НОВ „БЕРМУДСКИ ТРИАГОЛНИК“ На ова место во рок од две години исчезнале 700 луѓе

Ѓаволското Море (Ma-no Umi на јапонски), познато и како Змејовиот триаголник, е област во Тихиот Океан околу брегот на Јапонија и островите Огасавара, која опфаќа добар дел од Филипинското Море. Лежи директно спроти Бермудскиот триаголник и се смета за негов пацифички „колега“. Згора на сѐ, евидентирани се активности во областа кои тешко се објаснуваат.

Пред неколку илјади години, Кинезите верувале дека во тоа море живее монументален змеј кој ги влечел бродовите до дното за да го нахрани својот глад. Затоа, не е чудно што исчезнувањето на бродовите во Ѓаволското Море денес многумина му го припишуваат на ова митско суштество.

Постојат приказни за тоа како големиот монголски водач Кублај Кан се обидел да ја нападне Јапонија уште во 13. век, но изгубил 40.000 луѓе токму во Змејовиот триаголник. Во текот на 19. век, многу морнари пријавиле ненадејна појава на мистериозни дами на своите бродови.

Сепак, најпознатата приказна датира од 1952 година, кога во септември исчезнал истражувачкиот брод Каи Мару бр. 5 со целосен екипаж од 31 човек. Истражувачите ја истражувале активноста на подводниот вулкан Миоџин-шо и никогаш не се вратиле дома.

Според натписите на Чарлс Берлиц од 1989 година во книгата „Змејовиот триаголник“, од 1952 до 1954 година, јапонската армија загубила пет брода со околу 700 луѓе на ова подрачје, поради што јапонското министерство за поморски сообраќај и риболов го прогласило за опасно во средината на минатиот век.

Што навистина се случило со исчезнатите луѓе и бродовите никогаш не е целосно разјаснето, како што е случајот и со Бермудскиот триаголник.

Науката тврди дека не станува збор за паранормални активности, туку за постоење на заробени количини опасни гасови на морското дно. Поточно, станува збор за наслаги на метански клатрат, кој на температура повисока од 18 степени Целзиусови може да предизвика неверојатна експлозија и да потопи бродови без никакви остатоци или докази.