Сè повеќе богати поединци ги избираат Италија, Грција и Швајцарија како нови места за живеење и водење бизнис. Европските дестинации што традиционално ги избираат милијардерите – како што се Обединетото Кралство, Германија и Франција – сега се соочуваат со егзодус на богати жители, се наведува во новото истражување од консултантската фирма Henley & Partners.

За разлика од претходните години, извештајот повеќе не го следи само бројот на богати поединци кои се селат од една земја во друга, туку воведува индекс на конкурентност за мобилност на богатството. Земјите се оценуваат на скала од 0 до 100 според критериуми како што се даночен систем, владеење на правото, квалитет на живот, политичка стабилност и деловно опкружување.

На врвот на европската ранг-листа е Кипар со резултат од 73,5. Следат Холандија (72,8), Португалија (72,5) и Италија (72,3).

Швајцарија го освои петтото место со резултат од 70,8, додека Грција е шеста со 70,5 поени.

Иако Кипар, Холандија и Португалија имаат повисоки вкупни резултати, авторите на извештајот истакнуваат дека токму Италија, Грција и Швајцарија во моментов го привлекуваат вниманието на богатите имигранти.

Во последниве години, Италија се профилираше како една од најпосакуваните дестинации за богатите странци благодарение на поволниот даночен режим за новите жители, релативно благиот данок на наследство и пристапот до единствениот европски пазар.

Се издвојува Милано, кој сè повеќе се развива во финансиски центар и база за таканаречените семејни канцеларии, односно организации кои управуваат со богатството на најбогатите семејства.

Според извештајот, Грција е еден од најголемите победници на неодамнешните промени на пазарот за инвестициска миграција. Откако Шпанија ги укина таканаречените златни визи, а Португалија ги ограничи програмите поврзани со купување недвижности, дел од интересот на богатите инвеститори се префрли на Грција.

Швајцарија продолжува да привлекува богати поединци кои бараат политичка стабилност, капитална сигурност и предвидлива деловна средина. Геополитичките тензии, војните и нестабилноста на финансиските пазари дополнително го зголемуваат интересот за преселба во таа земја.

На другиот крај од скалата се европските земји кои сè уште се конкурентни, но им е сè потешко да ги задржат богатите. Германија има резултат од 69,7, Норвешка 69,0, Обединетото Кралство 68,3 и Франција 65,7.

Се издвојува Обединетото Кралство, каде што бројот на барања за програми за преселба и престој меѓу богатите Британци се зголеми за 15% помеѓу 2024 и 2025 година.

Авторите на извештајот го поврзуваат овој тренд со укинувањето на даночните олеснувања за богатите странски жители, промените во данокот на наследство, укинувањето на визите за инвеститори и општата фискална несигурност.

Слично е и во Германија и во Франција. Бројот на барања од германски државјани за преселба се зголеми за 16 проценти помеѓу крајот на 2025 година и почетокот на 2026 година, додека Франција е меѓу земјите од кои повеќе потенцијални клиенти се заинтересирани за преселба.

На глобално ниво, меѓу најатрактивните дестинации за богати поединци се Обединетите Арапски Емирати со резултат од 85,3 и Сингапур со 79,5 поени. Нов Зеланд следи со резултат од 75,8.

Интересно е што Соединетите Американски Држави, исто така, постигнаа релативно скромен резултат од 62,3 поени. Бројот на апликации од американски државјани за програми за престој или државјанство во странство се дуплираше во текот на 2025 година.

Речиси половина од тие барања се однесуваа на европските земји, што покажува дека дури и меѓу богатите Американци постои растечки интерес за алтернативни опции за живот и бизнис надвор од САД.

The post ТРИ ЕВРОПСКИ ДРЖАВИ СЕ МАГНЕТ ЗА КАПИТАЛОТ Што им нудат тие на милијардерите appeared first on plusinfo.mk.

Голем дел од Европа е зафатен од силен топлотен бран кој носи температури блиску до 40 степени Целзиусови, а во некои подрачја и повисоки. Метеоролозите предупредуваат дека жештините ќе продолжат и во наредните денови, додека властите во повеќе држави издаваат предупредувања поради ризици за здравјето на населението, можни пожари и силни невремиња по завршувањето на жешкиот период.

Најтешко погодени се Франција, Шпанија, Италија и делови од Централна Европа. Во Франција се активирани највисоки нивоа на предупредување во повеќе региони, а температурите на места достигнуваат и надминуваат 40 степени. Поради жештините се откажуваат јавни настани, затворени се училишта, а железничкиот сообраќај се соочува со нарушувања поради прегревање на инфраструктурата.

Шпанија се соочува со првиот голем топлотен бран ова лето. Во поголем дел од земјата се активни портокалови и црвени предупредувања, а температурите во внатрешноста достигнуваат околу 40 степени. Властите предупредуваат на зголемен ризик од шумски пожари, додека жителите и туристите бараат засолниште од сонцето во најтоплите часови од денот.

Во Италија се издадени црвени предупредувања за повеќе големи градови, меѓу кои Рим и Милано. Температурите од 36 до 40 степени создаваат проблеми во секојдневниот живот, особено во туристичките центри, каде што голем број посетители бараат разладување покрај фонтани и климатизирани простории.

Германија е под предупредувања за високи температури во речиси целата земја. Во некои региони се измерени и до 38 степени, а метеоролозите предупредуваат дека по екстремната жештина може да следуваат силни грмотевични невремиња со обилни врнежи и силен ветер.

Во Полска температурите се значително над просекот за овој период од годината, а жителите на Варшава и другите градови спас од горештините бараат покрај реките, езерата и зелените површини.

Белгиските железници соопштија дека некои возови нема да сообраќаат оваа недела поради очекуваните рекордни високи температури од 37 степени, и ризикот од оштетување на пругите. Управата на железницата стравува дека шините ќе се деформираат и дека постои ризик од почести дефекти на возовите, што би можело да доведе до блокирање на целиот сообраќај на одредени места.

собено тешка е состојбата во Хрватска, каде што топлотниот бран, според прогнозите, ќе трае најмалку уште една седмица и дополнително ќе се засилува. Државниот хидрометеоролошки завод издаде предупредувања за Славонија, загрепскиот регион, Истра и Кварнер поради високи температури и можност за силни бури. Температурите во најголем дел од земјата се движат меѓу 30 и 35 степени, а на поединечни локации и повисоко. Хрватските власти предупредуваат дека продолжената изложеност на сонце може да доведе до исцрпеност и топлотен удар, додека лекарите посочуваат дека особено се загрозени лицата со кардиоваскуларни, респираторни и хронични заболувања. Дополнителна загриженост предизвикува можноста по жештините да следуваат локални невремиња со грмежи, силен ветер и град.

Во Србија, Републичкиот хидрометеоролошки завод најави продор на многу топла воздушна маса од северна Африка. Температурите во повеќе делови од земјата достигнуваат од 30 до 35 степени, а во Белград и Војводина се очекуваат и таканаречени тропски ноќи, кога температурата не паѓа под 20 степени.

Словенија, која неодамна беше погодена од силни бури со град и оркански налети на ветер, повторно се наоѓа во зона на нестабилно време. Метеоролозите предупредуваат дека комбинацијата од жештина и навлегување посвеж воздух може да предизвика нови силни грмотевични процеси во делови од земјата.

Високи температури се регистрираат и во Австрија, Унгарија, Чешка, Романија, Бугарија, Грција, Португалија и други делови од Балканот и Централна Европа. Во Чешка се очекуваат температури до 36 степени, додека во делови од Романија и Бугарија прогнозите најавуваат вредности блиску до 38 степени.

Експертите предупредуваат дека ваквите топлотни бранови стануваат сè почести, подолготрајни и поинтензивни поради климатските промени. Покрај ризиците за здравјето на луѓето, жештините влијаат и врз економијата, транспортот, снабдувањето со електрична енергија и земјоделството.

Лекарите предупредуваат дека високите температури можат да ги влошат состојбите кај лицата со кардиоваскуларни, респираторни, бубрежни или ментални заболувања. Поради тоа, се препорачува редовно разладување на телото и внесување доволно течности, пред сè негазирана вода и нискокалорични пијалоци, а да се избегнуваат кофеин, алкохол и шеќер.

Здравствените власти низ Европа апелираат граѓаните да избегнуваат престој на директно сонце помеѓу 10 и 17 часот, да внесуваат доволно течности и редовно да го разладуваат телото. Посебно внимателни треба да бидат децата, бремените жени, постарите лица и хронично болните. Се препорачува носење светла и лесна облека од природни материјали, заштита на главата и избегнување алкохол, кофеин и засладени пијалаци. За лицата кои работат на отворено се препорачуваат почести паузи во сенка и редовен внес на вода во текот на денот.

The post ТОПЛОТЕН БРАН ГИ ЗОВРЕ ЕВРОПА И БАЛКАНОТ Температурите се доближуваат до 40 степени, аларми во повеќе земји appeared first on plusinfo.mk.

Роботот WLTR веќе не е научна фантастика. Машината што самостојно реди тули и гради ѕидови со милиметарска прецизност веќе зад себе има повеќе од 40 проекти низ Европа.

Додека искусен ѕидар го поставува првиот ред, роботот ја презема најтешката работа. Работи на дожд, сонце и ветер, а може да изгради до 10 квадратни метри ѕид на час.

Од Словенија до европските градилишта

Првата роботизирана градба во регионот е реализирана во словенечка Церкница. Таму компанијата „Винербергер“, во соработка со „Тосидос“, го претстави WLTR, робот специјализиран за ѕидарски работи.

Станува збор за технологија што веќе се користи во Чешка, Полска, Австрија, Унгарија и во Велика Британија.

Може да замени шестмина ѕидари

Роботот работи со еден оператор и еден асистент. Во зависност од проектот, може да замени тим од пет до шест работници.

Со помош на сензори ја проверува положбата на секоја тула и автоматски ги коригира евентуалните отстапувања.

Може да гради до висина од три и пол метри без потреба од скеле.

Роботот не го заменува мајсторот

Од компанијата нагласуваат дека роботиката не е замена за знаењето и искуството на мајсторите.

„Роботичкото ѕидарство не е замена за човечкото знаење и искуство, туку одговор на вистинските предизвици на градежната индустрија“, порача Амел Емкиќ од групацијата „Винербергер“.

Според него, иднината на градежништвото ќе биде комбинација од човечко знаење и автоматизација.

Доаѓаат десетици нови машини

Во моментов во Европа работат 12 вакви роботи. Планот е до крајот на 2027 година нивниот број да се зголеми на неколку десетици.

Роботите веќе градат станбени објекти, детски градинки, магацини и семејни куќи, а експертите сметаат дека нивната улога на градилиштата ќе станува сè поголема.

The post 📽️ РОБОТ-ЅИДАР ЈА МЕНУВА ИНДУСТРИЈАТА ВО СЛОВЕНИЈА Не бара пауза, а заменува шестмина appeared first on plusinfo.mk.

„Едно нешто треба да запомните: ниту јас ниту Италија никогаш не молиме никого“.

Со овие зборови премиерката на Италија одговори на изјавата на шефот на САД дека, наводно, таа побарала да се фотографира со него на самитот на Г7 во Франција и дека му е жал за неа.

– Тврдењата на Доналд Трамп се целосно измислени. Навистина сум згрозена. Не знам зошто претседателот на Соединетите Американски Држави се однесува на овој начин кон своите сојузници. На крајот на краиштата, ова не е прв пат – рече таа.

Додаде дека е особено разочарана од начинот на кој Трамп се однесува кон своите противници на Западот.

– Можам само да кажам дека е разочарувачки што тој не покажува иста решителност кон непријателите на Западот и Соединетите Американски Држави, чии лидери, напротив, се однесуваат со многу поголема попустливост.

Мелони некогаш беше еден од најгласните европски сојузници на Трамп и единствениот европски лидер кој присуствуваше на неговата инаугурација во 2025 година.

Но, односите меѓу Вашингтон и Рим се влошија откако италијанската влада го одби американското барање за користење воздухопловна база во Сицилија за операции поврзани со војната против Иран.

Трамп тогаш јавно ја обвини Италија дека не покажала доволна поддршка, а денешната изјава дополнително ги поттикна шпекулациите за нови тензии меѓу двајцата некогашни политички сојузници.

Што точно изјави Трамп во интервју за италијанската телевизија La7? Oткако најпрво самиот праша како е Мелони, рече:

– Не морав да разговарам со неа. Не знам што да кажам. Ме замоли да се сликам со неа. Толку многу сакаше да се слика со мене. Не би го прифатил тоа, но ми беше жал за неа.

Io e l’Italia non imploriamo mai. pic.twitter.com/sTpKlqWB67

— Giorgia Meloni (@GiorgiaMeloni) June 19, 2026

The post 🎥 ЗАПОМНИ ТРАМП, ИТАЛИЈА НЕ МОЛИ ЗА НИШТО! Мелони распали по Трамп откако тој рече дека ја сожалува appeared first on plusinfo.mk.

Македонија останува на проекцијата за економски раст повисок од 3,5 проценти годинава, порача премиерот Христијан Мицкоски, оценувајќи дека резултатите од првиот квартал се охрабрувачки.

–  Ние остануваме на оние проекции коишто ги имавме, дека ќе биде над 3,5 проценти. Имајќи предвид дека во првиот квартал остваривме реален раст од 3,1 процент, а со усогласени вредности 3,3 проценти, што во однос на бруто домашниот производ претставува еден од најдобрите резултати во Европа во овој момент – изјави Мицкоски.

Премиерот истакна дека, и покрај критиките и различните толкувања на економските показатели, Владата останува уверена во насоката по која се движи економијата.

– Колку и да сакаат поединци да ја извртуваат вистината или сатирично да го пренесуваат сето тоа, за нив имам лоша вест. Македонија забрзува, Македонија победува и Македонија, како многу пати во историјата, ќе победи – порача Мицкоски.

Тој не најави промени во економските проекции и оцени дека досегашните показатели се во согласност со очекувањата на Владата.

Владината проекција предвидува раст на бруто-домашниот производ од над 3,5 проценти, што би било повисоко од остварувањата во повеќе европски економии во истиот период.

The post РЕАЛНО Е МАКЕДОНИЈА ДА ОЧЕКУВА ЕКОНОМСКИ РАСТ ОД 3,5% Владата останува уверена во своите политики appeared first on plusinfo.mk.

The post МАКЕДОНИЈА МЕЃУ 22 ДРЖАВИ КОИ ИСПРАТИЈА ПОРАКА ДО ИРАН „Нападите во странство мора да прекинат“ appeared first on plusinfo.mk.

Чилеанските власти објавија дека заплениле повеќе од 100 тони дрога скриена во пратки дрва наменета за Европа, опишувајќи ја операцијата како рекорден успех во борбата против организираниот криминал во јужноамериканската земја!

„Благодарение на заедничката работа на обвинителството, поморската полиција и царинската служба, запленети се 1.080 тони дрво контаминирано со разни видови дрога, што претставува историски удар врз организираниот криминал во нашата земја“, се вели во соопштението на чилеанската царинска управа.

Дрогата пронајдена во дрвата главно се состоела од кокаин и кетамин, а проценетата малопродажна вредност на европскиот пазар е околу 8,3 милијарди американски долари, се додава во соопштението.

In Chile, a record shipment of illicit substances has been seized — 104 tons in total

The drugs were soaked into timber using a liquid concentrate and were planned to be shipped overseas by sea.

Police described the method as one of the most sophisticated they have ever… pic.twitter.com/rYBUXfiHgI

— NEXTA (@nexta_tv) June 9, 2026

По шестмесечна истрага, властите идентификуваа 45 контејнери што пристигнале од Боливија со контаминирана дрва, објави Ал Арабија.

Доколку пратката стигнела до крајната дестинација, дрогата ќе морала да се одвои од дрвото со помош на „напредни хемиски процеси“ во специјализирани лаборатории, изјавија царинските службеници.

Вкупната количина на запленета дрога во Чиле би можела дополнително да се зголеми бидејќи властите продолжуваат да испитуваат дополнителни контејнери кои биле оценети како сомнителни.

Dogs help uncover record amount of drugs hidden in lumber in Chile: “Historic seizure” https://t.co/6qM6B6zj7n

— CBS Mornings (@CBSMornings) June 9, 2026

The post 📽️ 📷 КОКАИН ВО ДАСКИ ВРЕДЕН ПОВЕЌЕ ОД 8 МИЛИЈАРДИ ДОЛАРИ Рекордна заплена во Чиле, повеќе од 100 тони подготвени за Европа appeared first on plusinfo.mk.

САД ја разгледуваат можноста за распоредување нуклеарно оружје во други европски земји-членки на НАТО, како дел од напорите за зајакнување на безбедносните гаранции за сојузниците во Европа, пишува „Фајненшл тајмс“ (ФТ).

Американските претставници покажаа отвореност да разгледаат проширување на постојниот систем за споделување нуклеарно оружје, што моментално вклучува шест европски земји кои се домаќини на авиони способни да носат нуклеарно оружје, изјавија за ФТ три лица запознаени со разговорите.

Разговорите, кои се водат во строго доверлива рамка и не мора да доведат до конкретни промени, следеа во време на зголемена загриженост кај европските сојузници поради можното намалување на американското воено присуство на континентот, објави весникот.

Според изворите, можноста дополнителни земји да станат домаќини на таканаречените авиони со двојна способност (DCA), кои можат да носат нуклеарно оружје, додека некои земји на источниот дел од НАТО, вклучувајќи ги Полска и балтичките земји, веќе се заинтересирани да примат на своја територија бази на DCA.

Полските претставници постојано јавно зборуваат за желбата Полска да биде домаќин на нуклеарно оружје.

Поранешниот претседател Анджеј Дуда ги повика САД да ја прошират иницијативата DCA на територијата на Полска, додека Варшава оваа година се придружи и на француската иницијатива за разгледување на можноста за привремено преместување на делови од системот за нуклеарно одвраќање во сојузничките европски земји.

Иако европските членки на НАТО ветија дека ќе ги зголемат трошоците за одбрана и ќе ги зајакнат конвенционалните капацитети, нуклеарниот „чадор“ сè уште се смета за клучен елемент на одвраќањето.

Генералниот секретар на НАТО, Марк Руте, по состанокот на министрите за надворешни работи на алијансата изјави дека постои „општо разбирање“ дека иако САД ќе се фокусираат повеќе на други региони, целокупното одвраќање и одбрана во Европа мора да останат на исто ниво.

„Ако некој е толку неодговорен да нè нападне, одговорот би бил катастрофален“, рече Руте.

Програмата на НАТО за споделување нуклеарно оружје моментално ги вклучува Белгија, Германија, Италија, Холандија, Турција и Велика Британија, чии сили се овластени да бидат домаќини на американски авиони со двојна способност (DCA) и претходно распоредени нуклеарни бомби.

Оружјето е под контрола на САД, кои го задржуваат единственото право да одлучуваат за неговата употреба.

The post САД СЕ ВО ПРЕГОВОРИ ЗА РАСПОРЕДУВАЊЕ НУКЛЕАРНО ОРУЖЈЕ ВО ЕВРОПА Преговорите се тајни, но во напредна фаза appeared first on plusinfo.mk.

Европските земји сѐ повеќе вложуваат во напредни системи за контрола на сообраќајот, а најновата генерација „паметни камери“ носи сосема нов пристап во надзорот на возачите.

За разлика од класичните радари кои ја мерат само брзината на движење, новите уреди користат вештачка интелигенција, камери со висока резолуција и системи за препознавање на регистарски таблички, овозможувајќи истовремено откривање на повеќе сообраќајни прекршоци.

Станува збор за таканаречени „8 во 1“ камери, кои автоматски можат да регистрираат:

– пречекорување на дозволената брзина;

– користење мобилен телефон додека се управува возило;

– неносење сигурносен појас;

– минување на црвено светло;

– неправилно свртување;

– непрописно менување сообраќајна лента;

– возење во спротивна насока;

– други прекршоци што ги препознава системот.

Новите системи имаат уште една предност – не бараат голема инфраструктура покрај патиштата. Тие можат да бидат поставени на столбови, надвозници или други постојни објекти, а во исто време контролираат повеќе коловозни ленти и возила што се движат во двата правци.

Според експертите, главната цел на ваквата технологија е да се подобри безбедноста во сообраќајот и да се намали бројот на сообраќајни несреќи предизвикани од невнимание на возачите.

Шпанија е меѓу првите европски земји што ќе ја воведат новата технологија. Градот Памплона веќе набави четири радари со вештачка интелигенција, кои треба да бидат пуштени во употреба во текот на јуни по завршувањето на постапката за сертификација.

Секој од уредите чини околу 20.000 евра, а ќе бидат поставени на неколку локации низ градот со цел да се зголеми ефикасноста на контролата на сообраќајот.

Се очекува ваквите системи во наредните години да се прошират и во други европски земји, што би можело да означи почеток на нова ера на дигитален надзор на патиштата.

The post 8 КАЗНИ СО НОВИТЕ „СУПЕР КАМЕРИ“ НА ЕВРОПСКИТЕ ПАТИШТА Паметните радари стануваат кошмар за возачите appeared first on plusinfo.mk.

Италијанското Министерство за здравство издаде највисоко ниво на предупредување за жештини за четири големи градови, додека бран топло време ја зафаќа земјата, со температури кои на многу места надминуваат 30 Целзиусови степени.

Највисокиот степен на предупредување е прогласен за четврток за Рим, Фиренца, Болоња и Торино, што значи дека дури и здрави луѓе би можеле да се соочат со негативни физички последици од невообичаено раната топлина за овој период од годината.

Италија веќе неколку дена се соочува со сончево време и речиси целосно ведро небо, при што температурите низ поголемиот дел од земјата се искачија многу порано од вообичаеното за овој период, пренесе ДПА.

Сепак, се очекува температурите да опаднат во петок, а според прогнозите ниту еден италијански град нема да остане под највисокото ниво на предупредување пред почетокот на викендот.

Во главниот град Рим, градоначалникот Роберто Гулатиери денеска потпиша уредба со која се воведуваат мерки насочени кон спречување пожари и управување со ризиците поврзани со топлинските бранови.

Меѓу мерките е предвидено големите јавни објекти опремени со системи за ладење да бидат отворени за жителите во деновите кога е во сила највисокото „црвено“ ниво на предупредување.

Уредбата предвидува и паузи во пладневните часови за градежните и земјоделските работници, кои ќе треба да престојуваат во разладени простории или под сенки, со обезбедена вентилација и системи за ладење таму каде што е потребно.

Италија во изминатите неколку лета забележа и смртни случаи меѓу градежни работници, кои беа поврзани со работа во екстремно високи температури.

The post ЖЕШТИНА ЈА ЗАПАЛИ ИТАЛИЈА Дури и здрави луѓе се изложени на ризик appeared first on plusinfo.mk.