Жителите на гостиварското село Калиште, во Општина Врапчиште, се соочуваат со вистински кошмар откако кафеава мечка упаднала во селото и брутално нападнала домашен добиток. Снимките и сведоштвата кои се прошириле на социјалните мрежи предизвикале страв и паниката меѓу локалното население, кое алармира дека состојбата станува загрижувачка.

Овој инцидент е последен во низата блиски средби со мечки во овој регион. Пред десетина дена жителите од соседното село Добри Дол, исто така во Општина Врапчиште, пријавија дека мечка по вторпат била забележана како слободно шета на улиците во непосредна близина на основното училиште „Сали Лиси“.

Иако кафеавата мечка по природа е повлечено животно, кое ги избегнува луѓето, експертите посочуваат дека нивното однесување драстично се менува кога се нарушени нивните природни живеалишта или кога има пренаселеност. Центарот за управување со кризи (ЦУК) и општините препорачуваат чистење на дивите депонии со храна околу селата и соодветно обезбедување на трлата.

Сточарите велат дека тоа не е доволно и дека е потребна контролирана дислокација или намалување на бројот на мечките во местата каде што тие претставуваат директна закана по човечкиот живот.

Кафеавата мечка во Македонија е со закон строго заштитена уште од 1996 година, а ловот е целосно забранет од 2009 година. Поради ова, нивната популација во региони како Националниот парк Маврово и околните планини, е во постојан пораст.

The post МЕЧКА НАПАДНА ДОБИТОК ВО ГОСТИВАРСКО КАЛИШТЕ Сточарите бараат помош од државата appeared first on plusinfo.mk.

Поранешната мисица Јулија Ѓорѓиевска (28) од Крива Паланка е приведена откако, според полицијата, се обидела да ја попречи акцијата за заплена на добиток спроведена од надлежните служби.

Инцидентот се случил кај местото „Калин камен“, каде екипи на Агенцијата за храна и ветеринарство спроведувале акција за заловување на крупен добиток.

Според информациите од МВР, 28-годишната Ѓорѓиевска пружила отпор и ги попречувала службените лица додека ја спроведувале постапката, по што интервенирала и полицијата.

Таа била приведена и спроведена во полициска станица, а по целосно документирање на случајот против неа ќе биде поднесена пријава.

Ова не е првпат нејзиното име да се поврзува со слични инциденти, каде што таа и нејзини поблиски членови на семејството беа приведувани поради добитокот кој слободно шета во Крива Паланка и околината.

The post ПОВТОРНО ПРИВЕДЕНА ПОРАНЕШНАТА МИСИЦА ОД КРИВА ПАЛАНКА Јулија спречувала заплена на добиток, па завршила во станица appeared first on plusinfo.mk.

Тие реагираат дека во период од 2016 до денес, откако на власт се СДСМ и ДУИ нема објавено ниту еден јавен оглас за доделување на пасиштата, но затоа се дозволува масовно склучување на договори со непосредна спогодба.

– Цели осум години државните пасишта се даваат се доделуваат на користење на симпатизери и членови на владеачката коалиција, спротивно на законот без јавен оглас. Никој досега не покренал ништо против тоа, иако сите знаат. Еве го повикуваме Јавното Обвинителство по допрен глас и постоење на јавен интерес, поради основано сомнение да го истражи случајов и да превземе мерки согласно закон – велат соговорниците на Република.

Според нив, Николовски имал обврска да врши должен надзор над работата на ЈП за пасишта дали постапува согласно одредбите од законот. Не е јасно зошто тој дозволил масовно, без јавен оглас, да се склучуваат стотици договори за користење пасишта за пасење на ситен и крупен добиток, но и да се склучуваат договори за пасишта за паша на пчелни семејства, исто така со непосредна спогодба со поставување на времени објекти, по принципот прв дојден прв услужен само врз основа на писмено барање поднесено до подружниците на ЈП за пасишта за договори, кои биле истечени во 2022 година и кои истекувале во 2023 година, со продолжување на една година, односно и за оние сточари/ пчелари кои воопшто немале договор за користење со ЈП за пасишта.

На овие обвинувања одговори министерот Николовски. Во изјава за медиумите Николовски рече дека при распределбата на средствата немало никаква селективност.

– Нашата цел беше сите да добијат. Нашата цел беше да нема поделби, туку да обезбедиме повеќе средства за сите. Не разбирам како некој што претендира да биде министер се бори за помал земјоделски буџет, наместо да се бори за повеќе средства кои што доаѓаат токму во ресорот земјоделие – рече Николовски.

Министерот посочи дека секој сомнеж може да биде пријавен во која било институција и да се направи целосно испитување.

Во однос на обвинувањата на Трипуновски дека распределбата на средствата се вршела надвор од процедурите, тој посочи дека Законот за извршување на буџет ги дефинира програмите кои ги има донесено Владата.

– Владата има донесено програма во која што ги дефинира постапката и процедурите и сите процедури во однос на спроведувањето се испочитувани. Во ниту еден дел нема никакво изостанување на која било процедура – рече тој.

Како што појасни, од 60 апликации на првиот повик минатата година, 59 биле успешни и биле обезбедени средства за сите.

The post БЕЗ ЈАВЕН ОГЛАС СЕ ДЕЛЕНИ ДРЖАВНИ ПАСИШТА!? Тоа е спротивно на закон, министерот Николовски може да одговара appeared first on plusinfo.mk.