СЕМЕЈСТВО ВО СКОПЈЕ ЈА ДОБИ ШЕСТАТА ЌЕРКА Децата се најголемото богатство
Уживаме во улогата на родители, со сите свои убави и стресни моменти што ги носи детството. Моја препорака за сите парови што сакаат и можат е да го зголемат семејството, прекрасно е, порачува Маја Трчевиќ која пред 4 дена ја роди шестата ќерка
Маја и нејзиниот сопруг Предраг Трпчевиќ на 14 август ја добија својата шеста ќеркичка. Објаснуваат дека децата се нивната најголема радост и мотив за сè во животот.
Отсекогаш сакале да имаат големо семејство со многу дечиња. Тие се горди родители на Мила (11,5 години) Лина (9,5), Ева (7,5), Ника (4,5), Нина (3) и новиот член за кого сите заеднички ќе се договорат за името.
„Секое дете се сака еднакво, се сака премногу. Кога бројот на деца во семејството се зголемува, тогаш љубовта се множи. Секој од нас на среќата гледа со свои очи, ја доживува на свој начин, за мене овие деца се среќата. Нив ги гледам како разубавување на животот и стресното и динамично секојдневје. Најбитно од сè ми е да ги гледам како растат и да ги советувам и учам. Уживаме во улогата на родители, со сите свои убави и стресни моменти што ги носи детството. Моја препорака за сите парови што сакаат и можат е да го зголемат семејството, прекрасно е. И покрај кариерата, може да се изгледаат две, па и три дечиња. Правете го она што ве прави среќни“ – вели Маја.
Повеќе за ова прочитајте ТУКА.