ПОСТОИ ПОВРЗАНОСТ ПОМЕЃУ АПНЕЈА И ДЕМЕНЦИЈА! Нетретираното нарушување при спиење може да резултира со опасни срцеви проблеми
Апнеата е нарушување на спиењето кое се карактеризира со гласно ‘рчење и чести будења. Симптомите на апнеја, која погодува многумина, може да доведат и до деменција, според студијата објавена во 2022 година во списанието Nature Communications. Така е откриена врска помеѓу недостатокот на кислород во мозокот во текот на спиењето и Алцхајмеровата болест кај глувците.
Синдромот на опструктивна апнеја, или накратко апнеја, може да предизвика бројни проблеми. Еден од главните е тоа што предизвикува будење кое доведува до замор поради прекинатиот сон. Предизвикува и ‘рчење, што ѝ пречи на личноста која страда од апнеја, како и на оние околу нив. Исто така, поради ова нарушување на спиењето, потешко е да се добие и возачка дозвола.
Предизвикува стеснување на ѕидовите на грлото за време на спиењето
Експертите предупредија дека нетретираната апнеја при спиење може да резултира со опасни срцеви проблеми.
Sleep Apnea Trust наведува дека околу 10 милиони луѓе во Велика Британија живеат со апнеја, а четири милиони имаат умерени или тешки симптоми.
Апнеата предизвикува стеснување на ѕидовите на грлото за време на спиењето, што резултира со низа симптоми како што се гласно ‘рчење, често будење и испуштање звуци на задишаност, шмркање или гушење додека лицето се одмара.
Горенаведеното може да доведе и до замор во текот на денот и тешкотии во концентрацијата. Може да се поврзе и со деменција.
Повеќе за ова прочитајте ТУКА.