ШТО ГО ПРЕДИЗВИКУВА НЕСПИЕЊЕТО КАЈ ДЕЦАТА? Помалку од 9 часа сон има сериозни последици врз мозокот и когнитивниот развој
Децата кои спијат помалку од девет часа секоја вечер имаат значително изменети региони од мозокот поврзани со меморијата и интелигенцијата во споредба со децата кои спијат девет или повеќе часа. Помалку сон кај децата го зголемува ризикот од депресија, анксиозност и импулсивно однесување.
Учениците од основните училишта кои спијат помалку од девет часа секоја вечер имаат значително изменети региони од мозокот поврзани со меморијата и интелигенцијата во споредба со децата кои спијат препорачаните 9 до 12 часа, според новата студија спроведена од научници од Медицинскиот факултет на Универзитетот во Мериленд (UMSOM), која пред неколку дена беше објавена во списанието Lancet Child & Adolescent Health.
Овие разлики во мозочните региони се поврзани со проблеми со менталното здравје – депресија, анксиозност и импулсивно однесување. Недоволното спиење е поврзано и со послаба меморија, решавање проблеми и донесување одлуки.
Ова е прва студија која ги испитуваше долгорочните последици од лишувањето од сон врз неврокогнитивниот развој на децата во предтинејџерската возраст и вклучува податоци за 8.300 деца на возраст од 9 и 10 години.
Повеќе за ова на порталот „Мајка и дете“.