ШТО ПРАВАТ ТРУДНИЦИТЕ НА ОСТРОВ КОГА ИМА БУРА, А ТИЕ ДОБИЛЕ РОДИЛНИ БОЛКИ? Вам ви дошло да раѓате, а на морето да беснее
Додека сте на одмор животот на островите ви изгледа како бајка, но замислете да живеете тука постојано, да сте трудни и згора на сѐ, да добиете родилни болки порано од предвидениот термин, а има бура! Вие со стомак до заби, сте решиле да раѓате, а морето да беснее…
Иако секое одење на одмор, особено на некој убав остров, по малку сте им љубоморни на оние кои живеат тука, ако размислите малку подлабоко веројатно ќе сфатите дека освен убавините во кои тие можат секојдневно да уживаат, а не како вас, само неколку дена или недели, тие се соочуваат и со многу проблеми.
На пример, додека ги гледав мајките кои „дефилираа“ со своите бебиња по пристаништето на еден хрватски остров, носејќи ги во марами или возејќи ги во колички со најразлични облици, наеднаш се сетив дека островите немаат болници…Каде се породуваат жените од хрватските острови?
Се запознав со две мајки, едната од Вис, а другата од Хвар и еве што дознав од нив.
Меѓу дилемите пред кои се наоѓаат трудниците кои живеат на островите на кои нема родилишта, воочи породувањето, е и онаа – кога да се оди на копно за да се биде близу болницата. Конкретно, жителките на островите Вис и Хвар, се породуваат во сплитската болница. Обично одат таму неколку дена пред истекувањето на терминот за породување или тогаш кога ќе им препорача гинекологот.
Прочитајте повеќе на порталот „Мајка и дете“.