ПОЛОВИНА СВЕТ ГЛАДУВА, ПОЛОВИНА ФРЛА ХРАНА! Дали оставате наполу изедено јадење во чинијата?
Често во рестораните гледаме гости кои ја нарачуваат храната, јадат едвај четвртина, а другото го оставаат без око да им трепне. Дали станува збор за аздисаност, за некултура или едноставно, незаинтересираност за реалноста на сите гладни наоколу и во светот, кои би биле среќни кога би можеле да добијат макар и само толку колку што се остатоците од нивните чинии?
Ви се случува ли често да зготвите нешто, да ви дојдат гости, да ги наполнат чиниите и да ги остават полуиспразнети? Ви се случува ли да одите во ресторан и да видите луѓе кои нарачуваат храна, јадат едвај четвртина, а другото го оставаат без око да им трепне.
Дали и вас срцето ве боли додека ги празните недојадените чинии? Дали кога гледате како чиниите со недојадени оброци се трупаат едни врз дури за потоа да се истресат во кантите за отпадоци, си замислувате како би им изгледало ова на оние чии деца умираат од глад?
Се прашувате ли некогаш – ЗОШТО?
Некој можеби ќе каже дека, едноставно се најале, дека порцијата била поголема отколку што мислеле или пак дека не им се допаднал вкусот?
И тоа е сосема легитимно, но сепак не е оправдување за фрлање храна.
Тажен трофеј на ароганцијата
Во такви случаи, најкултурно и најодговорно би било да побараат храната да им биде спакувана и да ја понесат дома. Ако во моментот се сити, добро ќе им дојде подоцна или следниот ден, а ако не им се допаднала, можеби ќе им се допадне на домашните миленици или на бездомните животни. Не се секирајте, нема да изгледате бедно и никој нема да ве гледа чудно – напротив.
Повеќе за ова на „Арт кујна“.