Можностите за продлабочување на соработката во авиосообраќајот и туризмот биле тема на работната средба на вицепремиерот и министер за транспорт Александар Николоски со претставници на меѓународната туристичка групација „Корендон“.

На средбата Николоски го истакнал потенцијалот на Македонија како туристичка и авио-дестинација, посочувајќи дека земјата бележи континуиран раст на воздушниот сообраќај и на бројот на странски туристи.

Според него, Македонија бележи 40 проценти раст на бројот на патници во воздушниот сообраќај, а бројот на туристи е зголемен за повеќе од 20 проценти.

– 28 нови дестинации, растот од 40 проценти во авиосообраќајот, преку 20 проценти раст на туристите е јасен показател дека интересот за Македонија расте. Нашата цел е овој тренд да го претвориме во нови авиолинии, повеќе туристи и нови инвестиции и отворени сме за соработка – истакнал Николоски.

На состанокот било посочено дека подобрата авио-поврзаност и отворањето нови пазари и услуги се особено важни за натамошниот развој на туризмот и зголемувањето на бројот на странски посетители.

„Корендон“ е меѓународна туристичка групација која, според податоците од македонското Министерство за транспорт, е меѓу трите водечки туроператори во Холандија и Белгија. Компанијата нуди пакет-патувања до повеќе од 50 дестинации.

Групацијата располага со повеќе од 40 авиони, кои летаат под знамињата на Турција, Холандија и Малта. Во туроператорскиот сегмент годишно опслужува околу 850.000 клиенти, додека „Корендон ерлајнс“ годишно превезува меѓу 6 и 10 милиони патници.

На средбата било заклучено дека постои простор за идна соработка, особено преку отворање нови можности во авиосообраќајот, привлекување странски туристи и разгледување потенцијални инвестиции во земјава.

Засега, меѓутоа, не е соопштено дека е договорена конкретна нова авиолинија, дестинација или инвестиција, туку дека можностите ќе бидат дополнително разгледувани.

The post НИКОЛОСКИ СО „КОРЕНДОН“ ЗА НОВИ АВИОЛИНИИ Македонија сака уште повеќе туристи од Европа appeared first on plusinfo.mk.

Македонија е најбрзорастечкиот авио-пазар во поранешна Југославија во првите пет месеци од годинава, а скопскиот аеродром е апсолутен лидер во регионот според растот на бројот на патници, објави специјализираниот портал „Екс-Ју Авиејшн“.

Според анализата, 21 комерцијален аеродром во земјите од поранешна Југославија од јануари до мај опслужиле повеќе од 13,1 милиони патници, што е за над еден милион повеќе во однос на истиот период лани.

Скопје додало 360.000 патници

Најголемиот раст го забележал скопскиот аеродром, кој во споредба со минатата година опслужил дополнителни 360.589 патници. Само во мај низ скопскиот аеродром поминале 355.929 патници, што претставува годишен раст од 28,6 проценти.

Според „Екс-Ју Авиејшн“, зад ваквиот резултат стои пред сè проширувањето на мрежата на „Виз Ер“ во Македонија.

Македонија пред сите во регионот

Во првите пет месеци од годината Македонија добила дополнителни 375.766 патници, повеќе од која било друга држава од поранешна Југославија. Во исто време, некои регионални аеродроми се соочиле со пад на сообраќајот.

Приштина веќе бележи намалување на бројот на патници, додека дел од хрватските крајбрежни аеродроми беа погодени од прекин на одредени домашни линии.

Речиси два милиона патници за шест месеци

Скопскиот и охридскиот аеродром во периодот од јануари до јуни заедно опслужиле 1.955.648 патници, што е за 28 проценти повеќе во однос на истиот период минатата година.

Во истиот период биле реализирани 13.167 летови, односно 7,6 проценти повеќе во споредба со првата половина од 2025 година.

Надлежните очекуваат двата македонски аеродроми годинава да надминат 3,5 милиони патници, а во блиска иднина да ја достигнат и границата од четири милиони.

The post СКОПСКИОТ АЕРОДРОМ Е МЕЃУ НАЈБРЗОРАСТЕЧКИТЕ ВО РЕГИОНОТ Новите линии донесоа 375.000 патници повеќе appeared first on plusinfo.mk.

The post МАКЕДОНИЈА ЦЕЛОСНО ГО СНАБДУВА СО КЕРОЗИН ПРИШТИНСКИОТ АЕРОДРОМ Единствена земја сме што отвора авиолинии во време на криза appeared first on plusinfo.mk.

Иако не беше постигнат договор со нискобуџетната авиокомпанија „Рајанер“, Владата продолжува со отворање на нови авиолинии и проширување на мрежата на летови од македонските аеродроми, потенцира вицепремиерот и министер за транспорт Александар Николоски, кој најави 5 нови дестинации ова лето.

Николоски истакна дека државата останува отворена за соработка со сите авиокомпании, но нема да прифати условувања кои би биле на штета на останатите авиопревозници и на државните интереси.

– Даваме субвенција од 9 евра за секој странски патник кој пристигнува на скопскиот аеродром и 12 евра за охридскиот. Ако сакаат да учествуваат, вратата е отворена. Но, не можеме да прифатиме уцени, укинување на други линии во нивна корист и субвенции кои би биле два ипол пати повисоки само за една компанија – рече Николоски.

Вицепремиерот откри дека во моментов се водат разговори со други заинтересирани авиокомпании, додавајќи дека Македонија е единствената земја во регионот која отвора нови авиолинии во период кога светската авиоиндустрија се соочува со сериозна криза.

– Ние сме единствена земја во целиот регион којашто отвара нови авиолинии и во следниов период ќе има 5 нови, и тоа: Аустриа Ерлајнс ќе лета директно Виена-Охрид, во јуни месец почнуваат две дестинации од Краков и Вроцлав во Полска до Охрид, а во текот на јуни месец почнуваат две одлични летни дестинации од скопскиот аеродром, едната е Палермо-Сицилија, а втората е Алгеро-Сардинија, така што отвараме 5 нови рути во најголемата криза која што и’ се случила на авиоиндустријата било кога видена – изјави Николоски.

Министерот информираше и дека Визер ќе стационира седми авион на скопскиот аеродром, а компанијата веќе размислува и за воспоставување база на охридскиот аеродром.

Во однос на резервите со керозин, тој исткана дека имаме резерви со кериозн и над законскиот минимум, други аеродроми се снабдуваат од кај нас што подразбира дека состојбата е стабилна.

The post „РАЈАНЕР“ ОТПАЃА, НО ДОАЃААТ 5 НОВИ АВИОЛИНИИ ЗА ЛЕТОТО Македонија ја шири мрежата и покрај кризата appeared first on plusinfo.mk.

Меѓународниот аеродром Скопје останува лидер во регионот со раст од 32% споредбено со истиот период минатата година, објави вицепремиерот и министер за транспорт Александар Николоски на Фејсбук.

„За оваа година од понудените преку 390.000 нови седишта, поради влијанието на конфликтот на Блискиот Исток има намалување за околу 6.000 седишта, но и покрај ова останува високо рангиран во регинот и во овој сегмент, пренесува специјализираниот авиопортал EX-YU Aviaton News. Во првите месеци од годинава, македонските аеродроми бележат раст од 30% по број на патници и околу 20% по број на операции, што ги потврдува политиките на Владата за развој на авиосообраќајот во Македонија“, вели Николоски.

Од почетокот на оваа година, додава тој, се водедоа нови авиолинии од Скопје кон Неапол и кон Будимпешта, и од Охрид кон Милано и кон Братислава.

„Дополнително, во текот на јули од Охрид ќе почнат да оперираат линиите кон Катовице и кон Вроцлав, а од Скопје кон Палермо и кон Алгеро, со што, за речиси 2 години од работа на оваа Влада се воведоа 24 нови авиолинии кон европските центри, што е рекордна бројка на ново воспоставени авиолинии“, соопшти Николоски.

Развојот на авиособраќајот останува меѓу приоритетите на Министерството за транспорт, додава тој.

„Тоа го докажуваме со реализација на проектот за реконструкција, надградба и проширување на аеродромот Св. Апостол Павле во Охрид, со што дополнително ќе го зголемиме капацитетот за патници и авио операции“, вели Николоски.

Вицепремиерот истакнува дека оваа година се очекува да се надмине бројот од 3,5 милиони патници, а во следната година да достигне и до 4 милиони патници, што е резултат на актуелниот модел на привлекување на авиолинии.

„Во врска со актуелните состојби со горивата, Македонија има стабилна состојба, во континуитет се врши координирање со сите институции и засега авиосообраќајот се одвива непречено“, додаде тој.

The post АЕРОДРОМОТ ВО СКОПЈЕ Е ЛИДЕР ВО РЕГИОНОТ, СО РАСТ ОД 32% Николоски очекува над 3,5 милиони патници оваа година appeared first on plusinfo.mk.

Убави вести за сите што сакаат да патуваа, како и за сите што сакаат да ја посетат Македонија.

Две нови линии стартуваат на Скопскиот аеродром од месец јули, објави министерот за транспорт Александар Николоски.  Од 15. јули од Скопје ќе може да се лета и до Палермо во Италија додека од 18. јули ќе се отврои лет за Алгеро Сардинија, исто така во Италија.

„Со овие две нови авиолинии на Wizz Air се очекува уште повеќе да го зголемат авио сообраќајот на Скопскиот аеродром кој во 2025 година имаше рекордна година со над 3,2 милиони патници и со новите линии станува лидер во регионот“, пишува министерот.

Николоски информира дека е најавено и зголемување на бројот на летови и патници на постојаните линии, како и нов авион на Скопскиот аеродром од најновата класа на Airbus A321 Neo.

„Имајќи предвид дека ова се линии кои ќе оперираат во летната сезона за нив не се предвидени субвенции, што е квалитет плус и показател дека комерцијално се повеќе ќе има интерес за Скопскиот аеродром“.

The post ОД СКОПЈЕ ЌЕ СЕ ЛЕТА ЗА ПАЛЕРМО И ЗА САРДИНИЈА Две нови линии од јули по рекордот од 3,2 милиони патници appeared first on plusinfo.mk.

Скопје од денеска е директно поврзано со шпанската престолнина Мадрид — нова авиолинија која, според вицепремиерот и министер за транспорт Александар Николоски, е дел од стратегијата за развој на воздушниот сообраќај и зголемување на туристичкиот потенцијал на Македонија.

На свеченото означување на првиот лет присуствуваа вицепремиерот Николоски, амбасадорот на Шпанија во Македонија Рафаел Сориано Ортиз и генералниот директор на ТАВ Македонија, Неџат Курт.

– Многу ми е драго што денеска почнува директна линија меѓу Скопје и Мадрид. Поврзуваме два главни града — нешто што е многу значајно за развојот на туризмот, бизнисот и културната размена помеѓу нашите народи – изјави Николоски.

Тој нагласи дека Владата заедно со ТАВ изработила нова стратегија за отворање на дестинации и вовела иновативен модел на субвенционирање, со зголемени стимули за авиокомпаниите кои носат патници во земјава.

– Субвенциите по патник на скопскиот аеродром изнесуваат 9 евра, а на охридскиот 12 евра, со што директно го поттикнуваме доаѓањето на туристи во Македонија. Ги укинавме и претходните ограничувања што ги обесхрабруваа авиооператорите – рече Николоски.

Бројките, според него, се повеќе од охрабрувачки.

– Во периодот јануари–октомври бележиме раст од 7% на двата аеродрома, со вкупно 2.862.677 превезени патници — повеќе од бројот на жители во државата – вели вицепремиерот.

Само во последната година, Владата и ТАВ отворија 21 нова авиолинија кон европски градови како Париз, Истанбул, Барселона, Лион, Амстердам, Женева, Келн, Прага, Милано, Базел, Штутгарт и други.

– Сакам да се заблагодарам на директорот на ТАВ и на амбасадорот на Шпанија. Мадрид и Барселона нема да бидат последни шпански дестинации што ќе се поврзат со Македонија – најави Николоски.

За амбасадорот на Шпанија Рафаел Сориано Ортиз ова е историски ден бидејќи, потенцираше, првпат двата главни градови се поврзуваат со директен лет.

Ја истакна важноста и на неодамна воспоставнета авилинија со Барселона и порача дека поврзувањето е предуслов за подобрување на билатералните односи помеѓу двете земји.

– Убеден сум дека овој нов лет ќе биде многу успешен и ќе биде пресвртница во размената во туризмот, економијата, културата и ќе биде предуслов за поврзување на нашите две земји, рече амабасадорот Ортиз.

Неџат Курт, генерален директор на ТАВ Македонија, нагласи дека со оваа авиолинија, Скопјe и Мадрид стануваат поблиски од кога било, а Македонија и Шпанија ги зајакнуваат дипломатските и економските врски, што претставува огромна можност за сите.

– Од денес Мадрид, една од најпосакуваните дестинации на нашите патници, е реалност, и тие ќе можат да уживаат во градот на уметноста, музиката, животот, плоштадите и терасите. Дом на познатиот музеј Прадо, Кралската палата, стадионот Сантијаго Бернабеу, но и на луѓето познати по својата топлина и гостопримство – рече Курт.

Тој посочи дека оваа авиолинија, како и четирите нови што почнаа да сообраќаат овие денови, се доказ дека поврзаноста на Македонија со Европа се зголемува.

– Со зимскиот ред на летови, применлив од изминатиот викенд, Меѓународниот Аеродром Скопјe е поврзан со вкупно 49 редовни дестинации во текот на целата година и 13 чартер летови. За нас во ТАВ Македонија, секоја нова дестинација значи повеќе можности за нашите патници, за туризмот и економијата, но и за нови пријателства меѓу луѓето – истакна Курт.

The post ЛЕТАЈ ВО СРЦЕТО НА ШПАНИЈА Од денеска директни летови од Скопје до Мадрид! appeared first on plusinfo.mk.

По наследениот пустош, се градат темелите во инфраструктурата, Македонија инфраструктурно се развива, модернизира и трансформира, соопшти ВМРО-ДПМНЕ.

„Владата предводена од ВМРО-ДПМНЕ за една година покажа како со интензивна, посветена и чесна работа можат да се завршат и да се отпочнат големи инфраструктурни проекти, со цел внатрешно и меѓународно поврзување на државата. Тоа што владата на СДСМ и ДУИ не можеше да го изгради за седум години власт, ВМРО-ДПМНЕ го реализираше за само една година“, соопшти партијата.

За една година Влада на ВМРО-ДПМНЕ, се вели во соопштението, пуштени се во употреба делницата Градско-Фариш која е дел од експресниот пат Градско-Прилеп во вредност од 37,4 милиони евра и со должина 15,5 км, како и експресниот пат Ранковце-Крива Паланка, во должина од 25,4 километри, вредност од околу 98 милиони евра.

„Почна изградбата на автопатот Тетово-Гостивар во должина од 17,5 километри, автопатот Гостивар-Кичево (Букојчани) во должина од 30,3 километри, како и автопатската делница Прилеп-Битола во должина од 39,3 километри. Во завршна фаза е изградбата на автопатот Кичево-Охрид во должина од 40 километри, од кој за скоро време се очекува да биде пуштена во употреба делница Врбјани-Охрид“, се вели во соопштението.

Во врска со патната инфраструктура, се додава, отпочнати се 225 проекти во прва фаза во висина од речиси 48 милиони евра и 615 инфраструктурни проекти во втора фаза во висина од речиси 113 милиони евра. Целосно е реконструиран регионалниот пат Охрид-Свети Наум, во должина од 24,5 километри, со вредност од 11,6 милиони евра.

„Паралелно со патната инфраструктура се развива и се модернизира железничкиот сообраќај, така што се пушти во употреба пругата на Коридор 8, Куманово-Бељаковце во вредност од 43 милиони евра и во должина од 31 километар. Отворена е нова железничка линија од Скопје до Куманово и од нула функционални локомотиви за само 3 месеци од мандатот 11 локомотиви се ставија во употреба и со тоа се нормализираше железничкиот сообраќај во Македонија“, соопшти партијата.

Со Договорот склучен со Обединетото Кралство, се додава, ќе се гради брза двоколосечна пруга на Коридор 10, од Табановце до Гевгелија, која ја поврзува Македонија со Србија и со Грција. Воведени се 11 нови авиолинии од двата аеродроми и обезбедени се речиси 6 милиони евра финансиска поддршка.

„Почна постапка за трет мобилен оператор, ќе се отворат нови работни места и ќе донесе конкуренција на пазарот за пониски услуги за граѓаните. Во изминатата година се водеше особена грижа и за ранливите категории за која цел, беа доделени над 100 социјални станови во Велес, Кочани, Струмица и Гевгелија“, соопшти ВМРО-ДПМНЕ.

The post ВМРО-ДПМНЕ ЗА 1 ГОДИНА ГО ИЗГРАДИ ОНА ШТО СДСМ И ДУИ НЕ МОЖЕА НИТУ ЗА 7 Се градат 3 автопати, возовите се вратија, воведени се 11 нови авиолинии appeared first on plusinfo.mk.

The post УШТЕ 6 АВИОЛИНИИ ОД СКОПСКИОТ И ОХРИДСКИОТ АЕРОДРОМ ДО КРАЈОТ НА ГОДИНАТА Николоски ги повика колегите од регионот да се натпреваруваат appeared first on plusinfo.mk.

Сајтот посочува дека Скопје и Љубљана се двата најпрометни неповрзани аеродроми на територијата на поранешна Југославија, кои останаа без директна авиолинија по пропаѓањето на словенечката авиокомпанија „Адрија Ервејс“.

Според „Ексјуавиејшн“, од јануари до крајот на септември 2019 година, кога „Адрија Ервејс“, престана со работа, на релација Скопје – Љубљана и обратно летале 40.293 патници. Во 2018 година, на оваа релација во двата правци летале 44.828 патници.

По пропаѓањето на „Адрија Ервејс“, српската „Ер Србија“ стана главна авиокомпанија за превоз  на патници меѓу Скопје и Љубљана.

„Ексјуавиејшн“ наведува дека нискобуџетната компанијата „Визер“ размислувала за лансирање на линија од Скопје до аеродромот во Марибор, како алтернатива на словенечкиот главен град, но побарала до еден милион евра субвенции и стимулации за одржување на услугите меѓу двата града.

Од друга страна, наведува сајтот, „Ер Србија“ преговара со македонските власти за воведување на сезонски летни авиолинии меѓу Белград и Охрид од следната година, што ќе послужи и за поврзување на двата града, но и како трансфер линија за мрежата на подолги релации на српската авиокомпанија.

Српскиот авиопревозник првично започна сезонски летови меѓу Белград и Охрид трипати неделно во 2016 година, по тригодишен прекин.

Во 2017 година, бројот на летови беше зголемен на четири неделно, но сепак до 2018 година авиолинијата беше укината поради притисокот врз „Ер Србија“ за намалување на трошоците и рационализација на нејзината авиомрежа.

„Тогаш, авиокомпанијата за одржување на својата линија за Охрид, првенствено се потпираше на трансфер патниците со специјални цени за македонската дијаспора во Австралија, од кои многумина потекнуваат од охридскиот регион. Сепак, прекинот на летовите на „Ер Србија“ за Абу Даби во 2017 година, кои служеа како трансфер од Австралија, значително влијаеше на намалување на прометот на охридската линија“, наведува „Ексјуавиејшн“.

Сајтот посочува и дека „Кроација ерлајнс“ преговарала со аеродромскиот оператор „ТАВ Македонија“ за потенцијалното проширување на нејзините летови кон и од земјава.

– Доколку постои интерес од македонските тур-оператори и партнери, ние сме подготвени да ја прошириме нашата соработка и на други рути освен Загреб – Скопје, како можеби Охрид – Сплит – изјавија од „Кроација ерлајнс“ за „Ексјуавиејшн“.

Од друга страна, од „ТАВ Македонија“ истакнале дека авиоповрзаноста меѓу земјава и Хрватска е на незадоволително ниво и нови авиолинии би биле голем чекор напред во подобрување на сегашната состојба.

– Сметаме дека летови меѓу Охрид и Сплит би биле од интерес за туристите, така што тие би можеле да ги посетат двете земји во рок од неколку дена во еден потег – додале од „ТАВ Македонија“ за „Ексјуавиејшн“.

The post РЕГИОНАЛНИТЕ АВИОПРЕВОЗНИЦИ ЗАИНТЕРЕСИРАНИ ЗА НОВИ ЛЕТОВИ ЗА СКОПЈЕ Се размислува за обнова на летот Скопје – Љубљана appeared first on plusinfo.mk.