РУСИЈА ИМ НУДИ ТИТУЛА И ПАРИ НА МАЈКИТЕ СО 10 ДЕЦА Демографскиот предизвик ја враќа на тронот мајката хероина
Владата на Русија објави дека ја оживува почесната титула Мајка хероина од советската ера за жените кои имаат 10 или повеќе деца. Тие се одлучија на овој потег бидејќи се соочуваат со пад на населението, кој се забрза по инвазијата на Украина.
Според указот потпишан од претседателот Владимир Путин оваа недела, титулата ќе им биде доделена на оние кои ќе родат и ќе одгледуваат 10 руски државјани, а ќе добијат сума од еден милион руски рубљи (околу 16.000 евра) кога 10-тото дете ќе наполни една година.
Во него се наведува дека на децата мора да им се обезбеди „соодветно ниво на здравствена заштита, тие мора да се образуваат и да се развиваат физички, духовно и морално“. Сите 10 деца мора да бидат живи, освен ако не загинале за време на воена, службена или цивилна служба или во терористички напад, пишува CNN.
Титулата Мајка хероина е востановена во 1944 година и се доделувала до распадот на Советскиот Сојуз во 1991 година. Победниците ќе го добијат Орденот на петкрака ѕвезда. Мајките хероини се еднакви со оние кои ја добиваат титулата Херој на Руската Федерација за храброст или оние кои се наградени како херои на трудот за служење на државата.
Повеќе за ова на порталот „Мајка и дете“.