СЕКОИ 3 МИНУТИ ЕДЕН МАЖ ВО СВЕТОТ Е ДИЈАГНОСТИЦИРАН СО РАК НА ПРОСТАТА, СЕКОИ 13 ЕДЕН УМИРА ОД ИСТИОТ Ноември – месец посветен на машкото здравје
Ракот на простата напредува бавно и што е најлошо, во почетната фаза често нема никакви симптоми кои укажуваат на неговото постоење. Токму поради високата инциденца на ракот на простатата и на ракот на тестисите, ноември е прогласен за месец посветен на мажите и нивното здравје
Од мажите не се очекува да покажат никаквa слабост. Тие мора да бидат силни, способни и подготвени да го решат секој проблем.
Поради различните притисоци од овој тип со кои секојдневно се соочуваат мажите, се занемарува една работа – здравјето.
Одењето на редовни прегледи кај лекар не е практика и повеќето мажи се одлучуваат на тој чекор само кога ќе „загусти“, а тогаш е најчесто доцна.
Повеќето припадници на „посилниот пол“ веруваат дека ништо нема да им се случи, дека можат сè да издржат, дека сè може да се надмине, а воопшто не размислуваат за подмолниот непријател кој најчесто ги напаѓа мажите, а тој непријател е ракот на простатата и ракот на тестисите.
И токму поради високата инциденца на овие два вида на рак, Светската здравствена организација месецот НОЕМВРИ го посвети на мажите и на машкото здравје – пред сè, на борбата против ракот на простатата и тестисите.
Многумина слушнале за овие болести, но повеќето не сакаат да размислуваат за нив и за нивна превенција. Или мислат дека тоа се болести кои ги погодуваат само постарите мажи. А тоа е далеку од вистината.
Повеќе за ова прочитајте ТУКА.