Социјалистичката партија на Србија (СПС), според досегашните информации, на вонредните парламентарни избори освоила само 2,3 отсто од гласовите, што е под изборниот праг од три отсто. Тоа значи дека социјалистите првпат од 1990 година, односно од воведувањето на повеќепартискиот систем, нема да бидат парламентарна партија и нема да имаат пратеници во Собранието на Србија.

Доколку резултатот од 2,3 отсто биде потврден, тоа ќе значи дека поддршката за социјалистите во однос на 2023 година паднала за 4,25 процентни поени, а во однос на 2022 година за дури 9,14 процентни поени.

Освоените 2,3 отсто од гласовите убедливо се најслабиот резултат на СПС на сите досегашни парламентарни избори.

Падот на поддршката доаѓа во период кога партијата ја напуштија голем број луѓе, што го отвора прашањето колку внатрешното осипување и губењето долгогодишни членови и поддржувачи влијаеле врз изборниот резултат.

Да потсетиме, на парламентарните избори во 2023 година СПС освои 6,55 отсто од гласовите и 18 пратенички мандати, додека во 2022 година имаше 11,44 отсто од гласовите и 31 мандат.

На денешните вонредни парламентарни избори во Србија победи Студентската листа, која освои најмногу пратенички мандати. Во Собранието на Србија влегува и листата „Обединета Србија“, како и партиите на националните малцинства.

Според првичните проекции, листата „Студентска листа – Студентите победуваат“ освоила 52 отсто од гласовите и 138 мандати, додека листата „Александар Вучиќ – Обединета Србија“ освоила 39,3 отсто од гласовите, односно 104 мандати.

The post СПС НА ИВИЦА ДАЧИЌ НЕ ГО ПОМИНА ИЗБОРНИОТ ПРАГ Ќе биде вонпарламентарна опозиција appeared first on plusinfo.mk.

На само два дена пред вонредните парламентарни избори во Србија, последните истражувања на јавното мислење нудат две прилично различни прогнози: според едната, Александар Вучиќ има солидна предност од повеќе од 7 процентни поени, но според другата студентската листа е во водство. Ако се споредат повеќе мерења, најреалната проценка е дека Вучиќ влегува во изборите како фаворит, но исходот сè уште е отворен.

Најновото истражување на „Ipsos Strategic Marketing“, спроведено од 20 до 22 октомври на голем примерок од 3.624 испитаници, на листата „Александар Вучиќ – Обединета Србија“ ѝ дава 47,4 отсто, а на „Студентска листа – Студентите победуваат“ 40 отсто. Социјалистите на Ивица Дачиќ се на самата граница на цензусот со 3,2 отсто, додека сите други немалцински листи, според ова мерење, би останале под прагот од 3 проценти.

Но, кај ова истражување има важна околност: нарачател е самата листа „Александар Вучиќ – Обединета Србија“. „Ipsos“ тоа јавно го наведува во методологијата. Агенцијата проценува излезност од 64,7 отсто, а статистичкиот интервал за резултатот на листата на Вучиќ е од 45,3 до 49,5 отсто, додека за студентите е од 37,9 до 42,1 отсто.

Друго истражување ги става студентите пред Вучиќ

Сосема поинаква слика дава истражувањето на Нова српска политичка мисла – „NSPM“, спроведено телефонски од 25 септември до 5 октомври на репрезентативен примерок од 1.050 испитаници. Кога ќе се исклучат неопределените, студентската листа има 44,5 отсто, а листата на Вучиќ 42,7 отсто. Социјалистите се на 2,9, „Европска Србија“ на 2,7, а „Автентична десница“ на 2,5 отсто.

Самите автори на „NSPM“ предупредуваат дека нивните бројки не се изборна прогноза, туку мерење на јавното мислење. Особено внимание заслужува фактот дека 18,3 отсто од испитаниците биле неопределени, не знаеле или не сакале да кажат за кого ќе гласаат. Истражувањето е направено за сопствени потреби на „NSPM“, без надворешен нарачател.

Уште поинтересен е одговорот на поширокото политичко прашање во истата анкета. На прашањето што би било најдобро за Србија, 44 отсто од испитаниците одговориле дека треба да победат студентите и опозицијата, 22,5 отсто сакаат да остане сегашната власт, а дополнителни 19,4 отсто би ја задржале власта, но со одредени промени. Тоа покажува земја поделена речиси на две половини.

Кога повеќе анкети се ставаат во еден модел, разликата повторно се намалува. „Изборни монитор“, кој користи пондериран просек од истражувањата во 2026 година и Д’Онтов модел за распределба на мандатите, во последната достапна пресметка дава 117 пратеници за Обединета Србија и 112 за студентската листа. Социјалистите би добиле 9 мандати, а останатите места би ги поделиле главно малцинските листи. Ниту една од двете најголеми листи во ова сценарио нема самостојно мнозинство од 126 пратеници.

Излезноста може да ја реши трката

Најголемата непозната е излезноста. „Ipsos“ очекува 64,7 отсто, додека во анкетата на „NSPM“ дури 79,8 отсто од испитаниците велат дека сигурно ќе гласаат. Вториот број тешко може директно да се претвори во очекувана реална излезност, бидејќи гласачите во анкетите традиционално почесто најавуваат излегување отколку што навистина се појавуваат пред избирачките кутии.

Сепак, токму високата излезност може да биде шансата на студентската листа. Аналитичарите во Србија веќе укажуваат дека дополнителната мобилизација на младите, повремените гласачи и луѓето кои на претходните избори останувале дома може значително да го промени односот на силите. Наспроти тоа стои добро организираната и повеќепати проверена изборна инфраструктура на владејачкиот блок.

Вториот голем фактор е цензусот. Ако СПС остане над 3 проценти, а другите немалцински листи паднат под него, распределбата на „фрлените“ гласови може значително да влијае врз бројот на мандатите на двете најголеми листи. „Ipsos“, на пример, го става СПС на 3,2 отсто, но статистичкиот интервал за социјалистите е од 2,5 до 3,9 проценти – практично значи дека никој не може сигурно да каже дали партијата на Дачиќ ќе влезе во парламентот.

Третата непозната е колку прецизно класичните анкети успеваат да го измерат студентскиот електорат. Студентската листа е нов политички феномен, без изборна историја врз која анкетарите лесно би можеле да ги калибрираат своите модели. Ако постои поголема група млади и повремени гласачи што не се опфатени добро со традиционалните телефонски истражувања, студентите можат да бидат потценети. Обратното е исто така можно – силната поддршка за протестното движење не мора во целост да се претвори во гласови на избирачките места.

Вучиќ е фаворит, но нема сигурни 126 пратеници

Ако различните мерења се земат заедно, разумниот опсег во моментов би бил околу 43 до 46 отсто за листата на Вучиќ и 41 до 44 отсто за студентската листа. Тоа го прави Вучиќ благ фаворит да освои најмногу гласови, но не ја потврдува со сигурност предноста од 7,4 процентни поени што ја покажува последниот „Ipsos“. Многу пореална изгледа можноста изборите да завршат со разлика од неколку процентни поени.

А најголемата неизвесност може да почне дури откако ќе се пребројат гласовите. Во Собранието на Србија има 250 пратеници и за мнозинство се потребни 126. Последниот агрегатен модел на „Изборни монитор“ на листата на Вучиќ ѝ дава само 8,4 отсто шанси самостојно да стигне до таа бројка. Затоа в недела навечер нема да биде доволно да се види само кој освоил најмногу гласови. Ќе треба да се следи и кој го поминал цензусот, колку гласови останале под него и, конечно, кој може да собере 126 пратеници за нова влада.

The post МРТВА ТРКА ИЛИ УБЕДЛИВА ПОБЕДА НА ВУЧИЌ? Анкетите даваат различни бројки, в недела во Србија неизвесна изборна битка appeared first on plusinfo.mk.

Европската Унија ги повика српските власти да ја прекинат практиката на доделување државјанство по забрзана или поедноставена постапка на граѓани од земји што претставуваат ризик од нелегална миграција или безбедносна закана за ЕУ, меѓу кои е и Русија.

Ова го изјави портпаролот на Европската комисија за Радио Слободна Европа (РСЕ), коментирајќи ја неодамнешната посета на српскиот министер за внатрешни работи, Ивица Дачиќ, на Русија. Прашањето за доделување државјанство е во надлежност на Министерството за внатрешни работи на Србија.

Според портпаролот, Европската комисија е запознаена со официјалната посета на Дачиќ на Москва минатата недела, за време на која тој најави продолжување на интензивната соработка меѓу министерствата за внатрешни работи на двете земји.

Посетата се одржа само една недела пред вонредните парламентарни избори во Србија, закажани за 25 октомври.

Портпаролот на Европската комисија истакна дека ставот на Брисел кон партнерите, вклучително и кон земјите кандидати за членство во ЕУ, како што е Србија, отсекогаш бил јасен.

– Односите со Русија не можат да бидат нормални, ниту со режимот на Путин, ниту во сенка на неиспровоцираната и неоправдана војна на агресија на Русија против Украина – изјави портпаролот на ЕК.

Тој додаде дека Брисел сака да може да смета на Србија како на сигурен европски партнер во однос на заедничките принципи, вредности, безбедноста и просперитетот. Според него, Србија треба да ја убеди ЕУ во својата стратешка посветеност кон европскиот пат.

– Затоа, Србија треба, како приоритет, да ги засили напорите за постепено усогласување со ставовите на Заедничката надворешна и безбедносна политика на ЕУ, вклучително и со санкциите против Русија – рече портпаролот на Европската комисија.

Тој нагласи дека Србија треба да се воздржи и од постапки и изјави што се во спротивност со надворешнополитичките позиции на Европската Унија.

Преговорите за пристапување на Србија во ЕУ се во застој речиси пет години. Последниот кластер во преговорите за членство земјата го отвори во декември 2021 година, пренесе Бета.

The post ЕУ ЈА ПРЕДУПРЕДИ СРБИЈА ПОРАДИ РУСИЈА Брисел бара прекин на забрзаното доделување државјанства appeared first on plusinfo.mk.

Претседателот на Социјалистичката партија на Србија (СПС), Ивица Дачиќ, најави дека ќе се кандидира за претседател на Србија и порача дека оди на победа доколку биде кандидат на претстојните претседателски избори.

На централниот предизборен митинг на коалицијата „Ивица Дачиќ – Фактор на стабилноста“, одржан во Белградската арена пред 20.000 луѓе, тој ги повика гласачите да ја поддржат неговата листа и на парламентарните избори.

– Затоа, ова не се само парламентарни избори. Кој сака јас да бидам кандидат за претседател, треба да гласа за нас и на парламентарните избори, за листата со број два – рече Дачиќ.

Во својот говор, тој оцени дека студентската листа претставува „најголема пречка за факторот на стабилноста“, истакнувајќи дека е помлад од 73 кандидати на таа листа.

Според соопштението на СПС, Дачиќ во таа прилика најави и измени на Законот за работни односи.

Зборувајќи за полицијата, тој порача дека е на нејзина страна и најави нови вработувања во полициските редови.

The post ИВИЦА ДАЧИЌ НАЈАВИ КАНДИДАТУРА ЗА ПРЕТСЕДАТЕЛСКИТЕ ИЗБОРИ ВО СРБИЈА „Одам на победа“ appeared first on plusinfo.mk.

Пет лица се уапсени низ Србија, а против уште едно е поднесена кривична пријава во продолжението на полициската акција „Армагедон“. Акцијата била насочена против сексуалната експлоатација и злоупотребата на деца преку интернет.

Истражителите се сомневаат дека осомничените подолг период преземале, чувале и споделувале фотографии и видеоснимки поврзани со сексуална експлоатација на деца. Дел од нив, според сомневањата, оделе и чекор понатаму – отворале лажни профили на социјалните мрежи за директно да контактираат со малолетници, пишуваат српските медиуми.

Преку тие профили им испраќале недозволени содржини и се обидувале да добијат експлицитни материјали, соопшти српскиот министер за внатрешни работи Ивица Дачиќ.

Акцијата е спроведена по налог на Вишото јавно обвинителство во Белград, преку Посебното одделение за борба против високотехнолошки криминал. Во претресите и апсењата учествувале полициски единици од Белград, Прокупље, Суботица и Сремска Митровица, како и граничната полиција.

При проверката на компјутерите, мобилните телефони и другата електронска опрема била пронајдена поголема количина материјали поврзани со злоупотреба на малолетници, како и комуникација со сексуална содржина.

Во еден од случаите истражителите се сомневаат дека осомничен преку лажни профили воспоставил контакт со дете, од кое барал и добил експлицитни фотографии.

На петтемина уапсени им е определено полициско задржување до 48 часа, по што треба да бидат спроведени пред надлежното обвинителство. Против шестото лице е поднесена кривична пријава.

Дачиќ соопшти дека истрагата продолжува за да се утврдат целосниот обем на активностите и сите околности во случајот.

Тој предупреди дека ваквите фотографии и снимки не треба да се споделуваат, бидејќи зад секоја од нив стои дете кое било жртва на злоупотреба.

Српското МВР ги повика родителите и старателите да разговараат со децата за опасностите на интернет и да ги охрабрат веднаш да пријават вознемирувачки пораки или барања за интимни фотографии.

The post СТИГНУВАЛЕ ДО ДЕЦА ПРЕКУ ЛАЖНИ ПРОФИЛИ Петмина уапсени во акцијата „Армагедон“ низ Србија appeared first on plusinfo.mk.

Во станот каде што престојувала осомничената биле пронајдени и 43 литри амфетаминско масло, пет килограми хашиш, кофеин и 2.800 евра

Српската полиција запленила голема количина наркотични средства и суровини за нивно производство при претрес на стан во Сремска Митровица, а во акцијата е уапсена 28-годишната М. К., соопшти српскиот вицепремиер и министер за внатрешни работи Ивица Дачиќ.

Меѓу запленетото има околу 180 килограми марихуана, 18 килограми кокаин, 43 литри амфетаминско масло и околу пет килограми хашиш.

Полицијата пронашла и 11 килограми кофеин, за кој од МВР наведуваат дека се користи како суровина во производството на амфетамин.

Акцијата ја спровеле припадници на Министерството за внатрешни работи, Управата за криминалистичка полиција, Службата за борба против организиран криминал и Одделот за сузбивање на организиран шверц со дрога, во соработка со Одделот за специјални дејствија и Вишото јавно обвинителство во Сремска Митровица.

– Припадниците на МВР ја уапсија М. К. (28), под сомнение дека сторила кривично дело неовластено производство и дистрибуција на наркотични дроги – изјави Дачиќ.

Според српското МВР, претресот бил извршен во стан во кој осомничената престојувала без пријавено живеалиште.

Освен наркотиците и суровините, полицијата пронашла и две електронски ваги за прецизно мерење, како и 2.800 евра.

Вкупната количина на запленети средства и суровини укажува на значителна операција поврзана со нелегална трговија и производство на дрога, соопштија надлежните.

На М. К. ѝ е одреден притвор до 48 часа, по што ќе биде приведена во надлежното обвинителство во Сремска Митровица, каде што ќе биде спроведена со кривична пријава.

Истрагата треба да ги утврди потеклото на запленетата дрога, нејзината намена и евентуалната поврзаност на осомничената со други лица.

The post ЗАПЛЕНЕТИ 180 КИЛОГРАМИ МАРИХУАНА, 18 КИЛОГРАМИ КОКАИН… Голема акција на српската полицијата, приведена 18 годишна жена appeared first on plusinfo.mk.

Министерот за внатрешни работи на Србија, Ивица Дачиќ, пушти видео со иритирачки пискав звук и рече дека така звучи звучен топ, за време на вонредната седница на Парламентот на која се дискутира за доверба на Владата.

Потегот предизвика бура меѓу пратениците.

Дачиќ рече дека звучниот топ е од американско производство и додаде дека една од неговите функции е да може да се користи за време на немири. Потоа пушти видео со звучен топ од својот мобилен телефон.

– Тоа е звучен топ, тоа е звучен топ – повтори Дачиќ додека остриот звук се пробиваше низ салата на парламентот, што предизвика незадоволство кај пратениците од опозицијата.

Predsednik Socijalističke partije Srbije Ivica Dačić, tokom današnje sednice Skupštine Srbije, na kojoj poslanici raspravljaju o predlogu za glasanje o nepoverenju Vladi, pustio je zvuk u sali za koji tvrdi da je pravog zvučnog topa. “Ovo je zvučni top. U Srbiji nikada nije… pic.twitter.com/RmKjhb9fla

— TV N1 Beograd (@n1srbija) July 27, 2026

Потоа збор зеде Ана Брнабиќ, претседателката на Парламентот.

– Извинете, но за што точно се работи сега? И во што точно е проблемот? Г-дин Алексиќ го спомена звучниот топ. Г-дин Алексиќ зборуваше за звучниот топ како една од причините зошто не треба да се верува на оваа влада. Што ве мачи сега што министерот за полиција им дозволува на граѓаните да го слушнат звукот на звучниот топ и да видат дека никој не слушнал таков звук на тој познат протест. Со тоа му одговара на Мирослав Алексиќ. Ако не ви се допаѓа одговорот, не поставувајте прашања – им рече Брнабиќ пратениците од опозицијата.

Дачиќ рече дека пуштил видео од употребата на звучен топ во Питсбург, на состанокот на Г20 во Америка.

Пратеникот Мирослав Алексиќ денеска 4 часа го презентираше својот предлог за гласање недоверба на Владата.

Опозицијата и студентите со месеци ги обвинуват српските власти дека во Нови Сад на протест во март минатата година, за време на молкот со кои им се оддаваше 15-минутна почит на жртвите од несреќата со натсрешницата, полицијата употребила звучен топ.

The post 🎥 „ОВА Е ЗВУЧЕН ТОП“ Министерот Дачиќ пушти звук од звучен топ во српскиот парламент appeared first on plusinfo.mk.

Министерот за внатрешни работи Панче Тошковски, заедно со претседателот на Републичкиот совет за безбедност на сообраќајот Горан Ангеловски, денеска на граничниот премин Табановце, заедно со министерот за внатрешни работи на Србија Ивица Дачиќ и вршителот на должност директор на Агенцијата за безбедност во сообраќајот на Србија Бранко Стаматовиќ, официјално ја означија првата заедничка превентивна кампања „Вози одморен“.

Кампањата има цел да ја подигне свеста кај возачите за опасностите од замор зад воланот, особено во екот на летната туристичка сезона кога значително се зголемува сообраќајот на Коридорот 10, од граничниот премин Табановце до граничниот премин Богородица.

Во своето обраќање, Тошковски истакна дека оваа заедничка превентивна акција е уште една потврда за успешната соработка меѓу двете соседни и пријателски држави.

– Заедно со нашите колеги од Србија испраќаме силна порака дека превенцијата е најдобриот начин за заштита на човечките животи. Возачите кои во овие жешки денови тргнуваат на подолги патувања треба да бидат одморени и во текот на патувањето да прават пауза на секои два до три часа, во траење од најмалку 15 минути. Потребно е да внесуваат доволно вода, да ги почитуваат сообраќајните правила, особено ограничувањата на брзината. Најголем дел од сообраќајните несреќи се случуваат поради замор на возачите или поради пребрзо возење. Затоа сметам дека ова е исклучително важна кампања, бидејќи човечкиот живот нема цена. Ако успееме да спасиме барем еден живот, тоа ќе биде успех за сите нас – истакна Тошковски.

Министерот потсети дека со воведувањето на системот „One Stop“ со Србија, времето на чекање на граничниот премин Табановце е значително намалено.

– Од неколкучасовни задржувања, денес чекањето е сведено на најмногу половина час, иако бројот на патници е зголемен за 15 до 20 проценти – рече Тошковски.

Тој упати апел до сите возачи кои транзитираат по Коридорите 8 и 10 низ Македонија, нагласувајќи дека системот „Безбеден град“ е целосно функционален и ги евидентира сите сообраќајни прекршоци.

– Секој прекршок сторен по 1 февруари 2026 година, од пуштањето на системот во функција, ќе биде евидентиран и санкциониран, без разлика дали возилото има македонски или странски регистарски таблички. Наскоро ќе започне и вториот чекор од системот, кој предвидува доставување на казните и до возачите со странски регистарски таблички, а токму овој граничен премин ќе биде меѓу првите каде што тоа ќе се применува – нагласи Тошковски.

Министерот за внатрешни работи на Србија, Ивица Дачиќ, оцени дека заедничката иницијатива е пример за успешна регионална соработка во интерес на безбедноста на сите учесници во сообраќајот.

Тој ја потенцираше одличната соработка меѓу двете министерства и полициски служби во сите области на безбедноста.

– Наш приоритет е да биде спасен секој човечки живот, особено животот на најмладите. Затоа апелираме до сите возачи да патуваат одморени и одговорно, особено кога тргнуваат на долги летни патувања – порача Дачиќ.

Во рамките на кампањата, на возачите кои минуваа низ граничниот премин Табановце им беа поделени шишиња вода, едукативни летоци со совети за безбедно возење и промотивен материјал со препораки за спречување на сообраќајни незгоди предизвикани од замор.

Од Министерството посочуваат дека оваа превентивна акција е дел од заедничките напори на македонските и српските институции за намалување на бројот на сообраќајни несреќи и заштита на животот и здравјето на сите учесници во сообраќајот за време на летната сезона.

The post 📽️ ТОШКОВСКИ И ДАЧИЌ ОД ТАБАНОВЦЕ ЈА ПОЧНАА КАМПАЊАТА „ВОЗИ ОДМОРЕН“ Македонија и Србија со нова кампања за спасување животи appeared first on plusinfo.mk.

Министерот за внатрешни работи на Србија, Ивица Дачиќ, соопшти дека 23 лица биле приведени доцна синоќа по инцидентите што избувнаа по студентскиот протест во Белград, при што биле нападнати и полициски службеници.

На прес-конференција, Дачиќ изјави дека полицијата реагирала со „минимална употреба на средства за принуда“, и тоа дури откако биле нападнати од групи демонстранти. Според него, во инцидентите имало и повредени полицајци.

pic.twitter.com/NAHNCDmueW

— Luka Pesic (@LukaPes13010586) May 23, 2026

Тој нагласи дека и покрај претходните апели протестот на плоштадот Славија да помине мирно, јавниот ред и мир биле сериозно нарушени.

– Се случија неиспровоцирани напади врз полицијата – изјави Дачиќ.

Во меѓувреме, српскиот претседател Александар Вучиќ оцени дека студентите во блокада „ја покажале својата насилна природа“, а не политичка програма.

Hapšenje mladića kod Beograđanke pic.twitter.com/DQcmxEveCQ

— zoomer (@zoomer_rs) May 23, 2026

Во видео порака објавена на Инстаграм, Вучиќ порача дека насилството испраќа лоша слика за Србија во светот.

– По вечерашното насилство од страна на блокадерите на улиците на Белград, уште еднаш ги повикувам на дијалог – изјави Вучиќ.

Протестот, организиран од студентите во блокада, започна мирно во центарот на Белград и траеше од околу 18 до 20 часот. На собирот присуствуваа десетици илјади граѓани, а студентите презентираа дел од својата програма поврзана со образованието, економијата, правдата и институционалните реформи.

Hapšenje kod SKC-a, ceo kordon oko mladića koji je na podu. pic.twitter.com/H4hxc97vfS

— Mašina (@MasinaRS) May 23, 2026

Инцидентите избувнаа околу половина час по завршувањето на главниот дел од протестот, во близина на Пионирски парк. Според српските власти, мала група маскирани лица фрлала пиротехнички средства и други предмети кон полицијата, по што следувала интервенција.

Од друга страна, студентите во блокада тврдат дека десетици лица биле претепани и приведени, а неколку студенти завршиле во Ургентниот центар и во полициски станици.

Вишото јавно обвинителство во Белград соопшти дека сите лица кои нападнале полицајци ќе бидат идентификувани и кривично гонети.

Во јавноста се појавија и различни проценки за бројот на присутни на протестот. Директорот на српската полиција, Драган Васиљевиќ, изјави дека на протестот имало околу 34.300 граѓани.

Сепак, организацијата Архив на јавни собири соопшти дека според нивните анализи, собирот бил „меѓу најголемите студентски собирања досега“ и предупреди на можни манипулации со бројките.

ЕДЕН ОД НАЈГОЛЕМИТЕ СОБИРИ ВО СРБИЈА Студентите во блокада побараа предвремени избори

The post 📽️ ХАОС ПО СТУДЕНТСКИОТ ПРОТЕСТ ВО БЕЛГРАД Приведени 23 лица, полицијата интервенираше по судирите appeared first on plusinfo.mk.

Претседателот на Србија, Александар Вучиќ, изјави дека утрово е малку подобра состојбата на министерот за внатрешни работи, Ивица Дачиќ, кој вчера беше примен во болница со тешко воспаление на белите дробови и е во тешка здравствена состојба, интубиран и на респиратор.

Вучиќ го посети Дачиќ утрово пред да замине за Казахстан, а на Инстаграм од авионот напиша дека лекарите велат дека на Дачиќ му е нешто подобро и оти верува во него.

„Го посетив Ивица утрово и Дачиќ е подобро, тоа е добра вест, секако претпазливост е и понатаму неопходна и ништо не е извесно, но подобро е, на радост на неговото семејство и на сите луѓе кои го сакаат“, рече Вучиќ во говорната порака објавена преку Инстаграм.

 

View this post on Instagram

 

A post shared by Aleksandar Vučić (@buducnostsrbijeav)

Потпретседателот на Владата на Србија и претседател на Социјалистичката партија на Србија, Ивица Дачиќ, вчера беше хоспитализиран на Клиниката за пулмологија при Клиничкиот центар на Србија поради тешко воспаление на белите дробови. Помошник-директорот за пулмологија, Спасоје Попевиќ, синоќа за Танјуг изјави дека ситуацијата е многу тешка и оти Дачиќ има тешка пневмонија и дека претстојните 72 часа ќе бидат клучни.

– Моментално е на механичка вентилација – респиратор, го добива сето она што е потребно, сите лекови, терапијата. Со тој респиратор, кој е начин на лекување, ние купуваме време кое е потребно за тие лекови да делуваат и се бориме за неговиот живот – рече Попевиќ.

Тој прецизираше дека министерот Дачиќ е хоспитализиран во 16:30 часот и додаде дека не може да дава никакви прогнози.

The post 📽️ „ДОБРА ВЕСТ, ДАЧИЌ Е МАЛКУ ПОДОБАР“ Вучиќ го посети министерот пред да замине за Казахстан appeared first on plusinfo.mk.