ПЕТ ЛИЦА ВО АВСТРИЈА ПОЧИНАЛЕ ОТКАКО ЈАДЕЛЕ СРПСКИ КАЈМАК Директорот на млекарницата обвинет за убиство од небрежност

Поранешниот директор на млекарницата Глогниц  во Виена е обвинет за убиство од небрежност. Во периодот помеѓу 2020 и 2022 година, наводно во млекарницата се појавила смртоносна бактерија. 5 лица починале од инфекцијата, а уште 6 се разболеле. Меѓу болните имало и бебе кое од раѓање боледува од листериоза, а девојче преживеало фатална сепса, пренесува Космо.

Судењето започна во септември 2023 година според изјавите на сведоците, кои укажаа на ужасните услови во фабриката за сирење – имало стаорци и се чувствувало непријатен мирис. Покрај низата дефекти за одржување, утврдено е и дека вработените не поминале соодветна обука и дека возилата за испорака не биле соодветно ладени.

Експертите во текот на постапката откриле дека кај пациентите била пронајдена бактеријата листерија, која била пронајдена и во српскиот кајмак произведен во млекарницата Глогниц.

-Нема сомнеж дека овие примероци потекнуваат од истиот извор – вели експертот, додавајќи дека сигурно имало повеќе пациенти, но тие не биле идентификувани поради поблаги симптоми.

Поранешниот директор на мчлекарницата во Виена изрази жалење за тоа што се лучило.

– Најтрагичното нешто во овој случај се луѓето кои повеќе не се со нас. Без разлика дали сум виновен или не, тоа е најлошото нешто што можеше да се случи. Многу ми е жал – рече тој.

Во текот на истрагата, обвиненијата против директорот кој е роден во Србија, биле проширени. Имено, јавниот обвинител го обвинил дека повредил жена во неговата канцеларија.

„Ја повредил така што грубо ја фатил за врат и ѝ удирал шлаканици“ – известуваат од обвинителството.

Потоа беше објавено видео од инцидентот на кое се гледа како жената силно вреска додека директорот грубо ја турка, пишуваат австриските медиуми.

– Не ја удрив, ја стиснав и можеби малку посилно ја зграпчив – се правдал обвинетиот пред судот.

Исто така, во текот на постапката тој беше обвинет за кражба на готовина од касата на неговата фирма, но рочиштето по тие обвиненија е закажано за 14 март. Покрај казната од 13 месеци затвор, поранешниот директор ќе треба да плати и 25.000 евра оштета за тројца болни. Пресудата сè уште не е правосилна.

Инаку, листеријата е бактерија која се појавува во млечните производи и предизвикува листериоза, бактериска цревна инфекција која може да биде фатална.