Големиот пожар на хрватскиот остров Брач зафати околу 5.600 хектари, односно 56 квадратни километри, покажуваат најновите сателитски проценки. Огнот, кој избувна во четвртокот навечер во западниот дел на островот, во текот на викендот нагло се прошири кон Милна, јужниот брег и подрачјето на пустината Блаца.

Размерите на пожарот се огромни – опожарената површина претставува повеќе од 14 проценти од целиот Брач. Само еден ден претходно се проценуваше дека пожарот зафатил околу 3.000 хектари, но силниот ветер повторно го разгоре огнот.

Најкритично било во текот на ноќта во Милна и во околните населби. Поради опасноста за куќите, жителите и туристите биле преместувани и евакуирани, дел од нив и по морски пат, со пловила на хрватската полиција, морнарицата, Лучката капетанија и приватни бродови. Според последните информации, во текот на операциите биле евакуирани или преместени речиси 700 луѓе.

Милна е одбранета, а пожарникарите успеале да спасат и најголем дел од загрозените објекти. Две лица се повредени и биле испратени во Клиничкиот болнички центар во Сплит. Една постара жена паднала од брод при евакуацијата и за малку ќе се удавела, но нејзината состојба подоцна била стабилизирана, додека еден млад човек вдишал чад. Нема повредени пожарникари.

Во гаснењето се ангажирани 235 пожарникари со 68 противпожарни возила, а од воздух дејствуваат и канадери. Во операцијата е вклучена и Хрватската војска, со патролниот брод „Омиш“, две гумени пловила и воздухопловни сили. Пожарот и натаму е активен во подрачјата Дубока и Осибова.

Пожарот првично избувнал во четвртокот доцна навечер меѓу Ложишќа и Грабовица. Огнот се ширел низ трева, ниска вегетација, макија и борова шума на тешко пристапен терен. Пожарникарите во еден момент успеале да го стават под контрола, но очекуваниот дожд го заобиколил пожариштето, по што силната бура повторно го разгорела огнот и го оневозможила полетувањето на противпожарните авиони.

Последните информации од теренот укажуваат дека состојбата е помирна и дека нема нови отворени жаришта, но голем број пожарникари остануваат распоредени на островот поради опасност од повторно разгорување. Во меѓувреме, нов пожар избувна и над Бол на јужната страна на Брач, каде што исто така се испратени противпожарни сили.

The post 📽️ ПОЖАР ПРОГОЛТА 5.600 ХЕКТАРИ НА ОСТРОВОТ БРАЧ Евакуирани стотици жители и туристи appeared first on plusinfo.mk.

Човечко невнимание, можеби само еден фрлен отпушок, е меѓу можните причини за катастрофалниот пожар кај Омиш. Точниот одговор сепак треба да го даде полициската истрага.

– Полицијата ќе ја утврди точната причина, но според нашето искуство, најчесто станува збор за фрлен предмет што гори, како што е опушок од цигара – изјави Томислав Ресман, заменик-командант на Јавната противпожарна служба на Загреб.

Како можни причини ги наведе и искрите од далноводи, невнимателното користење скара, како и искри при сечење, брусење или заварување.

„Неверојатно е колку многу е спасено“

Хрватски Индекс пишува дека градот полека се враќа во нормала.  Мештаните сè уште се под стрес, пожарот сè уште гори на ридот зафаќајки нови делови, но некои од кафулињата почнуваат да се полнат, а луѓето пливаат на плажата.

Репортер на „Индекс“ од Омиш вели дека е неверојатно колку многу било спасено во ноќните часови и денеска со оглед на силината на пожарот.

Канадерите пак гасеа 

Пожарникарските авиони попладнево повторно дејствуваа над пожариштето. Хрватските воздухопловни сили се вклучени во гаснењето, а пожарот од синоќа остави огромна изгорена површина зад себе.

Огнот избувна околу 20.15 часот кај Локва Рогозница. Силниот ветер го турна кон Омиш, а пламените јазици стигнаа до подрачјето над градот и загрозија куќи.

Hrvatska vojska od ranih jutarnjih sati angažirana je na gašenju velikih požara diljem : tijekom cijelog dana na terenu su protupožarne zrakoplovne snage #HRZ i Obalna straža #HRM

Na području Omiša, Pelješca i Zadra požare gase vojni piloti Hrvatskog ratnog zrakoplovstva s… pic.twitter.com/SxcIofUV0t

— MORH/MoD Croatia (@MORH_OSRH) August 14, 2026

900 хектари, запалени беа куќи и автомобили

Пожарот досега зафати околу 900 хектари. Изгореа и беа оштетени куќи, автомобили и други објекти, а дел од жителите и од туристите беа евакуирани.

Меѓу пациентите на респиратор е и 17-годишна малолетничка. Кај дел од најтешко повредените изгорениците зафаќаат од 15 до 60 проценти од телото.

Меѓу повредените има претежно хрватски државјани, но и двајца странци, еден Германец и еден Полјак.

Хрватската полиција денеска околу 13.30 часот пронајде тело на едно лице при увидот на пожариштето во Омиш.

The post ДАЛИ ОМИШ ГОРИ ПОРАДИ ЕДЕН ФРЛЕН ОТПУШОК? „Уште мириса, но неверојатно е колку е спасено“ appeared first on plusinfo.mk.

Седум лица се борат за живот, а вкупно 36 луѓе побарале медицинска помош по катастрофалниот пожар што во текот на ноќта го зафати подрачјето од Локва Рогозница до Омиш. Четиринаесет повредени се задржани во болница, а најтешко повредените се сместени на интензивна нега во Клиничкиот болнички центар во Сплит.

Кај најголем дел од повредените станува збор за изгореници, додека други побарале лекарска помош поради проблеми со дишењето предизвикани од чадот. Седум пациенти се во животна опасност, а уште тројца се на интензивна нега. Поради големиот број повредени, КБЦ Сплит ги повикал на работа и лекарите и другиот медицински персонал кои биле на годишен одмор.

Пожарот избувнал синоќа околу 20.15 часот во Локва Рогозница и со огромна брзина се проширил кон Омиш. Силниот ветер го носел огнот низ тревата, ниската вегетација и боровата шума, а пламените јазици брзо стигнале до куќите и другите објекти. Во еден момент огнот се доближил на помалку од 50 метри од центарот на Омиш.

Ноќта зад себе остави сцени на пустош. Изгорени се куќи, автомобили и чамци, а на повеќе места огнот минал низ населени подрачја. Главниот хрватски противпожарен командант Славко Туцаковиќ изјави дека станува збор за еден од најтешките пожари во историјата на Хрватска.

Стотици жители и туристи морале да ги напуштат домовите и сместувачките капацитети. Дел од луѓето биле евакуирани кон прифатните центри во спортските сали, а во текот на ноќта по патиштата се движеле колони луѓе кои бегале од огнот. Јадранската магистрала кај Локва Рогозница била затворена, а сообраќајот во Омиш практично бил блокиран.

#Repost @imockicrnjaci

Omiš pic.twitter.com/1RdFCue1Cy

— Željko Kisa (@ZeljkoKisa) August 14, 2026

На теренот биле испратени големи противпожарни сили од Сплитско-далматинската, Задарската, Шибенско-книнската и Дубровничко-неретванската жупанија, а во готовност биле ставени и пожарникари од други делови на Хрватска. Само во првата фаза на интервенцијата биле ангажирани 110 пожарникари со 33 возила од Сплитско-далматинската жупанија, а бројот на пожарникари во текот на ноќта дополнително се зголемувал.

Со разденувањето во гаснењето биле вклучени и четири канадери. Меѓутоа, авионите набрзо биле пренасочени кон Пељешац, каде што избувнал нов голем пожар. Хрватската морнарица ставила во готовност и десантно-јуришен брод за евентуален превоз на евакуирани жители од пристаништето во Омиш.

Размерите на пожарот станале јасни дури утрово. Фотографиите од Омиш и околината покажуваат изгорена вегетација, оштетени и уништени објекти и автомобили. Во текот на најтешките часови дел од градот останал без електрична енергија, додека пожарникарите ги полевале покривите на куќите за да спречат огнот да навлезе уште подлабоко во градот.

Утрово веќе немало отворен пламен на главното пожариште и пожарникарите преминале на догасување, но зад нив останала огромна материјална штета. Точниот број на уништени и оштетени куќи, возила и други објекти допрва треба да биде утврден.

Пожарот кај Омиш, според досегашните информации, е една од најтешките огнени катастрофи на хрватското крајбрежје ова лето. Најтешкиот биланс засега се 36 повредени и седум пациенти во животна опасност, додека службите на терен продолжуваат со догасување и проценка на штетата.

The post 📽️ СЕДУМ ЛИЦА СЕ БОРАТ ЗА ЖИВОТ ПО ОГНЕНАТА СТИХИЈА ВО ОМИШ Повредени 36 луѓе, изгореа куќи, автомобили и чамци appeared first on plusinfo.mk.

Силен пожар ја зафати шумата во Фонтенбло кај Париз. Околу 400 пожарникари денеска се обидуваат да ја стават под контрола огнената стихија  што зафати стотици хектари зеленило и се приближи до куќите.

Пламенот избувнал доцна синоќа во близина на автопат и досега уништил околу 800 хектари шума. Во гаснењето се вклучени два авиона канадери кои собираат вода од реката Сена, како и хеликоптери и извидувачки летала.

Францускиот претседател Емануел Макрон порача дека се мобилизирани сите расположливи ресурси.

„На жителите на Сена и Марн им изразувам солидарност. На пожарникарите и спасувачките екипи кои работат неуморно им изразувам длабока благодарност“, напиша Макрон на Икс.

#Incendies | 400 sapeurs-pompiers ont été à pied d’œuvre cette nuit pour lutter contre le feu dans la forêt de Fontainebleau (Seine-et-Marne) qui, depuis son déclenchement en bord d’autoroute hier après-midi, a déjà parcouru + de 800 hectares en milieu de nuit.
La lutte continue… pic.twitter.com/kwdnyS9IYw

— Pompiers de France (@PompiersFR) July 13, 2026

Повеќе од илјада жители и туристи биле евакуирани. Градоначалникот на Ле Воду опишал „ѕид од пламен“ кој брзо се ширел и стигнал до првите куќи на работ од населбата.

Францускиот министер за внатрешни работи Лоран Нуњез изјави дека истрагата не ја исклучува можноста пожарот да бил подметнат.

– Неколку одделни жаришта во радиус од околу еден километар укажуваат на можно подметнување – рече Нуњез.

Пожарот делумно затвори неколку главни сообраќајници околу Париз и предизвика сериозни нарушувања во железничкиот сообраќај. Патниците на станицата Гар де Лион се соочиле со доцнења и до шест часа, соопшти француската железничка компанија СНЦФ.

Властите оценуваат дека размерите на пожарот се исклучителни за северна Франција, каде вакви огнени стихии се ретки. Пожарот избувна во период кога десетици француски департмани се под највисок степен на тревога поради екстремна топлина и суша.

The post 📽️ НЕВИДЕН ПОЖАР ВО ШУМИТЕ КАЈ ПАРИЗ Некој го подметнал огнот кој затвори патишта и железници? appeared first on plusinfo.mk.

Синоќа избувна голем пожар блиску до Сплит, а според хрватските медиуми на терен интервенираат 155 пожарникари со 50 возила.

Пожарот избувнал во населбата Јесеница, општина Дуги Рат, а според снимките на социјалните мрежи и според најновите утрински извештаи, огнот се шири на ридот над куќите и сѐ повеќе пожарникари се обидуваат да ги одбранат објектите од пламените, објави Блиц.

– Подигнати се 3 канадери, на пат е четврти, а пристигнува и „ер трактор“. Засега пожарот се шири кон запад, кон Горња Подстрана – велат пожарникарите.

„Куќите се одбранети“

Тие додаваат дека „куќите се одбранети“ и дека засега немаат дојави за можни штети.

Како што наведуваат медиумите, пожарот е активен, се бранат објектите, а се очекува и помош од канадерите.

„Утрово околу 02:54 часот, над Сумпетар и Јесенице, поточно кај населеното место Старо Село, дојде до избувнување пожар и во тек е гаснењето,“ известуваат медиумите.

Затворен е патот Д8

Тие наведуваат дека од 06:15 часот наутро за целиот сообраќај е затворен патот Д8 од Мутограса до Омиш. Полициските службеници на терен вршат пренасочување на сообраќајот и даваат помош на пожарникарите.

Возачите се повикуваат да ги следат упатствата и наредбите на полициските службеници на терен.

The post 📽📷 ГОЛЕМ ПОЖАР КАЈ СПЛИТ Огнот се доближува до куќите, 155 пожарникари на терен appeared first on plusinfo.mk.

Според последните информации објавени од хрватските медиуми, големиот оган утрово веќе не е опасност за куќите.

Во пожарот нема повредени, во неколку места во околината на Сплит има чад и се шири неподнослива миризба. Единственото стравување сега е како ќе се движи ветерот кој би можел повторно да направи проблеми околу состојбат со пожарот.

– Пожарот е активен во областа Ситни Горњи, таму работат канадерите, другите делови се релативно обезбедени. Куќите не се загрозени, насекаде има отворен оган, има многу проблеми на терен, се ќе решиме. Имавме долга ноќ, ќе имаме долг ден. Не можеме да кажеме дали е подобро утрово. Има многу работа. Два канадери во моментов се таму – изјави за Индекс шефот на сплитската противпожарна служба Марио Микас.

НЕИЗВЕСНА НОЌ ГИ ОЧЕКУВА ЖИТЕЛИТЕ НА СПЛИТ Пожарот е сѐ посилен и посилен, туристите панично ги напуштаат апартманите

The post 📽️ ТЕНЗИЧНА НОЌ ВО СПЛИТ, КУЌИТЕ СЕ СПАСЕНИ Канадери и 250 пожарникари и утрово го гаснат страотниот пожар appeared first on plusinfo.mk.

Големи пожари беснеат во Македонија. Во изминатите 24 часа во земјава пријавени биле 31 пожар на отворено. Најсериозен е пожарот на планината Серта.

По пристигнувањето на дел од најавената меѓународна помош, Центарот за управување со кризи информира дека денеска во земјава на располагање за гаснење на пожарите се следниве воздухоплови:

3 Ер трактори на ДЗС
1 хеликоптер на МВР
2 хеликоптери на АРМ
2 Ер трактори од Турција
1 хеликоптер од Турција
1 голем хеликоптер од Србија

Во текот на денешниот ден ќе пристигнат и два хеликоптери од Словенија, еден канадер кој го испраќа Хрватска и еден хеликоптер од Црна Гора.

Според информациите од ЦУК, утре на располагање ќе биде и еден голем хеликоптер МИ 171 на МВР кој беше на сервис.

The post 📷 ПОМОШТА ПРИСТИГНА Еве со колку и какви воздухоплови се гаснат пожарите во Македонија appeared first on plusinfo.mk.

Пожарот е локализиран.

The post 📽 ПОЛИЦИСКИТЕ ХЕЛИКОПТЕРИ ИСФРЛИЈА 200 ЛИТРИ ВОДА Пожарот кај Ајватовци е локализиран appeared first on plusinfo.mk.

Четири канадери и еден хеликоптер учествуваат во акцијата за гаснење на пожарот, објави грчкиот дневен весник Катимерини. Во борбата со огнот се вклучени и 11 противпожарни возила со 43 пожарникари за кои дополнителен проблем е силниот ветар.

Локален претставник изјави дека пожарот е активен во непристапен терен, во јужниот регион на Света Гора. Според Прототема, манастирскиот комплекс не е загрозен.

The post ГОРИ СВЕТА ГОРА Четири канадери, хеликоптер и 11 противпожарни возила во битка со пожарот кој се приближува до манастирот appeared first on plusinfo.mk.

Гори нискостеблестата шума над Плетвар, на потегот од селата Смолани и Радобил, а десет пожарникари и седуммина вработени во Македонски шуми успеале да го локализираат, јавува Телма.

За среќа, патот на Плетвар е прооден. Иако пожарот продолжува да гори на непристапен терен, жителите од околните села засега не се во опасност, информирале од Територијалната противпожарна единица од Прилеп.

The post ГОРИ ШУМА НАД ПЛЕТВАР Пожарникарите засега го контролираат огнот, патот е прооден appeared first on plusinfo.mk.