„СНАЈПЕРОТ НА МЕСЕЧИНАТА“ НИШАНИ ПОГРЕШНО Јапонската сонда слетала прецизно, но се превртела
Сондата слетала на 55 метра од целта место на неколку километри. Според јапонските службеници, станува збор за многу прецизно слетување. Но, има мал проблем. Според сликите испратени назад, таа е превртена наопаку. Сепак, според експертите, мисијата е успешна и покрај тоа што сондата наречена „Снајпер на Месечината“ се срушила по падината на кратер, па соларните батерии се погрешно насочени и не можат да создаваат електрицитет.
Јапонската сонда „Снајпер на Месечината“ викендов слета на Месечината, што е голем историски момент за Јапонија бидејќи таа е петта земја со сонда на површината на Месечината по САД, Советскиот Сојуз, Кина и Индија.
Сондата слетала на 55 метри од целта. Според јапонските службеници, станува збор за многу прецизно слетување. Но, има мал проблем. Според испратените слики, таа е превртена наопаку. Сепак, според експертите, мисијата е успешна и покрај тоа што сондата наречена „Снајпер на Месечината“ се срушила по падината на кратер, па соларните батерии се погрешно насочени и не можат да создаваат електрицитет.
Јапонија се надева дека мисијата ќе ја подобри вселенската програма по низата неуспеси. Две сонди на Јапонија во март и во април минатата година се урнале при обидот за лунарно слетување, па овојпат, и покрај малите технички проблеми, Јапонија постигна успех.