ПУТИН ЗНАЕ, НО НИКОГАШ НЕМА ДА ЈА ПРИЗНАЕ ГРЕШКАТА Поранешниот команданат на НАТО вели дека војната ќе има примирје за 6 месеци

Рускиот претседател Владимир Путин „сфаќа дека направил грешка“ со инвазијата на Украина, изјави во неделата поранешниот врховен командант на НАТО Џејмс Ставридис за време на радио емисија, пишува Њузвик.

– Дали Путин сфатил дека направил грешка или сè уште мисли дека ја направил вистинската работа? – водителот го праша поранешниот лидер на Алијансата.

– Мислам дека во темните, тивки часови во два часот по полноќ, кога ќе се разбуди, (тој) сфаќа дека направил грешка. Јавно, тој никогаш нема да го признае тоа. Никогаш. Тој ќе продолжи да ја одржува оваа фикција која Украина ја водат „неонацисти“. Очигледно, ова е смешно – одговори Ставридис.

– Путн ќе остане на ставот дека НАТО некако го турна во овој агол, во овој конфликт. Сè што произлезе од оваа окупација на Владимир Путин се санкциите што следеа и (руското) воено повлекување. Мислам дека тој го знае тоа во своето срце, но никогаш нема јавно да го признае тоа- продолжи тој.

Ставридис беше прашан и кога мисли дека војната ќе заврши. Тој рече дека двете страни се најмалку шест месеци до изнаоѓање решение. Сепак, тој рече дека она што „нè води кон преговори“ се „тешкотиите со кои се соочува Путин додека гори низ војниците“ и уништувањето на руската воена опрема.

– Му гори на Путин, гори способноста (на руската војска). Би рекол дека, шест месеци од сега тој ќе биде во многу големи проблеми – рече поранешниот лидер на НАТО и додаде:

– Од другата страна на бојното поле, Зеленски мора да признае дека трпението на Западот и континуираниот проток на готовина и оружје не се бесконечни. Мислам дека и двата фактори на крајот ќе ги поттикнат страните да дојдат до некаков вид на преговори.

Ставридис во интервју минатиот месец  рече дека верува оти руско-украинската војна најверојатно ќе заврши за четири до шест месеци и ќе заврши слично на Корејската војна.

– Гледам дека оваа се движи кон крајот сличен на Корејската војна, што ќе рече примирје, милитаризирана зона меѓу двете страни, тековно непријателство, еден вид замрзнат конфликт. Ова ќе можеме да го видиме за четири до шест месеци од сега. Ниту една страна не може да издржи повеќе од тоа – рече тој тогаш.

Во интервју минатата недела, Курт Волкер, угледен соработник во Центарот за анализа на европската политика (ЦЕПА) и поранешен специјален претставник на САД за преговорите за Украина, рече дека верува оти Русија е во „слаба позиција“ во војната, наведувајќи ги воените загуби и политичката изолација.