The post ПИЈАН ТЕТОВЕЦ ВОЗЕЛ ВО СПРОТИВНА НАСОКА НА ПАТОТ ГОСТИВАР-ТЕТОВО Приведен е заедно со друштвото кое било дрско кон полицајците appeared first on plusinfo.mk.

67-годишен жител на Кадрифаково е приведен откако со автомобил „форд“ излетал од патот во селото, а полициската контрола покажала дека возел пијан и без важечка возачка дозвола.

Станува збор за Д.Б., кого полицијата го лишила од слобода на 2 септември околу 16:13 часот.

По сообраќајката, полицајците утврдиле дека во крвта имал дури 2,09 промили алкохол.

Дополнително, било утврдено дека 67-годишникот немал важечка возачка дозвола, додека сообраќајната дозвола на автомобилот била со истечена важност.

Полицијата извршила увид на местото на настанот, а за случајот бил известен и јавен обвинител.

По целосното расчистување и документирање на случајот, против возачот ќе следува соодветна пријава.

The post СЕДНАЛ ЗАД ВОЛАН СО 2,09 ПРОМИЛИ И ИЗЛЕТАЛ ОД ПАТОТ Приведен жител на Кадрифаково кој бил без возачка и со истечена регистрација appeared first on plusinfo.mk.

Дванаесет лица се повредени во драматичен инцидент во познатото португалско летувалиште Албуфеира, откако 35-годишен возач со автомобил се залетал кон пешаци во една од најпознатите улици за ноќен живот во градот.

Инцидентот се случил околу 3 часот наутро во улицата Руи Франциско Са Карнеиро, во делот познат како Оура Стрип.

Според португалската Национална републиканска гарда (GNR), автомобилот во еден момент ненадејно тргнал. Полицајците му наредиле на возачот да застане, но тој го игнорирал предупредувањето.

Наместо да запре, тој го свртел автомобилот и продолжил да вози. Кога повторно бил запрен од полицијата, возачот повторно не застанал, туку со возилото се упатил директно кон пешаците и полициската патрола.

Во налетот биле повредени повеќе лица. Полицајците дури испукале и неколку куршуми во воздух за да ги предупредат луѓето и да се обидат да го запрат возачот.

По инцидентот, 35-годишникот продолжил да бега. Со автомобилот се судрил со друго возило, по што излегол и се обидел да избега пеш.

Bom dia!

Eu só digo isto:
-EU AVISEI!!!!

FECHEM A DOS BARES!
(Créditos Albufeira em Alerta) https://t.co/71cvuAfuPE pic.twitter.com/AgNX3TCvnO

— Algarvices (@Algarvices) August 25, 2026

Полицијата успеала да го стигне и да го уапси.

Меѓу 12-те повредени има 10 португалски државјани, како и државјани на Полска и на Шпанија. Двајца од повредените се припадници на полицијата.

Една 21-годишна Португалка е тешко повредена, додека останатите 11 лица се со полесни повреди и не се во животна опасност.

Возачот бил под дејство на алкохол. Алкотестот покажал 1,29 грама алкохол на литар крв, додека дозволената граница во Португалија е 0,5 грама на литар.

Против него се води постапка поради тешко насилство, опасно управување и возење под дејство на алкохол. Направени му се и токсиколошки анализи.

No Verão vão ter que pôr umas barreiras para bloquear carros..#Albufeira #Algarve #portugal pic.twitter.com/WT2EJl1RJn

— um pouco de tudo (@CanadianTuga69) August 25, 2026

Снимките од местото на настанот покажуваат како автомобилот со вклучени фарови се движи кон пешаците, додека луѓето во паника се обидуваат да избегаат од патот.

Португалскиот министер за внатрешни работи Луис Невеш изрази солидарност со повредените и нивните семејства и им посака брзо закрепнување.

Градоначалникот на Албуфеира, Руи Кристина, изјави дека станува збор за изолиран инцидент и дека градот презема мерки за безбедноста во зоната со ноќни клубови. Тој додаде дека возачот насилно ги пробил поставените заштитни бариери и продолжил да вози по тротоарот.

The post 📽️ ПАНИКА НА ПОЗНАТА ТУРИСТИЧКА УЛИЦА Пијан возач удрил во 12 лица, 21-годишна девојка тешко повредена appeared first on plusinfo.mk.

Полицијата уапси 62-годишен од Беровско откако со 2,62 промили алкохол во крвта предизвикал сообраќајна незгода во Берово.

Според МВР, Љ.М. од Русиново управувал „форд“ и прво удрил во паркиран автомобил, а потоа и во дворна ограда.

„При преземање мерки било констатирано дека е под дејство на алкохол, односно му биле измерени 2,62 промили алкохол во крвта“, информира Министерството за внатрешни работи.

The post БЕРОВЕЦ ВОЗЕЛ МОРТУС ПИЈАН, УДИРАЛ СÈ ПРЕД СЕБЕ Прво автомобил, потоа ограда од двор appeared first on plusinfo.mk.

Една минута по полноќ, полицијата запрела „опел“ на патот меѓу Илинден и Марино. Зад воланот бил 41-годишен скопјанец со измерени 2,13 промили алкохол во крвта.

Контролата открила уште еден проблем. Д.В. возел без возачка дозвола.

Полициски службеници од Мобилната единица за безбедност на сообраќајот го запреле на 9 август во 00.01 часот. Автомобилот имал скопски регистарски ознаки.

По алкотестирањето, полицајците го лишиле скопјанецот од слобода. Неговиот „опел“ бил одземен.

За случајот бил известен јавен обвинител. Полицијата најавила дека по целосното документирање ќе поднесе соодветни пријави.

Постапката ќе се води според член 297-а од Кривичниот законик.

The post ГО СОПРЕЛЕ МИНУТА ПО ПОЛНОЌ, ВОЗЕЛ СО 2,13 ПРОМИЛИ Скопјанец остана без „опелот“ appeared first on plusinfo.mk.

Две жени се здобиле со тешки повреди, а уште едно лице е повредено во сообраќајна несреќа што ноќеска се случила на патот меѓу селата Калуѓерица и Подареш, во радовишко. Полицијата утврдила дека возачот на автомобилот управувал под дејство на алкохол.

Несреќата била пријавена околу 2:40 часот во ОВР Радовиш. Според информациите од МВР, се судриле патничко возило „Фолксваген Голф“ со радовишки регистарски ознаки, управувано од М.Т. (51) од селото Ораовица, и трактор со приколка, кој го управувал Г.М. (56) од селото Подареш.

Во судирот тешко се повредени сопатничките во тракторот, Ф.И. (39) и А.И. (41), двете од Радовиш, додека Ѓ.И. (70) од Радовиш се здобил со телесни повреди. Повредите биле констатирани во Клиничката болница во Штип.

Полицискиот увид покажал дека возачот на автомобилот М.Т. управувал под дејство на алкохол, при што му биле измерени 1,17 промили алкохол во крвта.

Од МВР информираат дека по целосното документирање на случајот против него ќе биде поднесен соодветен поднесок.

The post ПИЈАН ВОЗАЧ УДРИЛ ВО ТРАКТОР КАЈ РАДОВИШ Две жени завршија со потешки повреди, а еден маж со телесни appeared first on plusinfo.mk.

Дваесет и четиригодишен жител на виничкото село Градец е уапсен откако, управувајќи автомобил без возачка дозвола и под дејство на алкохол, предизвикал сообраќајна несреќа на регионалниот пат Грдовци–Зрновци, во која едно лице е тешко повредено, а две полесно.

Според информациите од Министерството за внатрешни работи, несреќата се случила на вчера околу 3:30 часот, кога Д.Н. (24), управувајќи патничко возило „опел“ со винички регистарски ознаки, изгубил контрола над возилото и излетал од коловозот.

Во несреќата тешки телесни повреди добил сопатникот С.С. (28) од селото Јакимово, додека возачот и сопатникот Д.А. (28) од селото Истибања се здобиле со телесни повреди. Повредите биле констатирани во Јавната здравствена установа во Кочани.

При увидот, полициските службеници од ОВР Кочани утврдиле дека возачот не поседувал возачка дозвола. Дополнителните проверки покажале дека тој бил под дејство на алкохол, при што му биле измерени 1,69 промили алкохол во крвта.

The post ВОЗЕЛ ПИЈАН И БЕЗ ВОЗАЧКА, ИЗЛЕТАЛ ОД ПАТОТ Тројца повредени, еден потешко appeared first on plusinfo.mk.

Дури 13 возачи биле лишени од слобода во текот на изминатото деноноќие поради безобѕирно управување со моторни возила, при што 11 од нив возеле без возачка дозвола, а меѓу нив имало и тројца малолетници, информира Министерството за внатрешни работи.

Полициските контроли биле спроведени на целата територија на државата, а против сите приведени ќе бидат поднесени соодветни кривични пријави по целосното документирање на случаите.

Според МВР, четири лица биле приведени во Скопје, три во Гостивар, меѓу кои двајца малолетници, како и по едно лице во Тетово, Прилеп и Дебар.

Во Кочани, пак, бил приведен малолетник кој управувал возило без возачка дозвола и се движел во спротивен правец по еднонасочна улица.

Освен возачите без дозвола, во Скопје бил приведен и еден возач кој управувал возило под дејство на алкохол.

Во Гостивар, полицијата лишила од слобода уште едно лице кое управувало моторно возило иако имало активна мерка за забрана за управување.

Од Министерството за внатрешни работи апелираат граѓаните строго да ги почитуваат сообраќајните правила и прописи, да не управуваат возило без положен возачки испит, со изречена забрана за управување или под дејство на алкохол, со цел да се зголеми безбедноста во сообраќајот.

The post ВОЗЕЛЕ БЕЗ ДОЗВОЛА И ВО СПРОТИВНА НАСОКА Приведени 13 возачи, меѓу нив и тројца малолетници appeared first on plusinfo.mk.

Во текот на изминатото деноноќие, полициските службеници на територијата на целата држава лишија од слобода девет возачи кои управувале возила без возачка дозвола.

Меѓу приведените има и двајца малолетници, како и едно лице кое управувало возило под дејство на алкохол.

Како што информираат од МВР, по две лица се приведени во Скопје и Прилеп, а по едно лице во Кочани, Гевгелија, Кратово, Македонски Брод (малолетник) и Кривогаштани (малолетник).

Во еден од случаите во Кратово, возачот претходно учествувал во сообраќајна незгода, додека едно од лицата во Прилеп, освен што возело без дозвола, било и под дејство на алкохол.

По целосно документирање на случаите, против сите ќе бидат поднесени соодветни кривични пријави.

Од полицијата апелираат до граѓаните да ги почитуваат сообраќајните правила, да не управуваат возила без положен возачки испит, ниту под дејство на алкохол, со цел зголемување на безбедноста во сообраќајот.

The post МАЛОЛЕТНИЦИ ВОЗЕЛЕ БЕЗ ДОЗВОЛА, ЕДЕН ПИЈАН ЗАД ВОЛАН Девет возачи лишени од слобода низ целата држава appeared first on plusinfo.mk.

Полициски службеници од Прилеп лишија од слобода 45-годишен маж, откако со автомобил се обидел да избега при сообраќајна контрола и бил фатен по кратка потера низ градските улици.

Инцидентот се случил на улицата Кораб, кога полицијата дала знак за запирање на возило „фолксваген голф“, но возачот наместо да застане ја зголемил брзината и се обидел да побегне.

По кратко следење, возилото било запрено, а контролата открила дека зад воланот бил Ф.А. (45) од Прилеп.

При проверките било утврдено дека тој немал возачка дозвола и дека управувал под силно дејство на алкохол. Измерени му биле 2,01 промили во крвта.

Од полицијата велат дека по целосно документирање на случајот ќе следува соодветна пријава.

The post ДРАМА ПО ПРИЛЕПСКИТЕ УЛИЦИ Фатен пијан возач без возачка и со 2,01 промили алкохол appeared first on plusinfo.mk.