ПОВЕЌЕ ОД 170.000 БОРЦИ ОД ОКОЛНИТЕ ПАРАВОЈСКИ СЕ ОПАСНОСТ ЗА ИЗРАЕЛ? Хамас и Иран најдоа заеднички јазик кога Хамас ја поддржа Сирија
Прашањето е во кој момент Иран реши да ги поддржи фракциите, вклучувајќи го и Хамас во Израел, без разлика што Хамас се сунити? Се смета дека Хамас и Иран најдоа заеднички јазик кога Хамас се откажа од својата поддршка за рушењето на Асад во Сирија, а поради фактот дека Асад е од шиитска фамилија.
Mеѓу 170.000 и 200.000 борци се проценува дека бројат муслиманските, главно шиитски паравојски во земјите околу Израел. Тие се групирани под еден чадор под името Сили на народната мобилизација и официјално се дел од безбедносните сили на Ирак. Но, дел од нив му се верни на Иран, односно на Иранската воена гарда. Во очи на самата војна која се случува во Израел, поранешниот американски државен секретар Хенри Кисинџер предупреди дека арапските земји можат лесно да се вклучат во војната.
Дали тоа беше причината што Израел мобилизираше 300.000 луѓе во речиси едно деноноќие?
Поранешниот шеф на Хамас кој повика на иницијалниот напад во војната минатиот петок рече дека „петок е ден за џихад“. Тој ги нарече луѓето од муслиманските земји „јордански племиња, синови на Јордан“ кои треба да го применат џихадот од теорија во пракса.
Во меѓувреме, се зголемија сомнежите дека војната се шири во Сирија. Сириските власти во четвртокот обзнанија дека Израел нападнал аеродроми во Дамаск и во Алепо. Израел деновиве паралелно се бори со упади на северниот дел на земјата, меѓу кои упади од соседен Либан, каде оперира групата Хезболах.
И Хезболах е дел од Силите за народната мобилизизација. Хезболах му е верен на Иран и спаѓа дел од неколкуте фракции внатра во силите. Од 67 организации внатре, повеќето се шиитски. Но, во јануари 2016 година, премиерот на Ирак, Хајдер ал-Абади, одобри назначување на 40.000 сунитски борци. Toa ja oтвора можноста за соработка со Хамас во Израел.
Професорот Марко Блажиќ од српскиот Центар за општествена безбедност за српска Политика вели дека целиот пакет организации всушност е под контрола на Иран, пренесува Мондо. Прашањето е во кој момент Иран реши да ги поддржи фракциите, вклучувајќи го и Хамас во Израел, без разлика што Хамас се сунити?
Дека Хамас биле потпомогнати во тековната војна на Израел се шпекулираше во многу медиуми. Блажиќ вели дека не е случајно што Хамас точно знаел кои се најслабите точки во одбраната на Израел со помош на сателитски снимки, имал параглајдери, квадрикоптери, ракети, слетувања од морето, дека воопшто имал тактика укажува на помош однадвор.
– Како успеаја да го обучат Хамас, не треба да заборавиме дека во Хамас се сунити, Иран ги поддржува шиитите и шиитските милиции, а точката на разидување меѓу Хамас и Иран беше Сирија, каде што семејството Асад припаѓаше на Авитите кои се шиити. Асад го поддржа Иран, додека Хамас навиваше за соборување на Асад. Пред две години Хамас се откажа од ова и се зборува дека биле постигнати некои тајни договори меѓу Хамас и претседателот Асад. Многу е веројатно дека Иран успеал да го обучи Хамас за краток период на време, откако групата ги реши своите несогласувања со Сирија – заклучи тој и нагласи дека Хамас нема да може да го стори тоа без одредена логистичка поддршка.
Американскиот претседател Џо Бајден ги демантираше обвинувањата дека шест милијарди кои беа одмрзнати од САД, а наменети за Иран како хуманитарна помош, завршиле како средства за помагање на Хамас.
Израелскиот претседател Исак Херцог во четвртокот најави дека Израел се подготвува за долга војна против Хамас во Газа. Израел исто така најави дека нема да допушти хуманитарна помош за Појасот Газа додека не бидат ослободени стотината заложници кои се наоѓаат таму.