ОТКРИЕНА ОРГАНСКА МАТЕРИЈА ВО РАНИОТ УНИВЕРЗУМ Телескопот Џејмс Веб ги збуни трагачите по живот во вселената

Остатоци од органски соединенија во раните фази на универзумот успеа да пронајде Џејмс Веб, најголемиот телескоп кој човештвото го поседува. Изненадувачкото откритие фрла ново светло во играта за пронаоѓање живот во космосот. Но и овие полициклични ароматични јаглеводороди не се за потценување!

Тие се класа на органски соединенија кои содржат прстен од јаглеродни атоми кои можат да се формираат за време на компресија и загревање на органската материја. Освен во јаглен, овие соединенија можат да се најдат и во чадот, смогот и суровата нафта, пишува НаученАларм.

Од друга страна, нивното потекло може да биде и небиолошко. Всушност, колку што знаеме, повеќето вакви соединенија во Универзумот се небиолошки. И има многу од нив таму.

Овие соединенија лебдат меѓу ѕвездите. Дури 15 отсто од јаглеродот меѓу ѕвездите е од овие „саѓи“.

Како успеа телескопот да ги забележи? Тие ја апсорбираат светлината, а потоа ја емитуваат во инфрацрвени бранови, онакви какви што емитува, на пример, вашата микробранова печка.

Но, тоа само по себе не било доволно за да се направи откритието. Овие инфрацрвени бранови до нас не доааѓат  директно, туку се искривени од гравитацијата која ја има во галаксиите – во случајот тоа е древната галаксија SPT0418-47 со сина боја оддалечена неверојатни 3 милијарди светлосни години.

Инфрацрвениот зрак оттаму доаѓа искривен, зголемен, понекогаш и дуплиран. Телескопот мора да користи посебна техника и леќи за точно да го отчита зракот кој има должина од само 3,3 микрометри.

Сега научниците се мачат да одговорат зошто јаглеродни саѓи има распрскани по целиот универзум, па дури и во времето на неговото создавање, само 1,5 милијарди години по големиот Бенг. Дали можеби ова ќе ни каже нешто за тоа како галаксиите, како нашиот Млечен Пат еволуирале низ времето?