РУСИЈА БИ МОЖЕЛА ДА ГО СОПРЕ УРАНИУМОТ ЗА САД До петтина од енергијата Американците ја црпат од нуклеарки
Ова може да доведе до затворање на реакторите, имајќи предвид дека нуклеарната енергија сочинува повеќе од 20 отсто од капацитетот во некои делови од земјата, а цените на електричната енергија ќе скокнат дури и над оние од сегашната инфлација, се вели во написот.
Русија би можела да престане да им испорачува збогатен ураниум на американските енергетски компании, како контра-мерка на ембаргото за нафта, а тогаш САД би можеле да се соочат со проблеми во работата на своите реактори, пишуваат истражувачи од Центарот за глобална енергетска политика на Универзитетот Колумбија во статија за американскиот „Хил“.
„Ова може да доведе до затворање на реакторите, имајќи предвид дека нуклеарната енергија сочинува повеќе од 20 отсто од капацитетот во некои делови од земјата, а цените на електричната енергија ќе скокнат дури и над оние од сегашната инфлација“, се вели во написот.
Авторите потсетуваат дека многу реактори во САД и во Европската унија се произведуваат во Русија, која исто така испорачува компоненти. Ако конфликтот меѓу Москва и Западот продолжи, тогаш многу нуклеарни централи ќе бидат принудени да престанат со работа.
Според новинарите, за да се излезе од ситуацијата, неопходно е да се обнови работата на фабриката за пренамена во САД, која долги години не работи, иако не може да работи со полн капацитет без помош на владата.
Ураниумот исто така допрва треба да се збогатува, а приватните компании во САД ќе треба да ја проучат технологијата за проширување на производството за да ги заменат руските испораки.