РУСКИТЕ ГЕНЕТИЧАРИ РАЗВИЈА ТРЕТМАН ЗА ХЕПАТИТИС Б И МОЖЕН ЛЕК ЗА РАК Наночестичките навлегуваат во 95 проценти од заразените клетки
Секоја наночестичка содржи стотици копии на антивирусни комплекси кои целосно ги елиминираат вирусните фрагменти во клетките. По 24 часа, според рускиот генетичар Дмитриј Костјушев, во црниот дроб не остануваат траги од лекот. Исто така, според него, клетките не го препознаваат лекот како туѓо тело.
Руски научници тврдат дека ја развиле првата генетска терапија што може целосно да го искорени вирусот на хепатитис Б – болест која денес бара доживотна терапија.
Лабораторијата за генетски технологии при Универзитетот „Сеченов“, под раководство на Дмитриј Костјушев, објави дека користи модифицирана ЦРИСПР/Цас9 технологија со биокамуфлажа, создадена без вирусни компоненти.
– Користејќи систем на биоразградливи наночестички, првпат успеавме да спакуваме CRISPR/Cas комплекси со ефикасност од речиси 80 проценти – изјави Костјушев за „РИА Новости“.
Тој објаснил дека секоја наночестичка содржи стотици копии на антивирусни комплекси кои целосно ги елиминираат вирусните фрагменти во клетките. По 24 часа, според него, во црниот дроб не остануваат траги од лекот, а клетките не го препознаваат како туѓо тело.
„Нашите системи за испорака се универзални – можат да се користат за корекција на мутации, уништување тумори или сузбивање инфекции“, додал научникот, навестувајќи дека истата технологија би можела да се примени и против рак.