📽️ РОБОТИТЕ ЌЕ НÈ ОСЛОБОДАТ ОД РАБОТА, ВЕЛИ МАСК За 10 години од сега работењето ќе биде хоби?!
Вештачката интелигенција и хуманоидните роботи всушност ќе ја елиминираат сиромаштијата, изјави милијардерот Илон Маск, додавајќи дека човештвото мора да се подготви за „структурни промени“ кои ќе го преобликуваат општеството.
Технолошкиот визионер и еден од најбогатите луѓе на планетата Илон Маск изјави дека светот влегува во најрадикалната промена во човечката историја – ера кога луѓето повеќе нема да мора да работат.
Говорејќи на американско-саудискиот форум во Вашингтон, тој предвиде дека во рок од 10 до 20 години, вештачката интелигенција и хуманоидните роботи целосно ќе ја елиминираат сиромаштијата.
– Вештачката интелигенција и хуманоидните роботи всушност ќе ја елиминираат сиромаштијата – изјави Маск, додавајќи дека човештвото мора да се подготви за „структурни промени“ кои ќе го преобликуваат општеството.
Elon Musk says in “10-20 years, work will be optional,” due to the rise of AI.
“Money will stop being relevant at some point in the future.” 👀 pic.twitter.com/ILeL8XGBXJ
— Breaking911 (@Breaking911) November 19, 2025
Маск, кој управува со „Тесла“, „Спејс-Икс“ и „xAI“, истакна дека цивилизацијата се движи кон свет во кој традиционалната работа ќе стане избор, а не потреба.
– Моето предвидување е дека работата ќе биде опционална. Ќе биде како занимавање со спорт или играње видеоигри. Може да купите зеленчук во продавница, а можете и да го одгледувате дома. Многу е потешко, но некои луѓе тоа го прават затоа што сакаат. Така ќе биде и со работата – избор, а не обврска – нагласи тој.
Притоа Маск подвлече дека технолошката револуција ќе создаде нови вредности и дека креативноста, а не продуктивноста, ќе стане најважната човечка способност.