Претседателот на Русија Владимир Путин денеска пристигнува во дводневна официјална посета на Кина, каде ќе се сретне со кинескиот лидер Си Џинпинг.

Во Пекинг со него пристигнува и моќна руска делегација составена од министри, шефови на енергетски компании и високи функционери, меѓу кои и гувернерката на Руската централна банка, Елвира Набиулина.

Во делегацијата се и претставници на „Газпром“ и „Роснефт“.

„Мултиполарен светски поредок“

Според најавите од Кремљ, Путин и Си ќе разговараат и за регионални и глобални прашања.

Се очекува потпишување на заедничка декларација за „мултиполарен светски поредок“, како и десетици договори во индустријата, транспортот, трговијата и градежништвото.

Средбите се претставуваат како продолжение на „привилегираното стратешко партнерство“ меѓу Москва и Пекинг.

The AURUS vehicles of President Vladimir PUTIN’s motorcade have arrived in BEIJING.

Tomorrow marks a historic visit by the Russian president, during which XI JINPING and PUTIN are expected to adopt a joint declaration on building a multipolar world and a new type of… pic.twitter.com/kYDwD4thU5

— China pulse (@Eng_china5) May 18, 2026

THE “TEA-TIME” POWER PLAY:

Putin & Xi Set to Ink Global-Shifting Pacts in Beijing!

– President Vladimir Putin lands in Beijing today, greeted by FM Wang Yi. Tomorrow, the real heavy lifting begins at the Great Hall of the People with restricted and expanded summits… pic.twitter.com/dgFBoYFFmX

— RussiaNews (@mog_russEN) May 19, 2026

„Неспоредливо високо ниво“

Пред посетата, Путин испрати видео-порака до кинеските граѓани во која ги пофали односите меѓу двете држави.

– Радосен сум што повторно го посетувам Пекинг на покана на мојот долгогодишен пријател Си Џинпинг – порача Путин.

Рускиот претседател оцени дека односите меѓу Москва и Пекинг се на „неспоредливо високо ниво“.

– Нашето пријателство не е насочено против никого, туку кон мир и заеднички просперитет – изјави Путин.

Тој нагласи дека Русија и Кина сè поинтензивно соработуваат во политиката, економијата, одбраната и хуманитарната сфера.

ARCHIVE — Putin And Xi Hail “Everlasting” China-Russia Friendship In Beijing. pic.twitter.com/Vw2DGHNgm4

— Pamphlets (@PamphletsY) May 19, 2026

„200 милијарди долари“

Путин откри дека трговската размена меѓу двете земји веќе надминала 200 милијарди долари.

Според него, најголемиот дел од трансакциите веќе се реализираат во рубљи и јуани.

Рускиот лидер ја поздрави и безвизната размена меѓу двете држави, оценувајќи дека тоа ќе донесе дополнителен туристички и економски раст.

Гас, санкции и „Силата на Сибир 2“

Советникот на Кремљ, Јуриј Ушаков, најави дека енергетиката ќе биде една од главните теми на разговорите.

На маса ќе се најде и гасоводот „Силата на Сибир 2“, преку кој Русија сака дополнително да ги зголеми испораките на гас за Кина.

Кремљ отворено признава дека западните санкции поради војната во Украина ја направиле Кина уште поважен економски партнер за Москва.

„Путин ќе зажали за Украина“

Посетата на Путин доаѓа само неколку дена по средбата меѓу Си Џинпинг и американскиот претседател Доналд Трамп.

„Фајненшл тајмс“ објави дека Си за време на разговорите му рекол на Трамп дека Путин „можеби ќе зажали“ за инвазијата врз Украина.

Според извори на весникот, кинескиот лидер бил подиректен отколку во претходните разговори со американски претседатели кога станувало збор за војната.

Војната во Украина трае четврта година.

„Да работиме заедно против МКС“

Истиот извештај тврди дека Трамп предложил САД, Кина и Русија заеднички да се спротивстават на Меѓународниот кривичен суд (МКС).

Белата куќа официјално не ги коментираше тие информации.

Администрацијата на Трамп претходно повеќепати го обвинуваше МКС за политизација и пречекорување на надлежностите.

The post 📽️ ПОТПИС НА НОВИОТ ПОРЕДОК, СИБИР 2 И „НЕСПОРЕДЛИВО НИВО“ Путин стигна кај Џинпинг 4 дена откако замина Трамп appeared first on plusinfo.mk.

Последната недела од изборната кампања во Унгарија беше засенета од безбедносен инцидент поврзан со гасоводот што ја поврзува земјата со Србија. Претседателот Александар Вучиќ соопшти дека во близина на трасата е пронајдена поголема количина експлозив, што предизвика реакции во двете држави.

Независни унгарски новинари посочуваат дека веќе извесно време се дискутира за можноста надворешни фактори да се обидат да влијаат врз изборниот процес. Дел од медиумите во Унгарија наведуваат дека безбедносни експерти претходно предупредиле на потенцијална операција под лажно знаме насочена кон критична инфраструктура од унгарски интерес.

По објавата, премиерот Виктор Орбан свика итен состанок на Советот за одбрана, по што беше одлучено да се засили обезбедувањето на делот од гасоводот Турски тек што минува низ унгарска територија. Орбан изјави дека во инцидентот нема повредени и дека бил спречен можен акт на саботажа.

Во видео објавено на неговиот профил на Фејсбук, Орбан му се заблагодари на Вучиќ за, како што рече, брзиот одговор. Следниот ден, тој повторно се огласи со порака дека заминува кон унгарско-српската граница за да ја провери состојбата на терен.

– Велигденски понеделник, 6 часот наутро. Наместо да полеваме, одиме на унгарско-српската граница. Вчера се обидоа да го дигнат во воздух гасоводот од српска страна. Проверуваме дали сè е во ред од унгарска страна. Ќе известувам во живо за развојот на настаните – рече Орбан.

Во меѓувреме, опозицијата во Унгарија реагираше обвинувајќи дека станува збор за политички потег поврзан со изборната кампања, тврдејќи дека инцидентот се користи за мобилизација на гласачите.

Премиерот Орбан по обиколката на почетокот на унгарскиот дел од гасоводот „Турски тек“ во Кишкундорошма, во областа Сегедин, изјави дека ситуацијата е исклучително сериозна и дека засега снабдувањето со гас на Унгарија не е загрозено, но дека треба да се биде многу внимателен.

– Ситуацијата е исклучително сериозна. Претходно разговаравме за нафтата, бевме под блокада. Ќе го надоместиме тоа од друго место, но гасоводот е уште поголема артерија – рече Орбан на прес-конференција во Кишкундорошма, каде што е зголемена воената заштита на унгарскиот дел од „Турски тек“ и каде што врши инспекција на инфраструктурата откако вчера беа пронајдени експлозиви на српскиот дел од гасоводот, пренесува „Маѓар немзет“.

Тој потсети дека гасоводот веќе бил блокиран претходно поради што е и изграден „Турски тек“.

– Моментно сме под украинска гасна блокада, но можеме да ја надоместиме загубата од југ. Ако таа папочна врвца се пресече, унгарската економија ќе престане – рече унгарскиот премиер.

Како што истакна, „засега, снабдувањето со гас за Унгарија не е загрозено, но мора да бидеме многу внимателни“.

The post 📽️ 6 НАУТРО, СРПСКА ГРАНИЦА, ЌЕ ГО ПРОВЕРИМЕ ГАСОВОДОТ Орбан лично тргна да ја проверува состојбата appeared first on plusinfo.mk.

Моќниот експлозив пронајден во близина на гасоводот во Србија што транспортира руски гас до Унгарија предизвика политичко внимание во Унгарија во чувствителен момент, неколку дена пред парламентарните избори.

Унгарскиот премиер Виктор Орбан изјави дека српскиот претседател Александар Вучиќ го информирал по телефон за откритието, кое, според нив, се случило пред градот Кањижа, во близина на унгарската граница со Србија.

Поранешен унгарски разузнавачки службеник изјави за Ројтерс дека во последните денови во унгарските безбедносни кругови имало дискусии за прецизен план за операција „лажно знаме“ за влијание врз гасовод во Србија, како дел од обидот да се влијае врз унгарските избори.

-Можеме да достигнеме точка, драматуршки момент, кога ќе биде сосема веродостојно за јавноста дека, на пример, некоја унгарска агенција за спроведување на законот или армијата ќе најде експлозивна направа покрај критична инфраструктура. Значи, тие наоѓаат таква експлозивна направа, го гледаат чудото, некаков „украински“ текст на неа, кој не е толку тешко да се добие од советско време, ја кријат, па дури и ја внесуваат во земјата – вели Петер Бода.

Андраш Рац, експерт за Русија, објави статија на 2 април во која наведува дека не е исклучено таков лажен напад да биде извршен во Србија.

Лидерот на партијата Тиса, Петер Маѓар, исто така, фрли сомнеж врз изјавите на лидерите, велејќи дека тие се чини дека се насочени кон подобрување на изборните изгледи на Орбан.

– Неколку луѓе јавно посочија дека нешто „случајно“ ќе се случи на гасоводот во Србија на Велигден, една недела пред унгарските избори. И така се случи- изјави Маѓар.

Слични сомнежи изрази  и украинското Министерство за надворешни работи откако унгарскиот министер за надворешни работи Петер Сијарто го впери прстот кон Украина.

Киев „решително ги отфрла обидите за поврзување на Украина со експлозиви пронајдени во Србија во близина на гасоводот Турски тек“, рече портпаролот на украинското Министерство за надворешни работи, Георгиј Тихи.

Во објава на X, портпаролот рече дека Украина нема никаква врска со таа операција.

„Ова најверојатно е руска операција под лажно знаме, дел од поширокото мешање на Москва во унгарските избори“, додаде тој.

We categorically reject attempts to falsely link Ukraine to the incident with explosives found near the Turkstream pipeline in Serbia. Ukraine has nothing to do with this. Most probably, a Russian false-flag operation as part of Moscow’s heavy interference in Hungarian elections.

— Heorhii Tykhyi (@SpoxUkraineMFA) April 5, 2026

The post ИМА ЛИ ВРСКА ЕКСПЛОЗИВОТ ПРОНАЈДЕН ВО СРБИЈА СО УНГАРСКИТЕ ИЗБОРИ? Поранешен унгарски разузнавач вели – со денови се зборуваше за лажен напад врз гасовод во Србија appeared first on plusinfo.mk.

Унгарскиот премиер Виктор Орбан свика вонредна седница на Советот за одбрана за денеска попладне откако српските власти пронајдоа експлозиви и средства за нивно активирање на критичната гасна инфраструктура што ги поврзува Србија и Унгарија.

Орбан објави на својата страница на социјалните мрежи дека имал телефонски разговор со српскиот претседател Александар Вучиќ.

„Тукушто го завршив телефонскиот разговор со српскиот претседател Александар Вучиќ. Српските власти пронајдоа моќна експлозивна направа и средства за нејзино активирање на критичната гасна инфраструктура што ги поврзува Србија и Унгарија. Истрагата е во тек. Свикав вонреден совет за одбрана за денеска попладне“, напиша Орбан на својот Фејсбук профил.

Вучиќ денеска разговараше со Орбан за првите резултати од истрагата на српските воени и полициски власти во врска со заканата за критичната гасна инфраструктура што ги поврзува Србија и Унгарија и објави дека се пронајдени експлозиви со разорна моќ и фитили потребни за нивно активирање.

„Нашите единици пронајдоа експлозиви со разорна моќ и фитили потребни за нивно активирање. Го информирав премиерот Орбан дека ќе го информираме за понатамошниот тек на истрагата“, изјави Вучиќ претходно денеска на Инстаграм профилот „buducnostsrbijeav“.

The post ОРБАН СВИКА ВОНРЕДНА СЕДНИЦА НА СОВЕТОТ ЗА ОДБРАНА Откриените експлозиви на гасоводот кон Србија ја вознемирија Будимпешта appeared first on plusinfo.mk.

Претседателот на Србија, Александар Вучиќ, изјави дека во близина на гасната инфраструктура што ги поврзува Србија и Унгарија, српските безбедносни единици пронашле експлозив со разорна моќ.

„Тукушто завршив телефонски разговор со унгарскиот премиер Виктор Орбан, во кој го информирав за првите резултати од истрагата на нашите воени и полициски власти, во врска со загрозувањето на критичната гасна инфраструктура што ги поврзува Србија и Унгарија“, напиша Вучиќ на Инстаграм.

„Нашите единици пронашле експлозиви со разорна моќ и детонациски штапини потребни за активирање. Му кажав на премиерот Орбан дека ќе го информираме за понатамошниот тек на истрагата“ – напиша Вучиќ.

The post ОТКРИЕН ПОДМЕТНАТ ЕКСПЛОЗИВ НА ГАСОВОДОТ СРБИЈА-УКРАИНА!? Вучиќ го алармирал Орбан appeared first on plusinfo.mk.

Владата на Унгарија со декрет го прогласи за приоритетен инвестициски проект нафтоводот Унгарија-Србија со што ги забрза административните процедури и работи.

Владата сака поблиска хармонизација на пазарите на енергија и гориво на Унгарија, Србија и Словачка, што, според нејзината проценка, би резултирало со постабилен пазар и помала зависност од надворешни притисоци.

„Најновата одлука не е само административен чекор. Статусот на приоритетен инвестициски проект е јасен сигнал дека Владата го смета унгарско-српскиот нафтовод за стратешки проект што би можел да игра клучна улога во намалувањето на зависноста на Унгарија од надворешни фактори“, пишува порталот ungarnheute.hu..

Целта е системот да работи со полн капацитет во 2027 или 2028 година и снабдувањето со нафта во регионот да се постави на нова основа.

Унгарија се снабдува со руска нафта преку „Дружба“, но дел од нафтоводот што минува низ територијата на Украина беше оштетен во јануари од руските напади, што предизвика спор меѓу Будимпешта и Киев и Европската Унија.

The post УНГАРИЈА ЈА ЗАБРЗУВА ИЗГРАДБАТА НА НАФТОВОДОТ СО СРБИЈА Проектот треба да биде завршен до 2028 година appeared first on plusinfo.mk.

Унгарија размислува да го прекине извозот на електрична енергија и гас во Украина ако Киев продолжи да не испорачува нафта за Будимпешта преку нафтоводот „Дружба“, изјави на денешниот брифинг шефот на кабинет на премиерот Виктор Орбан, Гергели Гуљас.

Тој посочи и дека владата на Унгарија на барање на рафинеријата МОЛ отстапи стратешки нафтени резерви.

Унгарија и Словачка се единствените земји членки на Европската Унија чии рафинерии користат руска нафта доставена преку нафтоводот „Дружба“. Но, испораката на нафта беше прекината на 27 јануари откога Украина извести дека нафтоводот е оштетен при руски напад со дронови.

И владата на Словачка вчера одобри заем од 250.000 тони од државните нафтени резерви.

Унгарија и Словачка ја обвинуваат Украина дека ја пролонгира испораката на нафта поради политички причини и вчера најавија стопирање на извозот на дизел во Киев.

Гуљас посочи дека Унгарија и Словачка ги координираат евентуалните мерки против Украина.

– Ќе има и понатамошни противмерки ако владата на Украина не ја смени својата одлука и продолжи да ја стопира испораката на нафта преку „Дружба“ – посочи Гуљас.

Тој ги повтори обвинувањата дека Украина се обидува да влијае врз парламентарните изборите во Унгарија, што се закажани на 12 април.

Унгарија и Словачка учествуваа со 68 отсто во увозот на електрична енергија во Украина овој месец, според податоците од консултантската компанија „Експро“ (ExPro) со седиште во Киев. Унгарија, исто така учествува со речиси една третина од тековниот увоз на гас во Украина, според податоците на украинскиот операторот за транзит на гас.

The post „ДРУЖБА“ СОСЕМА ИМ ЈА РАСИПА ДРУЖБАТА Унгарија ќе го запре извозот на струја и на гас за Украина? appeared first on plusinfo.mk.

Со пристигнувањето на првите пратки цевки од реномираниот европски производител „Corinth pipeworks“, изградбата на гасниот интерконектор влегува во нова, значајна фаза на теренска реализација, информира АД за вршење на енергетски дејности „Номагас“.

„Овој чекор означува почеток на поинтензивни градежни активности за еден од најзначајните капитални проекти во државата. Изведбата на ваков стратешки инфраструктурен зафат подразбира сложени и повеќеслојни процеси кои вклучуваат тесна координација со сите надлежни државни и локални институции, целосно усогласување со законските процедури и меѓународните регулативи, бескомпромисно почитување на највисоките стандарди за безбедност при работа, како и заштита на животната средина и зачувување на културното наследство по должината на трасата“, соопшти државната компанија.

Овој проект не е само инфраструктурен зафат, туку столб на идната енергетска независност, се додава во соопштенито.

„Номагас останува целосно посветена на транспарентна соработка и ефикасна реализација во предвидените рокови“, велат од менаџментот на компанијата.

Изградбата на интерконекторот со Грција има стратешко значење за енергетската стабилност на Македонија и на регионот. Со неговото ставање во функција, државата обезбедува диверзификација на изворите на снабдување со природен гас, поголема конкурентност на пазарот и долгорочна енергетска одржливост за индустријата и граѓаните, се додава во соопштението од „Номагас“.

The post ПРИСТИГНАА ПРВИТЕ ЦЕВКИ ЗА ГАСНИОТ ИНТЕРКОНЕКТОР Поинтензивно ќе се гради стратешкиот инфраструктурен проект appeared first on plusinfo.mk.

Изградбата на новиот гасовод долг 243 километри, кој треба да овозможи пренос на американски гас од  Хрватска во Босна и Херцеговина  почнува следната година.

Проектот е вреден 270 милиони евра и е еден од најголемите американски проекти во  овој регион.

Станува збор за гасоводот Јужна интерконекција, кој ќе овозможи проток на американски течен природен гас (LNG) во Босна и Херцеговина од терминалот за LNG  на островот Крк во Хрватска.

Хрватскиот оператор „Плинакро“ планира да инвестира околу 169 милиони евра за вкупно 74 километри.

На територијата на Босна и Херцеговина, трасата е долга 169 километри, а вредноста на работите се проценува на околу 100 милиони евра. Гасоводот ќе влезе во БиХ во близина на Посушје и ќе има два крака кои ќе носат гас кон  Херцеговина и кон Централна Босна.

Планираниот капацитет за интерконекција е до 1,5 милијарди кубни метри гас годишно.

Со години, најголемиот проблем во БиХ беше политичкиот спор околу тоа кој ќе го гради и управува со гасоводот. Пред десет дена, конечно беше пронајдено решение гасоводот да го гради и управува американска компанија, што е модел кој се чини дека е прифатлив за сите страни.

Лидерите во Босна и Херцеговина дадоа принципиелна согласност и се обврзаа да продолжат со деталните технички дискусии. Планот е изградбата да започне следната година.

Босна и Херцеговина ја разгледува и опцијата за набавка на гас и од други земји извозници, вклучувајќи го и Азербејџан, преку Јужната интерконекција.

Ова ќе биде можно кога ќе се изгради целиот Јадранско-јонски гасовод, кој ќе се поврзе со таканаречениот Трансјадрански гасовод во Грција преку Хрватска, Црна Гора и Албанија.

The post АМЕРИКАНСКИ ТЕЧЕН ГАС ЌЕ ПОТЕЧЕ И ВО БОСНА И ХЕРЦЕГОВИНА Гасоводот и поврзувањето со Хрватска ќе ги гради американска компанија appeared first on plusinfo.mk.

Македонските граѓани и компании не треба да бидат загрижени дека ќе секне снабдувањето со гас, изјави денес министерката за енергетика Сања Божиновска.

Вчера, 20 октомври, Советот на Европската Унија го поддржаа предлогот за укинување на увозот на рускиот природен гас од 1 јануари 2026 година, но дека ќе има преоден период за склучените договори.

Краткорочните договори склучени пред 17 јуни 2025 година можат да продолжат до 17 јуни 2026 година, додека долгорочните договори можат да важат до 1 јануари 2028 година.

– Ние имаме долгорочен договор, што значи не важи одлуката за укинување на рускиот гас од 1 јануари 2026-та. Македонија троши 500.000 кубни метри и тоа не е некоја голема количина. Додека да престанат да важат долгорочните договори, би требал да биде готов гасоводот со Грција и не би требало да имаме проблеми. За сите оние кои немаат решение за гасот, алтернативни решенја ќе се бараат на ниво на Европската унија. Секако, нема да останеме без гас – изјави министерката Божиновска.

Гасот за скопјани е особено важен затоа што најголем дел од централното греење доаѓа од когенеративната гасна централа ТЕ-ТО.

Засега гас имаме само од гасоводот од Бугарија.

И во случај ако не го направиме гасоводот и не работи Александропулис  потенцираше дека не треба да се грижиме и оти нема да останеме без гас.

– Ќе има  решение на ниво на ЕУ, секако дека никој нема да не остави без гас, бидејќи тоа е исто и за Европа и за сите држави и не треба да не загрижува. Ние сме многу мали во однос на тоа што го трошат сите, рече Божиновска.

Таа потврди дека државава уредно ги плаќа фактурите за годишен закуп на капацитет во новиот терминал во Александрополис иако не работи.

– Можам да ги прашам колегите во ЕСМ, колку што знам не работеше, а ние ги плаќаме уредно  фактурите, кривични пријави беа поднесени и немаме инфорација дека нешто  е процесуирано. Се плаќаат 250.000 евра месечно, тоа е договор склучен на 15 години и мора да се плаќа – рече Божиновска.

Како што посочи, времето ќе покаже дали се плаќа за бадијала.

– Тоа треба да се види сега засега плаќаме нешто што ниту сме можеме да го користиме, ниту годинава ќе го користиме. Има ангажирано правни служби кои работат на тоа. Според тоа што е потпишано не може да се раскине договорот – рече Божиновска. 

The post НЕМА ОПАСНОСТ ДА НИ БИДЕ СОПРЕН ГАСОТ, ВЕЛИ БОЖИНОВСКА Македонија има долгорочен договор, до тогаш треба да профункционира гасоводот со Грција appeared first on plusinfo.mk.