ОД МОДНА РЕВИЈА, НА ФУДБАЛ Децата со Даунов синдром го прославуваат својот ден – 21.Март
Денес во Кавадарци, во организација на Фудбалскиот клуб Карпошово од Скопје и општина Кавадарци, децата со Даунов синдром од повеќе градови ќе го одбележат Светскиот ден на лицата со Даунов синдром со пријателски фудбалски натпревари. Вчера тие беа дел од манифестацијата „Убави сме, свои сме“ во Струмица
Сузана Стојановска од здружението „Доза среќа“ од Скопје вели дека денес Светскиот ден на лицата со Даунов синдром, наместо во Скопје, ќе го прослават во Кавадарци, и тоа, во духот на спортот.
Таа и десетина деца со Даунов синдром од Скопје сабајлево тргнаа за Кавадарци каде што ќе бидат дел од спортските настани во организација на Фудбалскиот клуб Карпошово од Скопје и општина Кавадарци.
Таму децата ќе одиграат неколку фудбалски пријателски натпревари, а ќе има и атлетика.
Значи, сѐ ќе биде во духот на спортот, откако вчера, во Струмица, децата со Даунов синдром прошетаа на модна писта како дел од настанот „Убави сме, свои сме“, кој годинава го прослави своето петто јубилејно издание во организација на здружението „Вера“.
Прочитајте повеќе на порталот „Мајка и дете“.