ОД КОНОБА СО МАКЕДОНСКИ ШЕФ, ДО ЏЕЛАТО ОД ГОСТИВАРСКИ МАЈСТОР Еве каде среде Сплит ќе јадете како цар
Едно од местата во кои можете да јадете како цар, во срцето на Сплит, поточно, во палатата на царот Диоклецијан, е коноба „Корта“ која освен по првокласната храна, за нас е интересна и привлечна затоа што во неа рамноправен партнер и шеф на кујна е македонскиот шеф Дејан Карапеев. За меракот да е поголем, во рамки на Диоклецијановата палата има уште еден македонски маестро, а тоа е сопственикот на џелатерија Пумпарела во која можете да се заблажите со највкусниот сладолед.
Ако патот ве одведе во Сплит, секако дека едно од местата кои не можете да ги заобиколите е Диоклецијановата палата која е на листата на светското наследство на УНЕСКО. Ова здание, старо повеќе од 1700 години, било изградено од царот Диоклецијан во 3 век од нашата ера. Подоцна околу палатата бил изграден градот Сплит, па денес токму таа е срцето на градот каде што може да се најдат најважните историски градби, какви што во внатрешноста на палатата се црквата „Свети Дује“ и храмот на Јупитер.
Диоклецијановата палата е еден од најдобро зачуваните споменици на римската архитектура во светот и без разлика колку пати ќе ја посетите, никогаш нема да ги откриете сите нејзини приказни.
Обидете се да научите барем една нова секој пат кога ќе одите таму, а потоа седнете си во некој од убавите локали во нејзината внатрешност, сумирајте ги впечатоците и вкусете ја далматинската кујна. Едно од местата во кои можете да јадете како цар, е коноба „Корта“ која освен по првокласната храна, за нас е интересна и привлечна затоа што во неа рамноправен партнер и шеф на кујна е триесетипетгодишниот македонски готвач Дејан Карапеев, кој веќе со години е успешен во кулинарските кругови во Македонија, но и во Далмација.
Повеќе за ова прочитајте на порталот „Арт кујна“.