„САКАШЕ ДА МЕ ПИКНЕ ВО БАРДОВЦИ И ДА МИ ГИ ЗЕМЕ ДЕЦАТА!“ Мајка раскажува за семејната драма и среќниот крај – споделеното родителство
Луѓе, ова функционира! Младата жена која го кажа ова пред присутните на неодамнешната трибина за заедничко родителство по развод, зборуваше за своето искуство со поранешниот партнер и татко на нивните две малолетни деца. Помислив дека конечно ќе имаме една убава приказна за споделено родителство, но излезе дека до ваквиот расплет не дошло баш толку лесно.
Нашата соговорничка е велешанка која од 2011 година живее во Скопје. Има 35 години, неуспешна вонбрачна врска со двојно постар маж и две деца, син кој наскоро ќе полни 10 и ќеркичка која наскоро ќе полни 8 години.
Иако мислев дека ќе имаме една убава приказна за среќна разделба на двајца совесни родители кои практикуваат споделено родителство (децата по разделбата на нивните родители поминуваат отприлика исто време и со двајцата), приказната, иако има, ако може така да се каже, среќен крај, сепак не е баш таква како што ја замислував. Има во неа и многу драматичен заплет, голем стрес и ужасно тежок период.
И не, ако мислите дека причината за неуспехот на оваа врска е разликата во годините, не сте во право. Ниту таа некогаш се покајала затоа што одбрала двојно постар партнер, ниту пак неговата возраст некогаш ѝ била пречка или пак предност. После сите неубави и речиси неверојатни настани, кога наеднаш нејзиниот партнер и таткото на нејзините деца, од сериозен човек во кој таа имала целосна доверба, се претворил во некој и во нешто што и до ден денес не го разбира, нашата соговорничка сѐ уште тврди дека биле одличен пар.
Целата приказна прочитајте ја на порталот „Мајка и дете“.