ШТО Е ТОА ПУРПУРЕН ПЛАЧ? Кога бебето плаче 3 часа дневно, 3 дена во неделата, 3 недели по ред, сигурно се колики
Станува збор за неконтролирано плачење што се јавува на возраст од околу 2 недели, кое го достигнува својот врв на околу 6 недели и престанува на возраст од 3 или 4 месеци. Обично се препознаваат според правилото број три. Односно, бебето плаче 3 часа дневно, 3 дена во неделата, 3 недели по ред.
Дали некогаш сте слушнале за пурпурно плачење (purple crying)? Тоа не е ништо друго освен ново име за колики. Некои експерти одлучија да ги преименуваат за подобро да ја опишат фазата во која се наоѓа бебето.
На зборот purple, односно на буквите од кои е содржан им е дадено следното значење:
P (peak) се однесува на врвот на плачење што се јавува на околу 6-тата недела.
U (unexpected) укажува на ненадеен почеток на плачењето и негово престанување.
R (resists soothing) се однесува на неможноста да се смири плачењето.
P (pain – like face) се однесува на изгледот на бебето кое се чини како да е во болки, а всушност не е.
L (long lasting) го означува времетраењето на плачењето кое може да трае и повеќе од 5 часа.
E (evening) го означува времето од денот кога се јавуваат коликите, односно доцна попладне и навечер.
Повеќе за ова на порталот „Мајка и дете“.