Нова серија напади врз танкери, ракетни удари во Јемен и пресретнати проектили над Саудиска Арабија ја заострија кризата на Блискиот Исток. Два танкера се погодени во Персискиот Залив, додека Иран тврди дека трет експлодирал во Ормускиот Теснец. Истовремено, ракети паднале врз аеродромскиот комплекс во Аден, а саудиската војска пресретнала балистичка ракета насочена кон нафтениот центар Јанбу.

Британската Организација за поморски трговски операции (УКМТО) соопшти дека добила извештаи за два напада врз танкери во близина на саудискиот брег.

Првиот брод бил погоден во петокот, на 68 наутички милји североисточно од градот Џубаил. Проектилот засега не е идентификуван.

Сите членови на екипажот биле безбедно евакуирани. Не е пријавено загадување на морето.

Вториот напад бил регистриран на 78 наутички милји од истиот град. Капетанот пријавил дека бродот бил погоден со проектил испукан од ракетен фрлач на мал чамец.

Ударот го оштетил задниот дел од танкерот. Екипажот е безбеден, но обемот на материјалната штета сè уште се утврдува.

عاجل وخطير Aden

انفجارات عنيفة تهز مقر قيادة القوات السعودية في معسكر بدر بعدن باستهداف المعسكر ومخازن الأسلحة وعشرات القتلى بينهم ضباط من الصف الأول https://t.co/To517zW800

— أخبار اليمن | Yemen News (@Yemen_News0) October 16, 2026

Танкер со 2 милиони нафта налетал на мина

Иранската револуционерна гарда, во меѓувреме, објави дека голем нафтен танкер експлодирал во Ормускиот Теснец.

Според иранските медиуми, бродот налетал на морска мина, по што избувнал силен пожар.

Танкерот наводно превезувал повеќе од два милиони барели сурова нафта. Иранската страна тврди дека се обидувал да помине низ теснецот без одобрение.

Овие информации засега не се независно потврдени. Британската УКМТО не го коментирала пријавениот инцидент.

Ормускиот Теснец е еден од најважните светски поморски премини за транспорт на нафта. Нападите врз бродови во регионот веќе предизвикаа сериозна загриженост на енергетските пазари.

Yemen’s Ansar Allah has reportedly TARGETED and HIT the Command Center of the Saudi backed coalition in Aden, Yemen

They have also reportedly hit weapons depots within the camp. https://t.co/YldQDMwzRX

— Ryan Rozbiani (@RyanRozbiani) October 16, 2026

Ракетите паднале кога авион се припремал за полетување

Два ракетни проектила го погодиле и подрачјето на меѓународниот аеродром во Аден, на југот на Јемен.

Локалните безбедносни власти за нападот ги обвинија Хутите, вооружената група поврзана со Иран.

Во моментот на нападот, авион на „Јеменија ервејс“ се подготвувал за лет кон Каиро.

Нема пријавени жртви. Станува збор за втор напад врз аеродромот за помалку од една недела.

Хутите не ја презеле веднаш одговорноста за нападот.

Истовремено, коалицијата предводена од Саудиска Арабија соопшти дека пресретнала балистичка ракета насочена кон градот Јанбу, на брегот на Црвеното Море.

Уништени биле и две крстосувачки ракети над Црвеното Море, како и три беспилотни летала над саудиска територија.

Јанбу има особено значење за саудискиот извоз на нафта. Преку овој центар суровата нафта може да стигне до светските пазари без да минува низ Ормускиот Теснец.

Покрај опасностите во Персискиот Залив, ракетната закана кон Јанбу го загрозува и алтернативниот извозен правец преку Црвеното Море.

Oil Tanker explodes in Strait of Hormuz after hitting naval mine: IRGC

Follow: https://t.co/GHI09iAGh2 https://t.co/jqst42w2vD

— Press TV (@PressTV) October 17, 2026

Нафтата достигна 110 долари 

Новите безбедносни ризици веќе се одразуваат врз цените на енергенсите.

Во петокот цената на суровата нафта „брент“ накратко достигна 110 долари за барел, првпат од мај годинава.

Саудиските власти издадоа предупредувања за опасност во неколку градови на југозападот од земјата, вклучувајќи го и Абха.

Подоцна соопштија дека непосредната опасност поминала.

Во северозападниот дел на Јемен, медиумите поврзани со Хутите известија за нови напади источно од градот Саада.

Саудиската коалиција соопшти дека во таа област уништила два лансера за балистички ракети.

Продолжувањето на нападите дополнително ја влошува безбедносната состојба во Јемен, каде што повеќегодишната војна веќе предизвика тешка хуманитарна криза.

The post 📽️ НОВА ЕСКАЛАЦИЈА НА БЛИСКИОТ ИСТОК Експлозија во Ормуз, проектили во Заливот, ракети врз аеродром appeared first on plusinfo.mk.

Големиот муфтија на Саудиска Арабија, шеикот Салех бин Фавзан Ал-Фавзан, испрати невообичаено остра порака до саудиските војници – да бидат подготвени да ги дадат своите животи во борбата против Хутите. Повикот доаѓа додека проиранската група напредува во Јемен и ја засилува заканата врз стратешкиот теснец Баб ел-Мандеб.

Муфтијата директно им се обрати на војниците на фронтот, повикувајќи се на верската должност за одбрана на земјата и нејзините свети места.

– Заштитата на оваа голема нација и казнувањето на секој што ќе се обиде да посегне по макар еден сантиметар од нејзината територија се меѓу најголемите должности и најблагородните дела на побожност, за кои можат да се жртвуваат животи и души – порача Ал-Фавзан.

Тој ги повика војниците да ги слушаат своите команданти и владетели, нагласувајќи дека ја бранат земјата во која се наоѓаат најсветите места на исламот.

Пораката доаѓа по големите територијални придобивки на Хутите долж јеменскиот брег на Црвеното Море. На 11 септември тие стигнаа и до стратешкиот остров Перим во Баб ел-Мандеб, со што дополнително ја зацврстија позицијата околу поморскиот премин.

Баб ел-Мандеб го поврзува Црвеното Море со Аденскиот Залив и е една од клучните артерии за светската трговија. Безбедноста на пловидбата низ него веќе стана тема и на разговорите меѓу саудискиот престолонаследник Мохамед бин Салман и рускиот претседател Владимир Путин.

Во исто време продолжуваат нападите врз Саудиска Арабија. Саудиските власти на 24 септември соопштија дека пресретнале и уништиле шест балистички ракети, а Советот за соработка на Заливот ги осуди нападите насочени кон Таиф и Јанбу.

Ескалацијата веќе има последици и надвор од бојното поле. Борбите во Јемен принудија повеќе од 100.000 луѓе да ги напуштат своите домови, додека напредувањето на Хутите кон Баб ел-Мандеб ја зголемува загриженоста за пловидбата и снабдувањето преку Црвеното Море.

The post ДРАМАТИЧНА ПОРАКА ОД САУДИЈСКИОТ МУФТИЈА ДО ВОЈНИЦИТЕ Хутите го презедоа стратешкиот теснец Баб ел-Мандеб appeared first on plusinfo.mk.

Најмалку 16 Палестинци, меѓу кои и пет деца, загинаа откако во текот на ноќта се урна повеќекатна станбена зграда во градот Газа. Спасувачките екипи трагаат по десетици луѓе за кои се стравува дека останале заробени под урнатините.

Палестинската Цивилна заштита во средата соопшти дека во уривањето на зградата загинале најмалку 16 лица, додека уште 14 биле повредени.

На снимките што ги верификуваше Ал Џезира се гледаат спасувачи и жители како заеднички ги пребаруваат урнатините. Поради недостиг на соодветна опрема, граѓаните со голи раце отстранувале делови од урнатините.

Според сведоци и верификуваните снимки, од под урнатините можеле да се слушнат повици на деца кои барале помош. На една од снимките се гледа девојче кое спасувачите живо го извлекуваат од урнатините. Од зградата биле извлечени и уште неколку преживеани, меѓу кои и мали деца, кои потоа биле пренесени со возила на итната медицинска помош.

Палестинската Цивилна заштита тврди дека зградата била директно погодена во претходни израелски напади, со што била ослабена нејзината конструкција, што, според соопштението, на крајот довело до уривање.

Во текот на војната во Газа биле оштетени или уништени илјадници објекти, додека израелските ограничувања за внесување градежен материјал и тешка механизација дополнително го отежнале поправањето на оштетените згради и расчистувањето на урнатините.

Gaza: The Happiness Building Special
Gazan media: the Al-Sa’ada (“Happiness”) building in Al-Sina’a, southwestern Gaza City, collapsed on its occupants overnight. 9 dead, 14 injured, about 60 missing.
Because nothing says “happiness” like a same-night structural surprise.… pic.twitter.com/ulV1TnWNp7

— Mossad Customer Support (@LionOfJudahX) September 16, 2026

The post 🎥 СЕ УРНА ВИСОКОКАТНИЦА ВО ГАЗА, НАЈМАЛКУ 16 МРТВИ, 14 ПОВРЕДЕНИ Под урнатините има уште десетици луѓе appeared first on plusinfo.mk.

Американскиот претседател Доналд Трамп откри зошто САД се борат против Иран. Тој вели дека целта е заштита на Израел, Блискиот Исток и на Западот.

– Го правиме ова за да му помогнеме на Блискиот Исток. Го правиме ова за да му помогнеме на Израел. Го правиме ова за да си помогнеме себеси. Ако не бевме ние, откако ќе го уништат Израел, што би биле многу среќни да го сторат, а потоа и Блискиот Исток, ќе ја нападнат Европа и некои од нашите градови – рече Трамп.

Тој оцени дека американските сили постигнуваат „многу добар напредок“ во конфликтот. Претходно испратил и директна порака до израелската јавност.

– Израел не треба да се грижи. Знаете зошто? Бидејќи јас сум претседател и ќе се грижам за Израел – изјави Трамп за израелската телевизија КАН.

Американската војска истовремено го засилува притисокот околу Ормускиот Теснец. Во вторникот САД обезбедиле премин за 40 комерцијални бродови со околу 18 милиони барели нафта.

Тоа бил најголемиот број придружувани бродови од почетокот на војната. Операцијата се одвивала додека американските и иранските сили разменувале напади.

Американските сили погодиле речиси 60 воени цели околу Теснецот. Меѓу нив биле позиции на противвоздушната одбрана, радари, поморски средства и опрема за поставување мини.

Вашингтон сега го става Ормускиот Теснец во центарот на воената стратегија. Приоритет се безбедниот премин на комерцијалните бродови и притисокот врз иранските пристаништа.

Приоритет на САД станува придружувањето на комерцијалните бродови и блокадата на иранските пристаништа. Со тоа САД се обидуваат да го ограничат и иранскиот увоз и извоз на нафта.

The post ТРАМП ОТКРИ ЗОШТО ВОЈУВА ПРОТИВ ИРАН Америка штити 3 нешта од можен удар appeared first on plusinfo.mk.

Иран започна ракетни и напади со дронови врз американски цели во Јордан, Кувајт, Ирак и во Бахреин. Новата ескалација уследи по продолжувањето на американските напади врз Иран и извештаите за петмина загинати на свадбена прослава.

Иранската Црвена полумесечина соопшти дека шрапнели од американски ракетен напад погодиле куќа во Сирик, во јужен Иран. Таму во моментот се одржувала свадбена прослава, пишува Би-Би-Си.

Според организацијата, загинале 5 лица, меѓу кои едно дете. Повеќе од 50 лица биле повредени. Снимки од нападот се проширија на социјалните мрежи, меѓу кои и вознемирувачки видеа.

Американската војска соопшти дека е запознаена со извештаите. Таа негира дека цивилите биле цел на американските сили.

Iran: Images from the wedding site in Bandar Kohostak, Sirik County, which was targeted by a US attack pic.twitter.com/rpECR3cqt9

— Middle East Observer (@ME_Observer_) September 1, 2026

– Американската војска никогаш не ги таргетира граѓаните, за разлика од ИРГЦ – изјави капетанот на американската морнарица, Тим Хокинс, за Би-Би-Си.

Иран потоа возврати кон американските позиции во регионот. Според иранската агенција Тасним, балистички ракети биле испукани кон базата на американските маринци во јорданската Акаба.

Вооружените сили на Јордан соопштија дека пресретнале 13 балистички ракети. Десет биле уништени, а три паднале во оддалечени области.

Нема информации за загинати или за повредени во Јордан. Кувајтската армија соопшти дека противвоздушната одбрана реагирала на ирански ракетни напади. Експлозии беа пријавени и во Бахреин.

Иранската агенција ИРНА објави дека Корпусот на Исламската револуционерна гарда нападнал американски бази и во ирачки Курдистан. Според иранската страна, биле погодени центар за одржување, магацини и опрема.

Нападите следуваат по обновувањето на американските воени операции врз Иран по пауза од околу еден месец.

Централната команда на САД соопшти дека операцијата била одговор на неодамнешни обиди на ИРГЦ за напади. Како цели ги наведе комерцијален брод во Ормускиот Теснец и американски сили во регионот.

Американските сили претходно соопштија дека погодиле два ирански ракетни лансери. Според Вашингтон, тие биле користени за поставување мини во Ормускиот Теснец.

Иранските државни медиуми објавија дека американските проектили погодиле повеќе области во земјата. Меѓу нив ги наведоа Чабахар, Конарак и аеродромот во Џирофт.

САД и Израел започнаа широки напади врз Иран на 28 февруари. Иран возврати со напади врз Израел, американски бази и врз држави во Заливот.

САД и Иран во јуни потпишаа Меморандум за разбирање за продолжување на априлското примирје. Договорот во меѓувреме истече, по што непријателствата повторно се интензивираа.

The post ИРАН ВО ОДМАЗДА ПО ТРАГЕДИЈАТА НА СВАДБЕНА ПРОСЛАВА Ракети полетаа кон американски цели во 4 земји appeared first on plusinfo.mk.

САД и Иран повторно директно разменија напади во ескалација која доаѓа по еден месец мир. Американската војска нападна два ирански ракетни лансери, а Техеран возврати по американски бази во Јордан.

Ова е прв американски напад врз Иран од 29 јули.

Американската војска прва нападна два ирански ракетни лансери на островот Ларак. Островот се наоѓа во стратешки важниот Ормутски Теснец.

Според Централната команда на САД, ЦЕНТКОМ, припадници на Иранската револуционерна гарда подготвувале операција со поморски мини. Американците тврдат дека ракетите требало да исфрлат мини во теснецот.

Footage of US base in Jordan on fire after Iranian ballistic missile strike. pic.twitter.com/rfqef1FsK5

— Syrian Girl (@Partisangirl) August 30, 2026

ЦЕНТКОМ ја опиша операцијата како „ограничена и прецизна акција“. Според американската страна, иранските сили претставувале непосредна закана за пловидбата.

„Иран ја создаде заканата, а американската војска ја елиминираше за да ги заштити цивилните морнари, трговските бродови и слободниот тек на глобалната трговија“, соопшти ЦЕНТКОМ.

Жители од областа пријавија силна експлозија кај Ларак. Малиот остров се наоѓа покрај брегот на Бандар Абас, во јужен Иран.

Иранските државни медиуми објавија дека има загинати и повредени во нападот. Меѓу нив, според овие извештаи, има припадници на иранските сили и цивили. Официјален број на жртви засега нема.

Иранската револуционерна гарда американскиот напад го нарече „стратешка и смртоносна грешка“. Истовремено најави одмазда.

The primary target of Iranian fires tonight appears to be Muwaffaq Salti Air Base in Jordan. Note that the last time Iranian strikes resulted in publicized U.S. KIA, the strikes were on MSAB. Video below shows Patriot interceptions over Jordan tonight during ongoing Iranian… pic.twitter.com/hzINXV36ky

— OSINTdefender (@sentdefender) August 30, 2026

Одговорот стигна со ракети и беспилотни летала.

Иран соопшти дека ги нападна американските бази „Крал Хусеин“ и „Ал Азрак“ во Јордан. Јорданската воздушна одбрана пресретна осум ракети што влегоа во воздушниот простор на земјата.

Според јорданската војска, ракетите ги уништија пред да ги загрозат цивилите и имотот. Нема информации за загинати или повредени.

Новата ескалација дојде само неколку дена по предупредувањето на американскиот претседател Доналд Трамп. Тој порача дека Вашингтон нема да толерира ново минирање на Ормутскиот Теснец.

– Иран е информиран дека секој брод или чамец што поставува нови мини ќе биде веднаш и систематски уништен – рече Трамп.

Последниот американски напад врз Иран беше на 29 јули. Вашингтон тогаш објави „силен бран напади“ врз десетици позиции на Револуционерната гарда.

Следуваше период во кој американската администрација повеќе се концентрираше на економски притисок. Вашингтон воведе нови санкции против компании, банки и земји што продолжуваат да соработуваат со Техеран.

Преговорите меѓу САД и Иран во моментов се во застој. Иран и Оман продолжуваат разговори за можно обновување на поморскиот сообраќај низ Ормускиот Теснец.

Новата размена на удари веднаш се почувствува и на пазарите. Брентот поскапе 2,8 проценти, на 90,57 долари за барел. Американската сурова нафта порасна 2,7 проценти, на 85,64 долари.

The post 📽️ НОВА ЕСКАЛАЦИЈА, САД ГО НАПАДНАА ИРАН По месец мир, страните си разменија оган appeared first on plusinfo.mk.

Премиерот на Израел Бенјамин Нетанјаху тврди дека Иран се обидел да убие еден од неговите два сина. Тој не откри за кој син станува збор, ниту детали за наводниот обид.

– Се случи нешто неверојатно. Иран го таргетираше еден од моите синови. Иран се обиде да убие еден од моите синови – рече Нетанјаху во телефонско интервју за израелскиот Канал 14.

Изјавата ја даде додека зборуваше за безбедноста на Гади Ајзенкот, поранешниот началник на Генералштабот на израелската армија.

Според текстот, израелската безбедносна служба Шин Бет одбила да му обезбеди постојана заштита. Ајзенкот, според анкетите, е во тесна трка со Нетанјаху пред изборите на 27 октомври.

Нетанјаху смета дека Ајзенкот треба да има 24-часовно обезбедување.

– Тоа не е луксуз. Без тоа, Иранците ќе успеат – рече тој.

За атентатот се знаело со месеци?

Нетанјаху има два сина и една ќерка. Тој не кажа дали наводната иранска цел бил неговиот постар син Јаир или другиот син.

Триесет и петгодишниот Јаир живее во Мајами од почетокот на 2024 година. Според објавените информации, таму е под заштита на Шин Бет.

Неговото обезбедување предизвика полемики во Израел поради трошоците што се покриваат од државниот буџет.

Израелскиот новинар Амит Сегал по изјавата на премиерот објави дека за наводниот обид за атентат се знаело „со месеци“. Според него, објавувањето информации за случајот било забрането.

Хамнеи вети одмазда

Изјавата на Нетанјаху доаѓа по тешката воена ескалација меѓу Израел и Иран оваа година.

Во почетниот бран американско-израелски напади на 28 февруари беше убиен врховниот лидер на Иран Али Хамнеи.

Тогаш, неговиот син Моџтаба соопшти дека ги загубил таткото, сопругата, сестрата, нејзиното дете и зетот и вети дека „ќе ја одмазди крвта“ на татко си.

The post ИРАН СЕ ОБИДЕЛ ДА УБИЕ ЕДЕН ОД СИНОВИТЕ НА НЕТАНЈАХУ Израелски новинар вели дека за случајот се знаело со месеци appeared first on plusinfo.mk.

Иран наскоро треба да ја прими првата испорака од голем договор за набавка на кинески рачни противвоздушни ракетни системи, во рамки на кој Техеран треба да добие меѓу 300 и 400 МАНПАДС системи, објави „Ројтерс“, повикувајќи се на три извори запознаени со договорот.

Според информациите, договорот е вреден меѓу 60 и 70 милиони долари, а набавката вклучува кинески преносливи противвоздушни системи КВ-12 (QW-12) и ФН-16 (FN-16). Станува збор за ракети земја-воздух со инфрацрвено наведување, кои се лансираат од рамо и се наменети за уништување на нисколетечки авиони, хеликоптери и беспилотни летала.

МАНПАДС системите се сметаат за значајно засилување на краткодометната воздушна одбрана бидејќи можат брзо да се префрлаат и распоредуваат на различни локации. Иран би можел да ги користи за заштита на воени бази, енергетски објекти и друга стратешка инфраструктура, особено по серијата воздушни напади во регионот кои ги открија слабостите во неговата противвоздушна одбрана.

Според изворите на „Ројтерс“, договорот бил посредуван преку компанија со седиште во Хонг Конг, а логистиката за испораката сè уште се разгледува. Кина официјално не потврди дека стои зад продажбата, а Пекинг претходно отфрлаше слични тврдења за испорака на оружје за Иран.

Набавката доаѓа во период на зголемени тензии на Блискиот Исток и напори на Техеран да ги обнови и зајакне своите одбранбени капацитети, особено против воздушни напади со авиони и беспилотни летала.

The post ИРАН НАБАВИЛ КИНЕСКИ СИСТЕМИ ЗА ПРОТИВВОЗДУШНА ОДБРАНА Зделката одела преку Хонг Конг, а изнесува околу 70 милиони евра appeared first on plusinfo.mk.

Речиси 100 припадници на американските вооружени сили се повредени во последните две недели од ескалацијата на нападите врз Иран, соопшти Пентагон, додека Техеран започна нов бран одмазднички напади по десеттата последователна ноќ американски воздушни удари, пренесува „Гардијан“.

Иранската Револуционерна гарда денеска соопшти дека гаѓала американски воени објекти, вклучително и системи за противвоздушна одбрана и радарска станица во Бахреин и Кувајт. Во меѓувреме, еден танкер во Ормускиот Теснец пријавил дека бил погоден од непознат проектил, поради што екипажот бил принуден да го напушти бродот и да се префрли во спасувачки чамец.

Кувајт, Бахреин и Јордан соопштија дека ги активирале своите одбранбени системи за да ги одбијат нападите. Сепак, бројот на повредени американски војници во базите низ регионот во изминатите недели веројатно ќе предизвика дополнително внимание и подетална анализа на иранските одмазднички акции.

Портпаролот на Пентагон, Шон Парнел, изјави дека огромното мнозинство од повредените претрпеле само „полесни потреси на мозокот“ и дека 96 проценти од нив во меѓувреме се вратиле на должност. Парнел реагираше на напис во „Њујорк тајмс“, во кој се наведува дека Пентагон не ги објавува целосните информации за повредените војници по иранските напади. Тој категорично негираше дека Министерството за одбрана прикрива податоци.

Во текот на изминатата недела тројца американски војници загинаа во борбени дејствија во Јордан и Ирак.

Десетте последователни ноќи американски воздушни напади не го принудија Техеран да ја ублажи контролата врз Ормускиот Теснец, низ кој во мирнодопски услови поминува околу една петтина од светската трговија со сурова нафта и природен гас. Напорите за ограничување на последиците врз глобалната трговија и цените на нафтата дополнително се искомплицираа во понеделникот, откако јеменските Хути, поддржани од Иран, објавија дека воведуваат поморско ембарго кон Саудиска Арабија.

Засега има малку детали за тоа како би функционирало ембаргото, но еден претставник на Хутите изјави дека теснецот Баб ел Мандеб – на јужниот влез во Црвеното Море, низ кој вообичаено минуваат околу 12 проценти од светската трговија – ќе биде затворен за саудиските бродови како одговор на, како што наведе, „неправедната блокада на Јемен што трае повеќе од десет години“.

Хутите и претходно покажаа дека можат сериозно да го нарушат поморскиот сообраќај, напаѓајќи трговски бродови поради војната меѓу Израел и Хамас во Газа.

Саудиската армија соопшти дека ќе го одржува пловниот пат отворен, но новата закана дополнително ќе изврши притисок врз извозот на нафта на земјата, бидејќи Саудиска Арабија веќе го пренасочи поголемиот дел од транспортот преку пристаништата на Црвеното Море поради затворањето на Ормускиот Теснец.

Додека САД и Иран повторно се приближуваат кон сеопфатна војна, иранскиот министер за внатрешни работи отпатува во Пакистан, кој има важна посредничка улога во конфликтот, на разговори со тамошните власти. Сепак, сè уште не е јасно дали може да се постигне нов договор, откако привремениот договор потпишан минатиот месец, чија цел беше прекин на борбите, пропадна.

Пловидбата низ Ормускиот Теснец во голема мера е запрена. Како што конфликтот се интензивира, двете страни почнаа да гаѓаат и цивилна инфраструктура што ја користат милиони луѓе.

Ескалацијата во последните недели ги зголеми цените на нафтата. Референтната цена на суровата нафта „брент“ денеска надмина 88 долари за барел, додека просечната цена на обичниот бензин во САД достигна четири долари за галон, што дополнително ги оптоварува буџетите на американските граѓани во пресрет на ноемвриските меѓуизбори.

The post РЕЧИСИ 100 АМЕРИКАНСКИ ВОЈНИЦИ СЕ ПОВРЕДЕНИ ВО ПОСЛЕДНИТЕ ДВЕ НЕДЕЛИ Продолжуваат жестоките напади на САД и Иран appeared first on plusinfo.mk.

Американскиот потпретседател Џеј Ди Венс отфрли можност за испраќање масовни копнени сили во Иран. Според него, евентуалната промена на власта може да дојде само од иранскиот народ.

САД нема да испратат 150.000 војници во Иран за да урнат режим, порача американскиот потпретседател Џеј Ди Венс. Тој нагласи дека Вашингтон нема намера да води бесконечна воена кампања и дека иднината на иранската власт треба да ја одлучат самите Иранци.

Изјавата доаѓа во време кога дел од американските конзервативци бараат поостар пристап кон Техеран и отворено зборуваат за промена на режимот.

– Ако иранскиот народ сака да се крене и да ја промени својата влада, тоа зависи од нив. Но ние нема да испратиме 150.000 копнени трупи за да постигнеме промена на режимот, освен ако луѓето на терен не сакаат да го постигнат тој резултат. Нема да испраќаме трупи по секоја цена – изјави Венс.

Критика за „бесконечни војни“

Венс ги критикуваше политичарите кои бараат подолга и поширока воена кампања против Иран.

– Тие сакаат воената кампања да трае засекогаш. Притоа не можат јасно да објаснат што точно сакаат да постигнат. Некои од нив сакаат целосна промена на владата во Иран – рече американскиот потпретседател.

Тој оцени дека воениот притисок сам по себе не е доволен за решавање на кризата.

Покрај бомбите, потребна е и дипломатија

Според Венс, конфликтот со Иран не може да се реши исклучиво со воени средства.

Тој нагласи дека покрај бомбардирањето е потребна и дипломатија, која би помогнала да се најде политичко решение и да се избегне понатамошна ескалација на судирот.

The post САД СЕ ОТКАЖАА ОД КОПНЕНА ОПЕРАЦИЈА ВО ИРАН? Само народот може да го смени режимот, вели Ди Венс appeared first on plusinfo.mk.