САКАТЕ СУПЕРИМУНИТЕТ ПРОТИВ КОРОНАТА? Има два начина тоа да го постигнете
Не е важно дали прво ќе го прележите коронавирусот, па потоа ќе се вакцинирате, или тој ќе ве фати откако сте се боцнале. Вашите антитела и во двата случаи може да бидат и до 10 пати посилни, велат научниците. Но, ова не значи дека треба намерно да се заразуваме со коронавирусот.
Суперимунитет е термин кој се користи за да се опише кога некој едноставно е непродорен на коронавирусот. Но, научниците од Универзитетот за здравје во Орегон истражија што е потребно за да го постигнеме ова. Има два начина, или да се заразиме па да се вакцнираме, или да ни се случи вирусот да „нè фати“ и покрај тоа што сме вакцинирани, пишува ИФЛ Наука.
Всушност, нема многу разлика дали ќе се заразиме пред или по вакцинирањето, открива студијата објавена во НаучнаИмунологија.
„Не е важно дали ќе се заразите, па потоа ќе се вакцинирате, или прво да се вакцинирате, а потоа да ве фатила инфекција“, напиша во студијата д-р Фикаду Тафесе, доцент по молекуларна микробиологија и имунологија во Медицинскиот факултет на Орегон.
„Во секој случај, ќе добиете навистина, навистина силен имунолошки одговор – неверојатно висок“, додава тој.
Дотолку ова ново истражување е позначајно од претходните од истиот Универзитет, во кои се тврдело дека само „пробивните“ инфекции, тие по вакцинацијата можат да нè направат суперотпорни.
Кој е ефектот? Анализите на крвниот серум откриле дека антителата се изобилни и најмалку 10 пати посилни во споредба со заштитата што ја даваат самите вакцини. Сепак, важно е да се забележи дека резултатите направени врз истражувањето што било направено пред да се појави омикрон-сојот, така што додека истражувачите очекуваат имунолошкиот одговор да е сличен и на новата варијанта, тоа ќе мора понатаму да биде испитувано.
„Имунитетот само од природна инфекција е променлив. Некои луѓе даваат силен одговор, а други не. Но, вакцинацијата во комбинација со имунитетот од инфекција речиси секогаш дава многу силни одговори“, напиша д-р Марсел Курлин, еден од авторите на студијата.
Сепак, предупредуваат докторите, ова не е повик до вакцинираните намерно да се заразуваат.