Во текот на изминатото деноноќие, полициските службеници на територијата на целата држава лишија од слобода девет возачи кои управувале возила без возачка дозвола.

Меѓу приведените има и двајца малолетници, како и едно лице кое управувало возило под дејство на алкохол.

Како што информираат од МВР, по две лица се приведени во Скопје и Прилеп, а по едно лице во Кочани, Гевгелија, Кратово, Македонски Брод (малолетник) и Кривогаштани (малолетник).

Во еден од случаите во Кратово, возачот претходно учествувал во сообраќајна незгода, додека едно од лицата во Прилеп, освен што возело без дозвола, било и под дејство на алкохол.

По целосно документирање на случаите, против сите ќе бидат поднесени соодветни кривични пријави.

Од полицијата апелираат до граѓаните да ги почитуваат сообраќајните правила, да не управуваат возила без положен возачки испит, ниту под дејство на алкохол, со цел зголемување на безбедноста во сообраќајот.

The post МАЛОЛЕТНИЦИ ВОЗЕЛЕ БЕЗ ДОЗВОЛА, ЕДЕН ПИЈАН ЗАД ВОЛАН Девет возачи лишени од слобода низ целата држава appeared first on plusinfo.mk.

Полициски службеници од Прилеп лишија од слобода 45-годишен маж, откако со автомобил се обидел да избега при сообраќајна контрола и бил фатен по кратка потера низ градските улици.

Инцидентот се случил на улицата Кораб, кога полицијата дала знак за запирање на возило „фолксваген голф“, но возачот наместо да застане ја зголемил брзината и се обидел да побегне.

По кратко следење, возилото било запрено, а контролата открила дека зад воланот бил Ф.А. (45) од Прилеп.

При проверките било утврдено дека тој немал возачка дозвола и дека управувал под силно дејство на алкохол. Измерени му биле 2,01 промили во крвта.

Од полицијата велат дека по целосно документирање на случајот ќе следува соодветна пријава.

The post ДРАМА ПО ПРИЛЕПСКИТЕ УЛИЦИ Фатен пијан возач без возачка и со 2,01 промили алкохол appeared first on plusinfo.mk.

22-годишен охриѓанец заврши со тешки телесни повреди по сообраќајна несреќа што се случила рано утрово на улицата 7 Ноември во Охрид, откако изгубил контрола врз возилото и излетал од коловозот.

Според информациите, несреќата се случила околу 05:25 часот, кога патничко возило „цитроен“ со охридски регистарски таблички, управувано од И.Р. (22), излетало од патот под засега непознати околности.

Повредениот возач бил веднаш пренесен во Специјалната болница „Св. Еразмо“ во Охрид, каде што лекарите констатирале тешки телесни повреди.

При направени проверки било утврдено дека возачот бил под дејство на алкохол, со измерени 1,61 промили во крвта во моментот на несреќата.

На местото на настанот бил извршен увид од увидна екипа по насока на јавен обвинител.

The post ВОЗЕЛ ПИЈАН И ИЗЛЕТАЛ ОД ПАТОТ Млад охриѓанец завршил со тешки повреди, имал 1,61 промили во крвта appeared first on plusinfo.mk.

Лишен од слобода e возач од Неготинско, кој возејќи под дејство на алкохол и со мерка забрана за управување, удрил во пешак во село Пепелиште.

Како што соопшти МВР, на 12.04.2026 во 14 часот, полициски службеници од ОВР Неготино го лишија од слобода Л.Д.(55) од село Пепелиште, Неготинско. Тој управувајќи патничко возило „југо“ со неготински регистарски ознаки, удрил во пешакот Р.М.(62) од истото село, кој се здобил со телесни повреди, констатирани во Итна медицинска помош Неготино.

По преземени мерки и извршени проверки било констатирано дека Л.Д. бил под дејство на алкохол, односно му биле измерени 2,76 промили алкохол во крвта и возилото го управувал со активна забрана за управување возило.

По насоки од јавен обвинител, тој бил задржан во полициска станица, возилото било одземено и по целосно документирање на случајот, против него ќе биде поднесена соодветна пријава.

The post ВОЗЕЛ ПИЈАН И СО ЗАБРАНА ЗА ВОЗЕЊЕ Неготинец удрил во пешак и го повредил appeared first on plusinfo.mk.

Основното јавно обвинителство Скопје предложи притвор за 21-годишникот кој прегази и усмрти пешак во скопско Марино. Осомничениот се гони за тешки дела против безбедноста во сообраќајот.

„Осомничениот 21-годишник, вечерта на 24 март во Марино, управувал автомобил ‘КИА’ без да поседува возачка дозвола и под дејство на алкохол со концентрација од 0,94% во крвта. Брзината на движење на возилото не ја приспособил кон сообраќајните услови и не обрнал внимание на пешакот Оливер Младеновски, кој веќе започнал да го преминува коловозот. Бидејќи не успеал навреме да запре, осомничениот со автомобилот удрил во телото на пешакот и му нанел тешки телесни повреди од кои тој починал“, соопшти Основното јавно обвинителство.

Според напишаното, Јавниот обвинител бара притвор поради неколку основи. Постои опасност од бегство. Постојат и сомнежи дека може да влијае врз сведоци. Дополнително, се проценува ризик од повторување на делото.

Несреќата се случила на улицата „500“ во селото Марино. Пешакот, 52-годишник, починал на самото место.

УАПСЕН 21-ГОДИШНИОТ ВОЗАЧ ШТО УСМРТИ ПЕШАК ВО МАРИНО Ќе се вештачи автомобилот, телото е на обдукција

The post ПОБАРАН ПРИТВОР ЗА ВОЗАЧОТ КОЈ УСМРТИ ПЕШАК ВО МАРИНО Постои ризик дека може да го повтори делото appeared first on plusinfo.mk.

49-годишен возач од кумановско бил приведен откако полицијата утврдила дека управувал автомобил со дури 3,67 промили алкохол во крвта.

Според информациите од Министерството за внатрешни работи, инцидентот се случил на булеварот Октомвриска револуција во Куманово. Полициски службеници запреле патничко возило „фиат“ со кумановски регистарски ознаки, управувано од 49-годишник од селото Режановце.

При контролата било утврдено дека возачот е под силно дејство на алкохол, односно има 3,67 промили алкохол во крвта. Тој веднаш бил исклучен од сообраќај и задржан во полициска станица.

По целосно расчистување на случајот, против него ќе биде поднесена кривична пријава за безобѕирно управување со моторно возило.

The post ВОЗЕЛ СО ЕКСТРЕМНО МНОГУ АЛКОХОЛ Приведен возач со 3,67 промили во Куманово appeared first on plusinfo.mk.

Возач од Гевгелија управувал возило со 2,35 промили алкохол во крвта, не застанал на полициска патрола и предизвикал сообраќајна незгода, соопшти полицијата.

Вчера (09.03.2026) во 21:25 часот полицијата го лишила од слобода И.Д.(43) од Гевгелија. Тој претходно, околу 21 часот во селото Богородица, не застанал на знак за запирање што го дале полициски службеници од Полициската станица за граничен премин и граничен надзор Богородица.

Возачот на „алфа ромео“ не застанал, но веднаш изгубил контрола и со возилото удрил во споменик во центарот на селото. Притоа, тој се здобил со повреди и му била укажана лекарска помош од екипа на Итна медицинска помош Гевгелија. По преземени мерки е констатирано дека го управувал возилото со 2,35 промили алкохол во крвта и дека регистарските таблички припаѓале на друго возило.

The post ВОЗЕЛ ПИЈАН И СО ТУЃИ ТАБЛИЧКИ Не застанал на стоп и удрил во споменик appeared first on plusinfo.mk.

Единаесет возачи биле приведени вчера низ државата поради безобѕирно управување со возило, а најголемиот дел од нив седнале зад волан без воопшто да имаат возачка дозвола.

Според информациите од полицијата, осум од приведените возачи управувале автомобил без положен возачки испит, двајца возеле и покрај тоа што имале активна забрана за управување со возило, додека еден бил фатен како вози под дејство на алкохол.

Најмногу случаи се регистрирани на подрачјето на Охрид, каде што биле приведени пет возачи. Тројца од нив во Кичево биле фатени без возачка дозвола, а еден управувал автомобил иако имал изречена забрана за возење.

Во Струга, пак, полицијата привела возач кој бил под дејство на алкохол. Тој управувал „фолксваген голф“ и предизвикал сообраќајна незгода со друго возило „фиат“.

Во Скопје и Тетово биле приведени по двајца возачи, кои исто така управувале автомобил без возачка дозвола.

Двајца возачи биле приведени и на подрачјето на Битола. Едниот возел без дозвола, додека другиот управувал возило иако имал активна забрана.

Од полицијата информираат дека по целосното документирање на случаите против сите возачи ќе бидат поднесени соодветни кривични пријави.

Воедно, надлежните апелираат до сите учесници во сообраќајот да ги почитуваат правилата, да не управуваат возило без возачка дозвола, ниту пак под дејство на алкохол, со цел да се зголеми безбедноста на патиштата.

The post 11 ВОЗАЧИ ПРИВЕДЕНИ ЗА ЕДЕН ДЕН Осуммина возеле без возачка дозвола, пијан предизвикал сообраќајка appeared first on plusinfo.mk.

Осум возачи завршија во полициска станица вчера откако биле фатени зад волан без дозвола, со активна забрана или под дејство на алкохол.

Според информациите од Министерство за внатрешни работи, најголемиот дел од приведените, шестмина, управувале возила без воопшто да поседуваат возачка дозвола.

Тројца од нив биле затекнати во Тетово, меѓу кои и еден малолетник. По еден возач без дозвола бил откриен и во Куманово, Струмица и Прилеп.

Дополнително, во Струга полицијата привела возач кој управувал автомобил иако имал изречена забрана за управување моторно возило од Б категорија. Уште еден возач бил фатен во општина Илинден како вози под дејство на алкохол.

Од МВР најавуваат дека по целосното документирање на случаите ќе следуваат соодветни кривични пријави.

Полицијата апелира до граѓаните строго да ги почитуваат сообраќајните правила и да не седнуваат зад волан без дозвола, со активна забрана или под дејство на алкохол, со цел зголемување на безбедноста на патиштата.

The post ВОЗЕЛЕ КАКО ДА НЕМА ЗАКОН, ПРИВЕДЕНИ 8 ВОЗАЧИ Малолетник и уште петмина немале возачки, еден бил пијан, а еден со забрана appeared first on plusinfo.mk.

Полицијата во текот на вчерашниот ден приведе десет возачи на различни локации низ државата, поради сериозни прекршувања на сообраќајните правила.

По еден возач бил лишен од слобода во Скопје, Куманово, Велес, Кавадарци и во битолскиот регион, затоа што управувале возило без возачка дозвола.

Особено загрижува случајот во Куманово, каде што еден од возачите претходно со мотоцикл учествувал и во сообраќајна несреќа. Од него е одземен мотоциклот, а на останатите возачи кои немале дозвола им се одземени автомобилите.

Дополнително, по еден возач во Скопје, во општина Чашка и во прилепскиот регион биле фатени зад волан иако имале изречена забрана за управување моторно возило од Б-категорија. И на нив им се одземени возилата.

Во Кочани бил приведен возач кој управувал автомобил под дејство на алкохол, додека во радовишкиот регион полицијата затекнала возач кој возел со брзина далеку над дозволената.

Сите лица биле приведени во полициска станица, а по целосното документирање на случаите ќе бидат поднесени соодветни пријави.

Од Министерството за внатрешни работи апелираат граѓаните да не седнуваат зад волан без положен возачки испит, да не управуваат возило под дејство на алкохол и да ги почитуваат изречените забрани.

The post ВОЗЕЛЕ И БЕЗ ДОЗВОЛА И СО ЗАБРАНА, НО И ПИЈАНИ Приведени 10 возачи, полицијата им ги одзема возилата appeared first on plusinfo.mk.