ПОЧИНА НАЈСТАРАТА ЖЕНА ВО СВЕТОТ Иранката Масумех проживеа 125 години
Иранката родена на 23 септември 1899 година, почина завчера во Машхад, во североисточниот дел на Иран.
Масумех Санеи Тороги, најстарата жена во Иран и во светот, почина во својата 125-та година од животот, како што покажуваат податоците од нејзините лични документи. Таа пред скоро три години беше призната за најстара жена на светот.
Иранката родена на 23 септември 1899 година, почина завчера во Машхад, во североисточниот дел на Иран. Според овие податоци, Масумех поживеа три години повеќе од Французинката Жан Калмен, која во 1997 година почина на 122-годишна возраст.
Причината за сомневање во веродостојноста на податоците за „новата“ најстара жена во светот е тоа што Иран почнал да издава документи од матичните книги дури во 1918 година, односно цели 20 години по раѓањето на Масумех Санеи Тороги.
Според Гинисовата книга на рекорди, најстарата жива жена на светот е Марија Брањас Морера од Шпанија, која на 4 март ќе го прослави својот 117. роденден.