СКРИЕНИТЕ БОГАТСТВА НА ЏИМИ ХЕНДРИКС Необјавени песни на легендарниот рокер одат на аукција
Сега првпат обожавателите на Хендрикс имаат можност да наддаваат за различни лични предмети коишто откриваат повеќе за музичките потфати и за животот на Хендрикс вон сцената. Меѓу предметите има и 50 ретки ленти, вклучително и необјавени снимки, како и лични записи и документи, на пример, рачно напишано барање за извод од Матичната книга на родени, планови за турнеја, па дури и потврди за хемиско чистење на облеката и друго.
Необјавени песни на познатиот американски гитарист Џими Хендрикс се дел од каталогот сувенири коишто му припаѓале на покојниот музичар, а би требало да бидат понудени на аукција во ноември. Организатор на наддавањето е продавницата за забавни сувенири „Пропстор“ (Propstore).
– Кога првпат имавме можност да ја истражиме оваа архива, веднаш бевме воодушевени од длабочината и значењето на материјалот. Ова е неверојатна колекција којашто не само што го отсликува личниот живот на Џими Хендрикс, туку и ве враќа во клучните мигови во музичката историја – изјави консултантот за музика и постери во „Пропстор“, Марк Хонам.
Колекцијата била извадена од архивата на Патриша „Трикси“ Саливан која соработувала и била блиска со менаџерот на Хендрикс, Мајк Џефри.
Сега првпат обожавателите на Хендрикс имаат можност да наддаваат за различни лични предмети коишто откриваат повеќе за музичките потфати и за животот на Хендрикс вон сцената. Меѓу предметите има и 50 ретки ленти, вклучително и необјавени снимки, како и лични записи и документи, на пример, рачно напишано барање за извод од Матичната книга на родени, планови за турнеја, па дури и потврди за хемиско чистење на облеката и друго.