Цариниците на аеродромот во Мајами, САД пронајдоа 10 живи птици сокриени во долната облека на маж кој пристигнал од Хавана, Куба.

Алберто Хернандез Кастиљо (40), роден Кубанец и законски постојан жител на Соединетите Американски Држави, беше уапсен откако американските царински службеници забележаа необично испакнатина под неговата облека, според федералната кривична пријава.

Хернандез Кастиљо пристигнал од Хавана во Мајами на 4 октомври. По слетувањето, тој бил одвоен за дополнителен преглед.

Тој навел во својата царинска декларација дека нема диви животни со себе. Рекол дека бил на Куба во посета на семејството и носел само рачен багаж и чанта околу половината.

Но, за време на интервјуто, службениците забележале испакнатина во неговиот струк и карлицата и рекле дека изгледал нервозно. Го однеле во посебна просторија и го прегледале подетално.

Во неговата долна облека биле пронајдени 6 проѕирни пластични цевки, завиткани со селотејп и сошиени во облеката. Некои од нив имале мрежа преку отворите. Во цевките имало 10 живи птици – осум златногрли семејади и две синогрли црпалки.

Хернандез Кастиљо ја немал потребна документација за легално да ги внесе во САД. Увозот и извозот на диви животни во САД е предмет на правилата на Службата за риби и диви животни на САД, а за заштитените птици преселници се потребни посебни дозволи.

Кога полицајците го прашале за птиците, Хернандез Кастиљо рекол дека биле за негова „лична употреба“, а потоа го искористил своето право да молчи.

The post ВО ГАЌИТЕ ШВЕРЦУВАЛ 10 ЖИВИ ПТИЦИ Кубанец имал необична испакнатина на облеката, цариниците во Мајами го фатиле на дело appeared first on plusinfo.mk.

Кубански научници развија нов терапевтски кандидат за лекување на напреднат меланом, а препаратот наскоро треба да биде испитан и кај луѓе. Станува збор за молекулата 2C12, развиена во Центарот за молекуларна имунологија (CIM) во Хавана.

Првата фаза од клиничкото испитување ќе биде насочена кон пациенти со напреднат меланом, односно кај оние кај кои туморот не може да се отстрани со операција или веќе се проширил на други делови од телото. Во испитувањето ќе учествуваат специјализирани онколошки тимови од болници во Хавана и провинцијата Вила Клара.

Според досегашните информации, 2C12 има слични карактеристики со пембролизумаб, познат имунотерапевтски лек кој се користи и во меѓународната пракса за различни видови рак, вклучително и меланом. Целта на ваквата терапија е да му помогне на имунолошкиот систем подобро да ги препознава и напаѓа клетките на туморот.

Сепак, 2C12 не треба да се меша со веќе одобрена терапија. Во моментов станува збор за кандидат кој треба да ја помине клиничката фаза на испитување. Тоа значи дека допрва треба да се утврди колку е безбеден, колку добро делува кај луѓето и какви несакани ефекти може да предизвика. Нема објавени резултати од клиничко испитување кои би покажале дека лекот го продолжува животот или лекува меланом.

Развојот доаѓа од Центарот за молекуларна имунологија (CIM), една од клучните кубански институции за развој на биотехнолошки и имунотерапевтски производи. Куба веќе има искуство со развој на имунотерапии, меѓу кои е и CIMAvax-EGF, терапевтска вакцина која во Куба се користи кај одредени пациенти со напреднат неситноклеточен рак на белите дробови.

Кубанските власти и научници го претставуваат 2C12 и како начин да се обезбедат попристапни терапии за пациентите, особено поради високите цени на некои современи онколошки лекови на меѓународниот пазар и тешкотиите со кои Куба се соочува при набавката на лекови. Доколку клиничките испитувања покажат дека е безбеден и ефикасен, 2C12 би можел во иднина да стане нова опција за пациентите.

The post КУБА ПОДГОТВУВА НОВ ЛЕК ПРОТИВ МЕЛАНОМ Експерименталниот препарат 2C12 треба да започне со тестирање кај пациенти со напреднат рак на кожата appeared first on plusinfo.mk.

САД воведоа санкции против кубански правни субјекти и лица кои, според Вашингтон, ѝ помагаат на Куба да обезбедува оружје и да одржува воени односи со странски држави.

Американскиот Стејт департмент соопшти дека санкциите се насочени кон 5 правни и 8 физички лица за кои е посочено дека „ги олеснуваат воените односи на Хавана и испораките на оружје до кубанскиот режим“.

Американскиот државен секретар, Марко Рубио, ја обвини кубанската влада дека шпионира против САД, а Куба дека служи како „отскочна штица за Русија, Кина и за Иран“ за операции насочени против Вашингтон.

„Како што рече претседателот Доналд Трамп, САД нема да толерираат непријателска држава која на нивниот праг овозможува воени, разузнавачки и терористички операции“, напиша Рубио на мрежата Икс.

Меѓу санкционираните се министерот во кубанското Министерство за револуционерни вооружени сили, Алваро Лопес Мијера, началникот на Генералштабот на армијата, Роберто Легра Сотолонго, како и воените аташеа на Куба во Русија и Кина.

Рубио предупреди дека санкции може да им бидат воведени и на сите кои ги поддржуваат санкционираните лица и субјекти или им обезбедуваат услуги. Тој ги повика странските банки и компании што соработуваат со нив или чуваат средства за нив веднаш да ги прекинат таквите активности.

Односите меѓу САД и Куба се затегнати уште од Кубанската револуција во 1959 година. Вашингтон воведе трговско ембарго кон социјалистичкиот остров пред повеќе од 6 децении, кое и натаму е во сила.

По враќањето на функцијата, Трамп го засили притисокот врз Хавана со дополнителни санкции, а во повеќе наврати ја спомена и можноста за американско „преземање“ на економски проблематичната карипска држава.

The post САД ВОВЕДОА САНКЦИИ ПРОТИВ КУБАНСКИ ОФИЦЕРИ И КОМПАНИИ Вашингтон обвини дека шпиунираат и набавуваат оружје appeared first on plusinfo.mk.

Кубанската државна Национална електроенергетска компанија (UNE) соопшти дека очекува 72 проценти од земјата да биде без електрична енергија во часовите кога потрошувачката е најголема.

Се вели дека само 1.000 мегавати производствен капацитет ќе биде достапен во шпицот, во споредба со проценетата побарувачка од 3.100 мегавати, објави Анса.

Во соопштението се вели дека ова ќе резултира со дефицит од 2.200 мегавати и проектиран прекин на електричната енергија од 2.230 мегавати.

Десет од 16-те термоелектрани на Куба се надвор од употреба поради дефекти или одржување, додека повеќе од сто генератори и неколку пловечки електрани се надвор од употреба поради недостиг на гориво.

Претходниот рекорд за прекини на електричната енергија беше поставен минатиот петок, кога 71 процент од земјата истовремено беше без електрична енергија. Кубанската влада ја опишува енергетската криза како „акутна“, „критична“ и „екстремно напната“, додека експертите велат дека кризата е резултат на влошување на инфраструктурата, хроничен недостиг на инвестиции и недостиг на гориво.

The post ДВЕ ТРЕТИНИ ОД КУБА ОСТАНАА БЕЗ СТРУЈА 10 од 16 термоелектрани не работат appeared first on plusinfo.mk.

САД вчера воведоа нови санкции за кубанските државни компании, кои според аналитичарите најверојатно ќе ги заплашат странските инвеститори и ќе ја продлабочат економската криза.

Според новите американски санкции, секој што обезбедува услуги за санкционираните кубански субјекти може да биде казнет и исклучен од американскиот финансиски систем.

Санкции се воведени за 5 кубански ентитети од кои 3 се поврзани со „Grupo de administrasion Empreserial S.A.“ (ГАЕСА) деловен конгломерат со кој управуваат Кубанските револуционерни вооружени сили. Конгломератот контролира речиси 40 отсто од бруто домашниот производ на Куба.

Помеѓу санкционираните се и компанијата за извоз и увоз, комерцијалната банка за странските инвеститори, државната рударска компанија и најголемиот кубански производител на челик.

„Ситуацијата во Куба се влошува бидејќи корумпираниот, брутален и антиамерикански комунистички режим на островот продолжува да дава приоритет на сопствената целосна контрола врз слободата, можностите и врз основната благосостојба на кубанскиот народ“, објави државниот секретар на САД, Марко Рубио на платформата Икс.

Рубио, кој е син на кубански имигранти, ги обвини „режимските елити“ дека го користат ГАЕСА за „крадење на оскудните ресурси на островот, пренасочувајќи ги за репресија, антиамериканска субверзија и за шпионажа наместо за училишта, електрани и основни потреби на кубанскиот народ“.

Шефот на кубанската дипломатија Бруно Родригез ги отфрли санкциите, нарекувајќи го Рубио „нечесен и лажго“.

– Куба се покажа посилна, поспособна и поефикасна отколку што очекуваше, наспроти суровата агресија и колективната казна наметната врз нејзиниот народ и нивните услови за живот. Она што оваа личност го промовира од најголемата светска сила е кривично дело – објави Родригез на Икс.

The post САД ВОВЕДЕ НОВИ САНКЦИИ ЗА КУБА Кој работи со кубанските компании, ќе биде исклучен од американскиот финансиски систем appeared first on plusinfo.mk.

Алармантните извештаи што доаѓаат од Куба ја кренаа светската заедница на нозе. Владата во Хавана официјално го повика народот да се мобилизира и итно да ја брани земјата, а според извештаите на венецуелските медиуми, властите веќе почнаа да им делат оружје на граѓаните со цел да се подготват за непосредна воена инвазија.

Баукот од американска воена интервенција надвиснува над Куба со месеци, а итно активирање на плановите за вонредни состојби на владата предизвика длабока загриженост и тензии кај жителите на островот.

Овие радикални акции на кубанските власти следеа по низа остри и вознемирувачки изјави од претставници на американската администрација. Хавана беше особено огорчена од зборовите на американскиот државен секретар Марко Рубио, кој го изрази најсуровиот став на Вашингтон досега:

– Навистина не верувам дека овој систем ќе биде способен за реформи додека нови луѓе не ја преземат власта или додека не преовлада нов став. Неуспешна држава, пријателска кон нашите непријатели, сместена само 90 милји од нашите брегови, претставува директна закана – рече Рубио, обвинувајќи ја Куба за поддршка на „радикален левичарски тероризам“ и дестабилизација на проамериканските влади.

Масло на огнот додаде и претседателот Доналд Трамп, кој во разговор со новинарите кратко и јасно изјави дека очите на Белата куќа се насочени кон овој остров:

– Ќе се справиме со Куба кога ќе завршиме со Иран – остро рече Трамп.

Како што објавува Политико, Пентагон активно распоредува војници и тешко оружје со месеци на позиции од кои САД би можеле да започнат молњевит удар врз Куба.

Си-Ен-Ен известува за грозничава атмосфера во Хавана, каде администраторите на владините згради веќе се консултираат со вработените и жителите за логистиката што им е потребна во време на војна.

Меѓу обичните граѓани, преовладува атмосфера на длабока вознемиреност и целосен замор од децениските тензии. Кубанците, соочени со заканата од нова војна пред нивните прагови, повикуваат на деескалација и велат дека „едноставно сакаат ова да заврши еднаш засекогаш, на еден или друг начин“.

The post „ЌЕ СЕ СПРАВИМЕ СО КУБА КОГА ЌЕ ЗАВРШИМЕ СО ИРАН“ Трамп си зададе нова цел appeared first on plusinfo.mk.

Поради растечката закана од конфликт со САД, кубанската војска дистрибуира оружје на цивилите. Покрај тоа, американските и кубанските генерали одржаа таен состанок во базата Гвантанамо.

„Поради распоредувањето на американските воени сили во близина на островот, владата во Хавана започна со дистрибуција на оружје на граѓаните, официјално повикувајќи ги да се подготват за непосредна инвазија“, според извештајот објавен од венецуелскиот весник „Верзија Финал“.

Со месеци, секојдневниот живот на Куба во голема мера беше определен од дипломатскиот конфликт со САД. По санкциите врз венецуелската нафта, евидентиран е недостиг на гориво, електрична енергија, а понекогаш и храна.

Сепак, подготовките за војната отидоа толку далеку што менаџерите на државните објекти веќе почнаа да разработуваат тактики со закупците.

– На враќање од Иран, ќе застанеме на Куба – се закани американскиот претседател Доналд Трамп.

Трамп јасно нагласи дека целта е да се промени политичкиот режим во Куба.

Неговиот државен секретар, Марко Рубио, кој е Кубанец по потекло, рече дека САД би претпочитале сè да се реши дипломатски.

Но, кубанскиот министер за надворешни работи Бруно Родригез Париља го обвини Рубио дека намерно се обидува да предизвика воена агресија против Куба, тврдејќи дека неговата земја не може да биде закана за САД. Покрај тоа, беа воведени санкции против семејството Кастро.

Американските и кубанските генерали одржаа таен состанок во базата во Гвантанамо. Американската војска објави дека станува збор за „кратка размена“ на мислења за „прашања за оперативна безбедност“, додека кубанското Министерство за одбрана изјави дека е одржан „позитивен состанок“ со меѓусебен договор.

The post КУБА ГИ ВООРУЖУВА ГРАЃАНИТЕ Дали е на повидок нов конфликт? appeared first on plusinfo.mk.

Претседателот на САД Доналд Трамп изјави дека ескалацијата на Куба е непотребна и го нарече обвинението на САД против поранешниот кубански претседател Раул Кастро „многу голем ден“.

– Нема да има ескалација. Не мислам дека е потребно. Местото се распаѓа – им рече тој на новинарите по враќањето од Конектикат, додавајќи дека САД „ја ослободуваат Куба“.

Министерството за правда на САД во средата поднесе обвинение против 94-годишниот Раул Кастро, обвинувајќи го за убиствата во 1996 година кога беа соборени два цивилни авиони управувани од противници на кубанскиот лидер.

Вршителот на должноста државен обвинител на САД, Тод Бланч, изјави дека очекува поранешниот кубански лидер да го помине остатокот од својот живот во затвор во Соединетите Држави. На прес-конференција во Мајами, тој рече дека очекува Кастро да се појави во Соединетите Држави „доброволно или на друг начин“.

Кубанскиот претседател Мигел Дијаз-Канел го нарече обвинението во случајот од 1996 година „политички маневар без никаква правна основа, кој само има за цел да го оправда лудиот план за воена агресија против Куба“.

САД ПОКРЕНАА ОБВИНЕНИЕ ПРОТИВ РАУЛ КАСТРО Хавана остро реагира – само барате изговор за агресија

The post НЕМА ПОТРЕБА ДА ЈА НАПАЃАМЕ КУБА, ЗЕМЈАТА СЕ РАСПАЃА! Трамп го поздрави обвинението против Раул Кастро appeared first on plusinfo.mk.

Соединетите Американски Држави подигнаа федерално кривично обвиниение против поранешниот кубански претседател Раул Кастро и уште пет лица, што претставува сериозна ескалација на повеќедецениската кампања на администрацијата на американскиот претседател Доналд Трамп против кубанскиот комунистички режим.

Според судски документи до кои дошол Си-Би-Ес (CBS), 94-годишниот Кастро е обвинет во Мајами за заговор со цел убиство на американски државјани, за четири точки од обвинението за убиство и за две точки поврзани со уништување летала.

Меѓу обвинетите се наоѓа и пилот на борбен авион кој се поврзува со инцидентот од 1996 година, кога четири лица загинале откако кубанската војска ги соборила нивните авиони за време на хуманитарна мисија над Флоридскиот Проток.

Обвинителството тврди дека наредбата за отворање оган ја издал токму Кастро. Како симболично место за објавување на обвинението е избрана зградата Фридом Тауер во Мајами, низ која помеѓу 1962 и 1974 година поминале повеќе од половина милион кубански бегалци кои по револуцијата на Фидел Кастро од 1959 година ја напуштиле земјата.

Американските власти наведуваат дека Раул Кастро го одобрил соборувањето на два мали авиони на организацијата „Brothers to the Rescue“ на 24 февруари 1996 година.

Организацијата на кубански емигранти од Мајами трагала по бегалци во водите меѓу Куба и Флорида. Во нападот загинале Армандо Алехандре Џуниор, Карлос Коста, Марио де ла Пења и Пабло Моралес, откако нивните летала биле погодени со проектили истрелани од кубански МиГ авиони.

Раул Кастро се повлече од функцијата претседател во 2018 година, а три години подоцна се откажа и од местото секретар на Комунистичката партија на Куба. И покрај тоа, тој и понатаму се смета за една од највлијателните личности во кубанската политика. Засега не е познато дали некогаш ќе се појави пред американски суд.

Претседателот на Куба, Мигел Дијаз-Канел оцени дека обвинението против Раул Кастро само ја открива „ароганцијата и фрустрацијата што претставниците на империјата ја чувствуваат кон непоколебливата одлучност на Кубанската револуција и кон единството и моралната сила на нејзиното раководство“.

Дијаз-Канел на својот профил на „Икс“ наведе дека станува збор за политички маневар лишен од правна основа, кој служи за да се оправда „лудоста на воената агресија“ врз Куба.

„Многу добро знаат, со оглед на изобилството документирани докази, дека не беше преземена никаква непретпазлива акција ниту пак беше прекршено меѓународното право, како што американските воени сили навистина правеа со своите ладно пресметани и отворено објавени вонсудски егзекуции на цивилни бродови на Карибите и Пацификот“, напиша Дијаз-Канел, алудирајќи на инцидентот од 1996 година, кога беа соборени американски цивилни авиони со кои управуваа кубански бегалци.

Тој истакна дека Куба тогаш делувала во легитимна самоодбрана во рамките на своите јурисдикциски води, по повеќекратните и опасни повредувања на воздушниот простор на Куба „од страна на озлогласени тероисти“.

„За тој факт тогашната американска администрација беше предупредена во повеќе од десет наврати, но ги игнорираше предупредувањата и дозволи тие кршења да продолжат“, наведе Дијаз-Канел.

Тој го опиша Раул Кастро како герилски командант и државник кој „ја заслужи љубовта на својот народ“.

The post САД ПОКРЕНАА ОБВИНЕНИЕ ПРОТИВ РАУЛ КАСТРО Хавана остро реагира – само барате изговор за агресија appeared first on plusinfo.mk.

Претседателот на САД Доналд Трамп објави порака по повод Денот на независноста на Куба, во која нагласи дека неговата администрација „нема да се смири додека народот на Куба повторно не ја добие слободата за која неговите предци толку храбро се бореле пред повеќе од 100 години“.

Трамп го обвини актуелниот кубански режим за корупција, ограничување на политичките слободи и задушување на неистомислениците, како и за доведување на економијата во „состојба на колапс“.

Тој беше категоричен дека САД „нема да толерираат држава-престапник што прифаќа непријателски странски воени, разузнавачки и терористички операции“.

Според него, апсењето на венецуелскиот претседател Николас Мадуро треба да биде „јасна порака“ до кубанската власт. Трамп изрази солидарност со народот на Куба и предвиде „нова златна ера“ за земјата.

Исто така и американскиот државен секретар Марко Рубио по повод Денот на независност на Куба, преку видеопорака им се обрати на Кубанците, нудејќи има 100 милиони долари помош, а притоа ја обвини кубанската власт за недостигот на електрична енергија, храна и вода.

– САД ви нуди помош не само за ублажување на моменталната криза, туку и за изградба на подобра иднина. Вистинската причина зошто немата струја, гориво и храна е затоа што оние што ја контролираат вашата земја украле милијарди долари, од кои ништо не им дале на народот, наведе Рубио во пораката на шпански јазик.

Тој наведе дека САД ќе им дадат на Кубанците храна и лекови во вредност од 100 милиони долари, но под услов дистрибуцијата да се врши преку Католичката црква или други сигурни хуманитарни групи.

– Претседателот Трамп предлага нов пат помеѓу САД и нова Куба … каде што навистина имате можност да изберете кои луѓе да ја водат вашата земја и да гласате за нивно менување ако не ја вршат добро својата работа – посочи Рубио, чии родители се Кубанци.

Амбасадата на Куба во САД соопшти дека Рубио лаже и ги обвини САД за суров третман.

„Причината зошто американскиот државен секретар постојано бескрупулозно лаже за Куба и се обидува да ја оправда агресијата на која го подложува кубанскиот народ не е незнаење или некомпетентност. Тој многу добро знае дека нема оправдување за таква сурова и немилосрдна агресија“, објави Амбасадата на Куба на мрежата Икс.

САД де факто воведоа блокада на Куба, заканувајќи се со санкции за земјите што ја снабдуваат со гориво, поради што земјата се соочува со чести прекини на електричната енергија што предизвикуваат хаос во веќе кревката економија.

куба, соединети американски држави, доналд трамп, николас мадуро, меѓународна политика, дипломатија, санкции, кубанска криза

The post „НЕМА ДА СЕ СМИРАМ ДОДЕКА НЕ ЈА ОСЛОБОДАМ КУБА“ Трамп им се обрати на Кубанците за денот на кубанската независност appeared first on plusinfo.mk.