Во Црна Гора е поднесен предлог на измени на Законот за работни односи со кои секој месец ќе има еден продолжен викенд за работниците, пишува Vijesti.

Измените во собраниска процедура ги достави пратеничката група на Демократска Црна Гора, која вели дека има цел понатамошно подобрување на правата на вработените и подигнување на квалитетот на работниот живот во Црна Гора.

Пратеникот на демократите, Душко Стјеповиќ, соопшти дека со предлогот се предвидува вработените да имаат право на слободен петок пред последниот викенд од месецот, што заедно со тој викенд ќе значи и официјално продолжен викенд еднаш месечно.

-Во неделата што му претходи на последниот викенд во месецот, вработениот би имал право на слободен петок, односно на одмор од 24 часа кој се користи во петок, а кој се надоврзува на редовниот одмор од членот 76, со што се добива непрекинат одмор- објаснува пратеникот.

Според него, ова решение претставува современ и одговорен чекор напред во областа на работничките права, насочен кон зачувување на физичкото и менталното здравје на вработените, зајакнување на рамнотежата помеѓу работата и приватниот живот, како и создавање услови за поголема мотивација и продуктивност на работното место.

Пратеничката група на демократите нагласува дека предложената мерка може да има значајни социјални и економски придобивки преку зајакнување на семејните врски, поголемо учество на граѓаните во културни, спортски и социјални активности, како и дополнително стимулирање на домашниот туризам и локалната економија.

The post ЦРНОГОРЦИТЕ СЕКОЈ МЕСЕЦ ЌЕ ИМААТ ПРОДОЛЖЕН ВИКЕНД Еве како е тоа замислено appeared first on plusinfo.mk.

Неверојатно забавно е колку наводните (а всушност самопрогласени) социјалдемократи-левичари (не само) кај нас уживаат да докажуваат колку се поумни од сите други, особено од оние од (наводно) спротивната страна, и уживаат да етикетираат секое различно мислење како „десно“ пропагандистичко, симпатизерско, ботовско… Иако најчесто не знаат што всушност говорат и кого/зошто поддржуваат – како во актуелниот скеч со Орбан и Маѓар во главните улоги – освен што по наредба „од горе“ громогласно аплаудираат небаре добиле седмица на лото. Мораат (ли) да го (о)правдаат глупирањето на „лидеро“ па на помош повикуваат дури и ликови од меѓународната политичка сцена, меѓу нив и Обама и тетка Хилари, јеботе?! Апропо, и колку да се знае: „демократот“ Обама започна најмногу (7) војни (интервенции, удари, специјални операции…) во историјата на САД (во Авганистан, Ирак, Сирија, Либан, Либија, Сомалија и Пакистан), а онаа Хилари (заедно со сопругот) е веќе изрезилена од глава до петици и претставува симбол на демократското зло во Америка!

Оттука, тие и нивното „мислење“ ли ќе ни бидат некаков репер во актуелниов скеч со Орбан и Маѓар? И на што друго освен на локално упатена злоба се должи еуфоријава на македонскава секта со Маѓар небаре тие добиле нова кандидатура за онаа промашена Нобелова награда на трговецон од Муртино!? Не мислам дека меѓу сите овие „леваци“ има и сериозни лево ориентирани поединци кои разликуваат црно и бело, но упорно – молчат.

Поточно, не знам како грото од „левациве“ не гледаат дека де факто оваа бедна провинциска едночинка некој ја игра контра интересите на сопствената држава. Како впрочем и многу други нешта, а особено штетата од паралелите Орбан-Вучиќ-Додик-Мицковски… Ним Протоколот бр. 2 не им боцка(ше) толку очи, уште помалку бришењето на зборот „окупатори“ од спомениците од НОВ, диктираната историја од некаков полуписмен бугарски историчар, допишувањето на македонските учебници од улични бугарски пропагандисти итн.! Преоблечени во некакви прогресивни палјачовски партали и накитени со беџови со меѓународни пропалитети не можат да се видат себеси исти како и оние против кои (наводно) се борат: десната автократија.

Зашто, денес, барем кај нас, т.н. лева „идеолошка“ опција – што е срамно изедначување на сериозниот поим идеологија со денешниве нејзини селско-партиски манифестации – е само полуписмена булумента која во партијата гледа мотор за вработување, кариера, општествена позиција и „товарено магаре“, а најмалку, или воопшто, простор за идеолошка општествена надградба, за достигнување на левите вредности, за менување на општествената свест…, па и политичко надмудрување со „противникот“. Токму затоа денес науката речиси во целост ги изеднувачува двете опции – левата и десната – од аспектот на тенденцијата кон автократско владеење. Или, со попрост јазик за „левациве“ кај нас да разберат: нема ама баш никаква разлика во автократските амбиции и аспирации помеѓу левите и десните не само кај нас туку и во светот. Со сите модалитети, се разбира, што ги нуди избраниот државен систем.

А кај нас тој нуди сѐ што ќе посакате – дури ја добивате и „нашана“ Црвенкапче ака Радмила Шеќеринска како заменик генерален секретар и „вистински верник“ (што би рекол Руте) на нато (малите букви се…). И нашиве левичари и тоа го голтаат како локумче, па дури и прикажуваат приказни за нејзините успеси во таа мувлосана организација. А нејзината некогашна локална прислужничка – инаку во истата функција за сите „идеологии“ што се менуваа на власт! – се уби борејќи се да ги зачува фанфарите само за неа.

Сите истражувања во светот укажуваат дека авторитарната свест е иманентна на двете страни на политичката паричка, при што и „левите“ и „десните“ се идентично нетолерантни кон спротивната страна. Впрочем, автократијата е во жижата на општествените и политичките науки одамна, уште од времето на Адорно, Дакит, Осборн и др., при што доминантно се идентификувани само минимални разлики во крајната цел. Поточно, според „десните“, генерално, светот го загрозуваат девијантни групи што не се повинуваат на социјалните норми, како и опасноста од грубата компетитивност на светот што може да се надмине преку групна хиерархија и нееднаквост, односно кај „левите“ доминира антихиерархиската агресивност, антиконвенционализмот и др. Од друга страна, дури и во еу (малите букви се…), покрај десната автократија, апсолутно е присутна и левата, но најчесто карневалски маскирана во поблаги квалификации како „лев популизам“ (СИРИЗА, Подемос…), невладеење на правото (Италија, Бугарија…), радикален национализам (Бугарија, дел од балтичките држави…), партии со радикално лева ориентација итн.

Или, ние можеме да се враќаме дури и на примерите на левата автократија на еден Ленин или особено Сталин (често оправдувани со општествените прилики и меѓународната ситуација) наспроти десната спротивност на Хитлер и Мусолини итн., но тоа очигледно кај нас не менува ништо во незнаењето. Впрочем, позната е констатацијата на Шилс (Edward Shils) за сличностите помеѓу фашизмот и болшевизмот, особено во непријателството кон граѓанските слободи, антипатијата кон парламентарните институции, потребата за концентрација на моќта кај малкумина итн.

Од наш аспект тоа се сепак само теории коишто за локалниве политиканти и нивната „научна“ клиентела немаат ама баш никаква врска. Кај нас сѐ е „до зла бога“ приземно, упростено и измешано, сѐ е измелезено, хибридно и насочено единствено во службата на лични и групни позиционирања со цел поголемо заграбување на локалните ресурси. Така и започна онаа наша „славна“ транзиција, така и ќе заврши. Сето ова помеѓу повторно е само криминална борба под различни имиња за „сува“ власт во којашто се втурнува и шуто и рогато преку доминантните партии – македонски и албански – меѓу кои полека се бришат сите разлики/граници во авторитарните изблици на поединци и групи!

Но, уште поинтересно е што токму самопрогласените социјалдемократи не умеат да го согледаат авторитарниот дух во сопствените редови туку по правило го бараат кај десницата. Впрочем, ако во последниве десетина години бевме преплавени од авторитарен дух од најпростачки происход тогаш тоа беа годините на Заевистичкиот „хибриден режим“ и неговата уште пострашна постхибридна копија на оној Филипче. Начинот на владеење на Заев го видовме и го преживеавме (иако со страотни лузни по целата држава!), а според досегашното од неговиот сервисен наследник можеме само да претпоставуваме што би ни се случувало!

Затоа, оние умислени и „загрижени“ социјалдемократи од почетокот, ако навистина се тоа што се претставуваат, наместо аплаузи за Маѓар нека подготват канонада свирежи за Филипче – размислувам дали можеби треба да го пишувам со мала буква? – и неговата камарила, со што би ја одземале сељачката автократска палка од неговите раце. Дури тогаш ќе имаат право да држат лекции (и) на други!

П.С.

Замислете Мицковски во мај 2024 година, слично на љубимиот им Маѓар деновиве, сериозно да најавеше национализација на имотите стекнати во криминалниот период 2017-2024 година. Каква револуција ќе кренеше во редовите на „левите“ орди на најкоруптивната во историјата коалиција? А требаше, ќе се разбегаа низ светов ко глувци!

The post Лева или десна автократија? appeared first on plusinfo.mk.

Демократскиот гувернер на Калифорнија, Гевин Њусом, остро го нападна европскиот врв поради, како што вели, пасивност кон новите закани на американскиот претседател Доналд Трамп за Гренланд. Настапувајќи во Давос, Њусом ја пренел пораката со невообичаена директност, јазик што повеќемина го нарекоа „непристоен, но искрен“.

– Време е да се соберете. Време е да станете сериозни и да престанете да бидете соучесници. Време е да се исправите, да бидете цврсти, да покажете малку ‘рбет.

Гувернерот, кој се позиционира како најгласен демократски противник на Трамп, продолжил со излив на разочараност кон европската политика на претпазливост:

– Не можам повеќе да поднесам да ја гледам оваа соучесничка пасивност, луѓето само се превртуваат на грб. Требаше да донесам еден куп штитници за колена за сите светски лидери. Мислам, се делат круни и се делат Нобелови награди, тие само се делат. Тоа е едноставно жално. И се надевам дека луѓето ќе сфатат колку жално изгледаат на светската сцена… Тоа е срамно.

Њусом целосно ја отфрлил можноста за дипломатски однос со Трамп.

– Тој е Т-рекс: или се дружиш со него или те јаде.

Бизнис-дописникот Пол Келсо од Давос изјавил дека јазикот на Њусом е бескомпромисен, но во склад со неговата нова улога, лидер кој зборува и за Америка и за Европа.

The post ПРИБЕРЕТЕ СЕ ЕВРОПЕЈЦИ, ИЛИ СТЕ СО ТРАМП-РЕКС ИЛИ ВЕ ЈАДЕ Гувернерот на Калифорнија бара ‘рбет од Брисел appeared first on plusinfo.mk.

Американскиот претседател Доналд Трамп во својата божиќна честитка изјави дека „многу гадови“ во Соединетите Американски Држави го сакале финансиерот и осуден сексуален престапник Џефри Епштајн, за потоа, кога Епштајн беше обвинет за педофилија, „лажно да тврдат дека немаат никаква врска со него“.

„Среќен Божиќ на сите, вклучително и на многуте гадови кои го сакаа Џефри Епштајн, му даваа купишта пари, одеа на неговиот остров, присуствуваа на неговите забави и мислеа дека е најдобриот човек на светот, само за да го ’шутнат како куче‘ кога работите станаа премногу жешки, лажно тврдејќи дека немаат никаква врска со него, дека не го познаваат, велејќи дека е одвратна личност, а потоа обвинувајќи го, секако, претседателот Доналд Џ. Трамп, кој всушност беше единствениот кој се дистанцираше од Епштајн, и тоа многу пред тоа да стане модерно“, напиша Трамп на „Трут Соушл“ (Truth Social).

Тој додаде дека ќе има многу објаснувања кога ќе се откријат имињата на сите кои имале врска со Епштајн „во тековниот лов на вештерки од страна на радикалната левица“ и „кога ќе се открие дека сите се демократи“.

Трамп спореди дека ова ќе биде слична ситуација како кога медиумите пишуваа за наводното мешање на Русија во претходните претседателски избори, за што рече дека било „измислена приказна – целосна измама“.

„Неуспешниот ‘Њујорк тајмс’, меѓу многуте други, беше принуден да се извини поради своето лошо и погрешно известување за изборите … Сега истите губитници се повторно тука, само што овојпат толку многу нивни пријатели, главно невини, ќе бидат тешко повредени и ќе им биде нарушен угледот. Но, за жал, таков е светот на корумпираната демократска политика! Уживајте во она што би можело да биде ваш последен среќен Божиќ“, додаде Трамп.

Американското Министерство за правда соопшти дека Сојузното обвинителство за јужниот округ на Њујорк и ФБИ откриле повеќе од милион дополнителни документи кои би можеле да бидат поврзани со Епштајн, а поради обемноста на материјалот, процесот на објавување би можел да потрае уште неколку недели.

Објавените документи вклучуваат видео-записи, аудио-снимки и фотографии на кои покрај Епстин се појавуваат многу влијателни личности од светот на политиката и бизнисот.

The post КОГА ЌЕ ВИДИТЕ КОЛКУ ДЕМОКРАТИ ИМАЛЕ ВРСКА СО ЕПШТАЈН… „Го шутнаа како куче велејќи дека немаат врска со него“ appeared first on plusinfo.mk.

Не е фер луѓето кои се сликани со сексуалниот претстапник Џефри Епштајн да бидат „осудени поради една фотографија“, вели американскиот претседател Доналд Трамп. Ова е прва реакција на Трамп откако Министерството за правда на САД објави илјадници фотографии.

– Го сакам Бил Клинтон, секогаш сме се согласувале, бил љубезен со мене, јас со него. Не ми се допаѓа што негови фотографии се покажуваат. Но ова го бараат Демократите, и неколку лоши Републиканци, па ги објавуваат и моите – рекол Трамп во разговор со новинари во неговата резиденција Мар-а-Лаго во Флорида.

Сликите на поранешниот американски претседател Бил Клинтон со Епштајн се најдоа на насловните страници во западните медиуми.

Трамп тврди дека многу луѓе „невино“ се сретнале со Епштајн и дека тоа не значи дека биле вклучени во неговите активности.

– Многу луѓе се лути затоа што нивните слики со него излегуваат, а тие немале ништо со неговите работи. Само биле на иста забава, и ете ти, репутацијата уништена.

Трамп ја обвинил Демократската партија во САД дека ја користи темата како одвлекување од економските успеси на неговата администрација.

– Денес градиме најголеми и најмоќни бродови во светот, а тие ме прашуваат за Епштајн. Мислев дека тоа е завршено.

Законот за транспарентност, Epstein Files Transparency Act (EFTA), усвоен со речиси едногласна поддршка во Конгресот и потпишан токму од Трамп, бара Министерството за правда целосно да ги објави сите материјали поврзани со случајот.

Но, досега е објавен само првиот дел од документите, што предизвика гнев кај жртвите и дел од конгресмените.

Портпаролот на Бил Клинтон, Анџел Урена, објавил писмена изјава:

„Некој или нешто се штити. Не знаеме кој, што или зошто. Но сигурни сме дека не ни треба ваква заштита.“

Урена додал дека постои „широко распространета сомнеж“ дека објавувањето се врши селективно, за да се создаде впечаток на вина кај лица кои веќе биле расчистени од Министерството за правда.

Џефри Епштајн, богат финансиски посредник со влијателни врски во политиката и науката, беше уапсен во 2019 година под обвинение за трговија со малолетни девојки. Неколку недели подоцна беше пронајден мртов во својата ќелија во Њујорк, што официјално беше прогласено за самоубиство.

Неговата главна соработничка, Џилејн Максвел, беше уапсена во 2020 година и подоцна осудена на 20 години затвор за врбување и помагање во сексуалната експлоатација на малолетнички.

Меѓу личностите чии имиња се спомнуваат во новите документи се јавуваат Ноам Чомски, Мајкл Џексон (постхумно), поранешниот министер Лари Самерс и други јавни личности.

Сепак, ниту едно од тие имиња не е поврзано со кривично дело, туку со контакти или патувања што се документирани во архивите на Епштајн.

The post ШТО АКО ЧОМСКИ, ЏЕКСОН, САМЕРС „НЕВИНО“ СЕ СРЕТНАЛЕ СО ЕПШТАЈН? Трамп го брани Клинтон, „не е фер да гори за една фотка“ appeared first on plusinfo.mk.

Министерството за правда на САД го одложи целосното објавување на „Епштајновите досиеја“, предизвикувајќи жесток политички судир меѓу демократите и републиканците. Дел од документите, според најавата на заменик-државниот обвинител Тод Бланш, ќе бидат достапни уште вечерва, но остатокот – дури во следните недели.

– Ќе објавиме неколку стотици илјади документи од сите истраги поврзани со Џефри Епштајн – изјавил Бланш, појаснувајќи дека приоритет е заштитата на жртвите. „Секое име и секој идентитет мора да остане безбеден.“

Иако законски Министерството е обврзано да ги објави сите досиеја до денес, демократскиот лидер Чак Шумер го обвини Трамп дека намерно го прекршува законот потпишан токму од него.

– Ова е обид да се скрие вистината – рече тој, барајќи итна интервенција на Конгресот.

Пратеникот Томас Маси, еден од авторите на Законот за транспарентност, се огласи на мрежата Икс:

„Времето истече. Објавете ги документите. Ако нема имиња на мажи обвинети за сексуални злосторства, значи нешто е скриено“.

Демократите Роберт Гарсија и Џејми Раскин најавија тужба против администрацијата, тврдејќи дека Министерството „свесно ги крши федералните обврски и го заштитува кругот на моќни соучесници“.

Во меѓувреме, Одборот за надзор во Конгресот објави нови фотографии од имотот на Епштајн – патни документи, дневници и архиви што наводно покажуваат контакти со јавни личности, без наведување на контекст. Републиканците реагираа дека „сликите без докази се политички театар“.

Демократите во надзорниот комитет на Претставничкиот дом објавија нова серија фотографии без датум и без наслов. Фотките вклучуваат стихови од Лолита напишани на женско тело и ги прикажуваат познатиот милијардер Бил Гејтс и познатиот интелектуалец Ноам Чомски.

Законот „Epstein Files Transparency Act“, усвоен со двопартиска поддршка во ноември, бара Министерството да ги објави сите некласифицирани материјали во рок од 30 дена.

The post ПРЕСВРТ ВО САГАТА „ЕПШТАЈН“ Американското министерство не ги објави сите документи, Демократите бесни appeared first on plusinfo.mk.

Потпретседателот на САД Џеј Ди Венс се издигнува како доминантен наследник на Доналд Трамп за изборите во 2028 година, покажува новата анкета на „Емерсон Колеџ“. Истражувањето спроведено меѓу регистрирани републикански гласачи откри дека 54 отсто од нив би го поддржале Венс за претседателска номинација, што претставува зголемување од дури 30 поени во однос на ноември 2024 година, јави „Њузвик“.

Меѓутоа, 25 проценти од анкетираните сè уште не одлучиле кого ќе поддржат. Доналд Трамп добил седум отсто од гласовите, иако Уставот не му дозволува трет мандат. Сенаторот Марко Рубио има шест проценти, а гувернерот на Флорида, Рон Десантис, само два отсто. Преостанатите шест проценти би избрале некој друг кандидат.

Од другата страна на политичкиот спектар, ситуацијата кај демократите изгледа далеку понејасно.

Анкетата покажува дека 35 отсто од нивните гласачи се неодлучни. Гувернерот на Калифорнија, Гевин Њусом, води со 24 проценти, поранешната потпретседателка Камала Харис има 10 проценти, а поранешниот секретар за транспорт, Пит Бутиџиџ, девет отсто. Конгресменката Александрија Окасио-Кортез добила само два отсто поддршка, додека останатите 19 проценти би избрале друг кандидат.

Сепак, резултатите доаѓаат во момент кога демократите ја зацврстуваат својата позиција по убедливите победи на локалните избори во Њу Џерси, Вирџинија и Њујорк Сити. Победите им го подигнаа моралот на партиските редови една година по враќањето на Трамп во Белата куќа.

На општото конгресно гласање за 2026 година, 44 отсто од анкетираните изјавиле дека ќе гласаат за демократски кандидат, 40 отсто за републикански, а 16 отсто останале неодлучни. Според истражувањето, демократите во моментов се поентузијастични и повеќе мотивирани да излезат на среднорочните избори во споредба со републиканците.

Анкетата на „Емерсон Колеџ“ е спроведена меѓу 1.000 регистрирани гласачи на 3 и 4 ноември, со маргина на грешка од плус или минус три процентни поени.

The post РЕПУБЛИКАНЦИТЕ ВО НЕГО ГЛЕДААТ ВИСТИНСКИ НАСЛЕДНИК НА ТРАМП Бројките за 2028 година се поволни за младиот лидер appeared first on plusinfo.mk.

Орбан на националното радио „Лајош Кошут“ изјави дека администрацијата на Демократската партија „почнала лошо“ бидејќи „на крајот тие му ја украле претседателската функција на Доналд Трамп“.

– Да не мамеа во 2020 година, Доналд Трамп ќе останеше претседател и тогаш војната меѓу Украина и Русија немаше да започне – рече тој.

Премиерот рече дека демократските администрации се „секогаш различни“ од републиканските, посочувајќи дека Републиканската партија „стои на национална основа“, додека, пак, Демократската партија „е глобалистичка“, која ги спроведува своите интереси преку глобалните организации „како мрежата на Џорџ Сорос“.

Орбан рече дека демократите во САД ги ставаат своите економски интереси пред политиката и „имаат силни намери да го подобрат светот“.

– Тогаш светот е преплавен со мигранти и тоа води до хаос, се ослободува луда родова идеологија и тие (демократите во САД) не се двоумат да користат војна за да ги постигнат своите цели, како што направија со Руско-украинската војна – додаде тој.

The post НЕМА ВЕЌЕ ГЛОБАЛИЗАМ И СОРОС, ТРАМП ЌЕ ДОНЕСЕ НОВА ЕРА ЗА ЗАПАДОТ Орбан смета дека демократите се хипокрити што сакаат пари appeared first on plusinfo.mk.

Тројца членови на Претставничкиот дом на американскиот Конгрес од редовите на демократите добиле заканувачки пораки за подметнати бомби во нивните куќи синоќа на Денот на благодарноста, што се слави секој последен четврток во ноември, објавија американските медиуми.

Заканите ги примиле демократите Џо Кортни, Џахана Хејс и Џим Хајмс, сите тројца од Конектикат, објави Њузвик.

Во ниту еден дом на тројцата демократи не се пронајдени бомби или експлозивни материјали.

ЧЛЕНОВИ НА КАБИНЕТОТ НА ТРАМП СЕ МЕТА НА ЗАКАНИ СО БОМБИ Едно од писмата било со пропалестинска тема

The post ПОЛИТИЧАРИ ВО САД ПОВТОРНО ДОБИВААТ ЗАКАНИ СО БОМБИ Мети биле тројца конгресмени од редовите на демократите appeared first on plusinfo.mk.

Харис се сметаше за аутсајдер на нејзиниот републикански ривал Доналд Трамп, откако влезе во трката само три месеци пред изборите, но природата на нејзиниот пораз доведе до тоа некои демократи да покренат прашања за иднината на партијата, јавија американските медиуми.

Најжестоките критики беа упатени кон врвот на партијата, со обвинувања дека демократските поддржувачи се хранат со невистини за менталното здравје на претседателот Џозеф Бајден, се додека катастрофалниот ТВ-дуел со Трамп во јуни не го вклучи алармот и на крајот доведе до откажување на претседателот од кандидатурата.

Сепак, најавата на Бајден во април 2023 година, кога потврди дека ќе се кандидира за втор мандат, беше дочекана со скептицизам од многу демократи, но скептиците брзо се согласија да се приклучат на неговата кампања како советници, наместо да му се спротивстават.

„На партијата и е потребно целосно рестартирање. Го лажеа американскиот народ за здравјето и когнитивните способности на претседателот“, рече менаџерот на хеџ фондот Бил Акман, долгогодишен донатор на демократите кој го поддржа Трамп во 2024 година.

Камала Харис ќе даде изјава денеска во 16 часот (21:00 GMT), соопшти Белата куќа, нејзин прв одговор на изборниот пораз од Доналд Трамп. Харис, која ќе зборува на Универзитетот Хауард во Вашингтон, беше убедливо победена од Трамп и покрај повеќето анкети кои укажуваат на тесна трка.

The post ДЕМОКРАТИТЕ СЕ ВО ШОК Ја чекаат Камала Харис да го признае поразот appeared first on plusinfo.mk.