Министерството за внатрешни работи нашло техничко решение за мотоциклистите кои камерите на „Безбеден град“ не можеле автоматски да ги идентификуваат. Министерот за внатрешни работи, Панче Тошковски, на прес-конференција соопшти дека новата опрема веќе открила околу 9 прекршоци за брзо возење за еден ден.

Проблемот произлегувал од начинот на кој работат камерите. Системот ја снима предната страна на возилото, додека регистарската табличка кај мотоциклите е одзади.

МВР затоа поставило соодветна опрема на локации каде што имало најдобри технички услови. Според Тошковски, првите резултати покажале дека решението функционира.

– Го решивме и на дел од територијата на Македонија каде што првично сметавме дека има најдобри услови да се постават, ги поставивме и мислам дека, ако не се лажам, првиот ден имаме констатирано некаде околу 9 прекршоци за недозволена брзина – рече Тошковски.

Министерот посочи дека претходно биле надминати и други проблеми со „Безбеден град“. Меѓу нив биле поставеноста на камерите на одредени критични точки и идентификацијата на странските возила.

Тошковски рече дека системот веќе ги опфаќа и странските возачи. Сепак, МВР треба да го прошири начинот на санкционирање и на другите гранични премини.

Тој го наведе Табановце како пример за проблем што не сакаат да се повтори. Првичната проценка била дека таму ќе се обработуваат околу 5 возила на час.

Реалноста била сосема поинаква.

– Имавме проценка дека ќе има по 5 возила на час, а имавме по 500 возила на час – рече Тошковски.

МВР сега бара техничко решение за другите премини. Целта, според министерот, е странските возачи да ги регулираат обврските без дополнително задржување.

Тошковски изнесе и бројки за жртвите во сообраќајот. Според него, до 1 септември 2025 година загинале 96 лица. Во истиот период годинава имало 60 жртви.

Тоа е за 36 загинати помалку во споредба со истиот период минатата година.

Министерот намалувањето го поврза со примената на системот „Безбеден град“ и со почитувањето на сообраќајните правила. Тој рече дека примарната цел на системот е неселективно постапување, намалување на човечкиот фактор и спасување животи.

The post МОТОЦИКЛИСТИТЕ ВЕЌЕ НЕ МОЖАТ ДА ИМ ИЗБЕГААТ НА КАМЕРИТЕ Ќе се ловат по задната табличка appeared first on plusinfo.mk.

 Секторот за сообраќајни работи при Министерството за внатрешни работи при вчерашната акциска контрола на територијата на целата држава констатирал 140 прекршоци и осум кривични пријави за возачи на велосипеди, мопеди и мотоцикли. Акцијата е спроведена во периодот од 17:00 до 22:00 часот.

Како што информираат од МВР, од сите 140 констатирани прекршоци, 102 се однесуваат на управување без задолжително носење заштитен шлем – кацига. Констатирани се и двајца возачи кои управувале под дејство на алкохол.

Од МВР посочуваат дека од вкупниот број прекршоци, 33 се на територијата на СВР Струмица, 17 во надлежност на СВР Тетово и Мобилната единица за безбедност на сообраќајот на патиштата, 15 во СВР Куманово, по 13 во СВР Битола и СВР Охрид, 12 во СВР Велес, 11 во СВР Скопје и девет во СВР Штип.

Соопштуваат дека за констатираните прекршоци преземени се соодветни мерки и санкции согласно Законот за безбедност на сообраќајот на патиштата, додека за осум возачи се поднесени кривични пријави согласно член 297-а од Кривичниот законик.

Дополнително, при контролата биле констатирани и 156 прекршоци од друг вид.

Министерството за внатрешни работи најавува дека ќе продолжува со засилените сообраќајни контроли со цел зголемување на безбедноста на сите учесници во сообраќајот.

Апелираат до возачите на мотоцикли, мопеди и другите видови возила да ги почитуваат сообраќајните правила и прописи, задолжително да користат заштитна опрема и да не управуваат под дејство на алкохол.

The post 140 ПРЕКРШОЦИ КАЈ МОТОЦИКЛИСТИ И ВЕЛОСИПЕДИСТИ ЗА 5 ЧАСА Дури 102 возачи биле без кацига appeared first on plusinfo.mk.

Полицијата санкционирала 222 возачи на мотоцикли во засилена акциска контрола што вчера попладне и вечерта беше спроведена низ целата држава. Најголем дел од прекршителите биле затекнати без заштитна кацига, а 14 лица завршиле во полициска станица поради безобѕирно управување со моторно возило.

Како што соопшти Министерството за внатрешни работи, контролата се спроведувала од 17 до 23 часот, а од вкупно 222 санкционирани мотоциклисти, дури 186 не користеле заштитна кацига за време на возењето.

Во акцијата биле лишени од слобода и 14 возачи, кои ќе одговараат за кривичното дело „безобѕирно управување со моторно возило“ според член 297-а од Кривичниот законик. Според МВР, сите тие управувале мотоцикл без возачка дозвола.

За време на контролата биле одземени и 14 мотоцикли.

Освен прекршоците кај мотоциклистите, полицијата евидентирала и санкционирала уште 197 други сообраќајни прекршоци.

Од Министерството за внатрешни работи најавуваат дека засилените сообраќајни контроли ќе продолжат и во наредниот период, а до сите учесници во сообраќајот упатија апел доследно да ги почитуваат сообраќајните правила и прописи за поголема безбедност на патиштата.

The post ПОЛИЦИЈАТА ОДЗЕДЕ 14 МОТОЦИКЛИ За само шест часа санкционирани 222 мотоциклисти, 14 приведени appeared first on plusinfo.mk.

Министерството за внатрешни работи во засилени акциски контроли низ целата држава изрече вкупно 1.594 санкции за прекршоци направени од возачи на мотоцикли, мопеди, велосипеди со помошен мотор и електрични тротинети.

Во рамки на акцијата биле реализирани 246 контроли и 58 превентивни активности, при што најголем дел од прекршоците се однесуваат на возачи на мопеди и мотоцикли.

Од вкупниот број санкции, 1.417 прекршоци биле констатирани кај возачи на велосипеди со помошен мотор, мопеди, мотоцикли, трицикли и четирицикли, 174 прекршоци кај возачи на електрични тротинети, а три прекршоци кај велосипедисти.

Најчестиот прекршок е возење без заштитна кацига, за што биле изречени дури 962 казни. Полицијата санкционирала и 145 возачи кои управувале под дејство на алкохол, како и 70 лица кои возеле без соодветна возачка дозвола или потврда.

Во текот на контролите, полицијата привремено одзела и 41 мотоцикл.

Кај возачите на електрични тротинети најчесто биле утврдени прекршоци поради движење на несоодветни површини. Евидентирани се 63 прекршоци за некористење велосипедска или пешачка патека, 17 прекршоци за користење мобилен телефон или непрописно управување, 15 прекршоци за движење на места каде што не е дозволено користење тротинет и 14 случаи во кои тротинет управувале лица помлади од 14 години.

Дополнително, 10 возачи на електрични тротинети добиле писмени опомени.

Од Министерството за внатрешни работи најавуваат дека засилените контроли ќе продолжат и во наредниот период.

„Апелираме до сите учесници во сообраќајот доследно да ги почитуваат сообраќајните правила и прописи, со цел зголемување на безбедноста на патиштата и намалување на бројот на сообраќајни незгоди“, соопштија од МВР.

The post НАД 1.500 КАЗНИ ЗА МОТОЦИКЛИСТИ И ВОЗАЧИ НА ТРОТИНЕТИ Возеле пијани, без кациги и без дозволи, одземен 41 мотор appeared first on plusinfo.mk.

Министерот за внатрешни работи Панче Тошковски најави засилени контроли и нови мерки за подобрување на безбедноста во сообраќајот, откако статистиката за изминатиот месец покажала загрижувачки број жртви на македонските патишта.

Гостувајќи во емисијата „Топ Тема“ на Телма ТВ, Тошковски истакна дека од вкупно 12 лица кои загинале во сообраќајни несреќи во текот на минатиот месец, дури пет биле мотоциклисти.

– За тројца од загинатите сум сигурен дека не носеле кацига. Ги замолувам сите кои управуваат мотор секогаш да носат кацига. Таа не се носи заради другиот, туку заради себе, бидејќи спасува живот – порача Тошковски.

Министерот нагласи дека полицијата ќе дејствува многу построго кон возачите кои ги прекршуваат правилата и ја загрозуваат безбедноста на другите учесници во сообраќајот.

– Ќе бидеме максимално репресивни кон сите кои дивеат по улиците и патиштата. Безбедноста на граѓаните мора да биде приоритет – рече Тошковски.

Тој посебно се осврна и на електричните тротинети, кои ги оцени како сериозен безбедносен проблем.

Според него, Министерството веќе анализира искуства од повеќе европски земји, а во подготовка се и законски измени кои би можеле да донесат построги правила за нивно користење.

– Мислам дека треба да одиме со порадикални решенија, особено во делот на забраните, воведување старосна граница и можеби регистрација на електричните тротинети. Тие претставуваат огромен предизвик за безбедноста во сообраќајот и очекувам конкретни решенија во најбрз можен рок – изјави Тошковски.

Министерот најави дека реформите во сообраќајната сфера ќе продолжат и во наредниот период, со цел намалување на бројот на сообраќајни несреќи и жртви на патиштата.

The post ЌЕ СЕ РЕГИСТРИРААТ ЛИ ТРОТИНЕТИТЕ? Тошковски најави радикални мерки и казни за несовесните возачи appeared first on plusinfo.mk.

Полицијата од 2 до 7 јуни ќе изврши  засилени контроли на мотоциклисти, мопеди и е-тротинети. Се работи за контроли во европската акција на ROADPOL, информира Министерството за внатрешни работи.

„Акциските активности се насочени кон откривање и санкционирање на возачи кои управуваат возила со две тркала, односно мопеди, мотоцикли и е-тротинети како едни од најзагрозените учесници во сообраќајот во делот на користење на соодветна заштитна опрема, техничка исправност, право на управување и одговорно возење со почитување на сообраќајните правила и прописи, а со цел зголемување на безбедноста во сообраќајот и намалување на сообраќајните незгоди“.

Македонија е членка на Асоцијацијата на европски сообраќајни полиции – ROADPOL, заедно со уште 34 европски земји..

„Имајќи предвид дека, се наоѓаме во период кога поради топлите денови овие возила интензивно учествуваат во сообраќајот, сообраќајната полиција ќе презема засилени контроли со превентивно-репресивни мерки на патиштата низ целата држава“, соопшти МВР порачувајќи сите учесници во сообраќајот да ги почитуваат парвилата поради сопствената и безбедноста на сите други учесници.

The post КОНТРОЛИ ЗА СИТЕ НА ДВЕ ТРКАЛА, ВКЛУЧИТЕЛНО И Е-ТРОТИНЕТИ Следните 5 дена полицијата спроведува засилена акција appeared first on plusinfo.mk.

Полицијата одзеде мотоцикли поради истечени документи и предизвикување бучава – акциските контроли продолжуваат и во наредните денови

Во рамки на засилените сообраќајни контроли, Министерството за внатрешни работи информира дека во текот на вчерашниот ден (09.07.2025), во периодот од 16:00 до 22:00 часот, е спроведена широка акциска контрола насочена кон прекршоците на возачите на мотоцикли на целата територија на Република Северна Македонија.

Во акцијата биле санкционирани вкупно 232 возачи, од кои:

– 97 возеле без заштитна кацига,

– 77 управувале мотоцикл без возачка дозвола,

– осум мотоцикли биле одземени поради истечена сообраќајна дозвола и предизвикување прекумерна бучава.

Дополнително, казнети се и 164 други учесници во сообраќајот за различни прекршоци утврдени за време на контролата.

Од МВР најавуваат дека сообраќајните контроли ќе продолжат и во наредните денови, со посебен фокус на безбедноста на моторциклистите, кои често се изложени на висок ризик во сообраќајот.

„Апелираме до сите учесници во сообраќајот да ги почитуваат сообраќајните правила и прописи и заеднички да придонесеме за побезбедни патишта“, порачуваат од Министерството.

The post 232 МОТОЦИКЛИСТИ КАЗНЕТИ САМО 6 ЧАСА Полицијата ги откри најчестите прекршоци, не носеле кациги, возеле без дозволи appeared first on plusinfo.mk.

Во текот на изминатиот викенд полицијата низ целата земја спроведе засилени сообраќајни контроли, при што беа изречени вкупно 1.336 платни налози за различни прекршоци. Најмногу казни дури 212 се однесуваат на возачи кои управувале моторни возила без да поседуваат возачка дозвола.

Според податоците од Министерството за внатрешни работи, дополнително 121 возач бил фатен како управува под дејство на алкохол и веднаш бил исклучен од сообраќај. Висока е и бројката на 106 мотоциклисти кои биле санкционирани затоа што не носеле заштитна кацига, а 168 возачи ја пречекориле пропишаната брзина на движење. За 173 лица биле изречени казни поради неправилно паркирање, а уште 100 биле фатени без сигурносен појас.

Контролите регистрирале и 39 прекршоци за користење мобилен телефон додека се управувало возило, 15 возачи поминале на црвено светло, а санкции добиле и четворица пешаци, како и двајца корисници на електрични тротинети.

Согласно Законот за возила, 42 возила биле отстранети од сообраќај поради нерегистрираност, а едно поради техничка неисправност.

Од МВР упатија апел до сите учесници во сообраќајот да ги почитуваат правилата и прописите, со цел да се спречат несреќи и да се зачува животот и здравјето на сите граѓани.

„Полицијата континуирано ќе продолжи со засилените контроли. Очекуваме совесно однесување од сите учесници во сообраќајот. Само со заеднички напори можеме да ја подигнеме безбедноста на нашите патишта“, информираат од Министерството за внатрешни работи.

The post 212 ВОЗАЧИ ФАТЕНИ БЕЗ ДОЗВОЛА Над 1.300 санкции низ Македонија само за два дена appeared first on plusinfo.mk.

– Притоа санкционирани се 27 возачи на мотоцикли кај кои се констатирани низа прекршоци.  Истовремено, откриени се и законски санкционирани и 18 други прекршоци. Покрај во Велес, како што веќе информиравме, во текот на изминатото деноноќие во Скопје беа санкционирани 384 учесници во сообраќајот, а Министерството за внатрешни работи ќе продолжи со зајакнати сообраќајни контроли и во наредните денови, со кои ќе бидат опфатени сите учесници во сообраќај во сите градови во државата, со цел зголемување на безбедноста во сообраќајот. – велат од МВР.

The post МВР им се намерачи на мотоциклистите, во Велес казнети 27 appeared first on plusinfo.mk.

ВОЗИЛО УДРИЛО ВО МОПЕД – На 27.08.2020 во 12,15 часот било пријавено дека во Скопје на бул.“Трета Македонска бригада“ се случила сообраќајна незгода помеѓу патничко моторно возило “рено модус“ со скопски регистарски ознаки, управувано од А.М.Л.(46) од Скопје и мопед со скопски регистарски ознаки, управуван од Ј.Џ.(55) од Скопје. Во незгодата со тешки телесни повреди се здобила Ј.Џ. констатирани во комплексот клиники “Мајка Тереза“. Извршен бил увид на местото на настанот од увидна екипа од СВР Скопје.

ТЕШКО ПОВРЕДЕН МОТОЦИКЛИСТ ПО УДАРОТ ОД КАМИОН – На 27.08.2020 во 10,50 часот било пријавено дека на регионалниот пат Гевгелија-Богданци се случила сообраќајна незгода помеѓу товарно моторно возило „мерцедес“ со полуприколка, со прилепски регистарски ознаки, управувано од Љ.Д.(55) од Прилеп и мопед со велешки регистарски ознаки, управуван од Б.П.(78) од Богданци. Во незгодата возачот на мопедот се здобил со тешки телесни повреди и бил пренесен во Јавната здравствена установа Гевгелија. Извршен бил увид на местото на настанот од увидна екипа од Полициската станица Гевгелија.

ЖИТЕЛ НА КИСЕЛА ВОДА БИЛ КАСНАТ ОД КУЧЕ – На 27.08.2020 во 22,00 часот во Полициската станица Кисела Вода Е.Д.(38) од Скопје пријавил дека на бул.“Борис Трајковски“ бил каснат од куче скитник.

МАЛОЛЕТНО ДЕТЕ НАПАДНАТО ОД УЛИЧНО КУЧЕ – На 27.08.2020 во 15,30 часот во Полциската станица Аеродром Г.Ф.(54) од Скопје пријавила дека на бул.“Јане Сандански“ нејзиниот 17 годишен син бил каснат од куче скитник.

The post Црн ден за мотоциклистите, дури тројца се здобиле со тешки телесни повреди appeared first on plusinfo.mk.