Italy pic.twitter.com/znAf9yEt1E

— APA TV (@APATVOfficial) April 16, 2026

Според локалните медиуми, заложниците биле ослободени повеќе од два часа подоцна, по преговори со полицијата. Пожарникарите дури скршиле прозорец за да им помогнат на луѓето побрзо да излезат од објектот.

Italie | Sécurité
À Naples, des assaillants braquent une banque et prennent 25 personnes en otage.

Les otages sont libérés progressivement pendant que les suspects s’échappent via des tunnels souterrains. pic.twitter.com/d7sqrKTAjL

— KRONIK Insights (@KRONIKInsights) April 17, 2026

Еден од присутните изјавил дека напаѓачите ги заклучиле во посебна просторија, но не покажале насилство и покрај тоа што биле вооружени.

Gunmen storm bank in Italy’s Naples, take hostages

About 10–20 employees and customers are inside — three of whom are feeling unwell

The armed men have barricaded the doors and are negotiating with law enforcement pic.twitter.com/ZMd15xmPN3

— RT (@RT_com) April 16, 2026

– Никој не е сериозно повреден. Благодарение на брзата реакција, сите заложници беа ослободени кратко по 13:30 часот – изјави регионалниот функционер Микеле ди Бари.

The Neapolitan Money Heist is leaving Italy in shock

For now, the bandits have gotten away with it, escaping through the sewers and looting all the safe deposit boxes

The hostages say they were “kind,” and that their accent was Neapolitan

The mystery is thick pic.twitter.com/T3rjb07pQ4

— Mambo Italiano (@mamboitaliano__) April 17, 2026

Неколку часа подоцна, специјалните полициски единици упаднале во банката, користејќи истрели и шок-бомби. Но, според информациите, разбојниците веќе биле избегани.

Се претпоставува дека избегале преку тунел поврзан со канализацискиот систем. Засега не е познато колкав плен однеле, бидејќи наместо готовина, од банката биле однесени неколку лични сефови.

The post 📽️ ФИЛМСКИ ГРАБЕЖ ВО НЕАПОЛ СРЕДЕ БЕЛ ДЕН Вооружени мажи држеа 25 заложници и избегаа низ тунел appeared first on plusinfo.mk.

Три угостителски објекти во скопската населба Аеродром ќе се соочат со кривични пријави откако полицијата открила дека служеле алкохол на малолетници.

Во текот на продолжениот викенд од 19 до 22 март, полицијата спровела засилени контроли на подрачјето на Аеродром и Драчево. Во акцијата биле проверени вкупно 12 угостителски објекти, а во три од нив биле затекнати малолетници кои консумирале алкохол.

Според информациите од полицијата, по целосно документирање на случаите, против одговорните ќе бидат поднесени кривични пријави за „точење алкохол на малолетници“.

Контролите биле насочени кон спречување на ваквите појави, кои се меѓу почестите прекршоци во угостителските објекти, особено за време на викенди и на празници.

The post МАЛОЛЕТНИЦИ ФАТЕНИ СО АЛКОХОЛ ВО КАФУЛИЊА Три локали во Аеродром заработија кривични пријави appeared first on plusinfo.mk.