НИКОЛА ТЕСЛА СПИЕЛ ПО 2 ЧАСА НА ДЕН, КАМИОНЏИИТЕ НЕ СПИЈАТ И ПО 40 За животот и патешествијата на еден македонски камионџија со странски таблици
Да, можам да издржам и да не спијам и по 40 часа, со само некој мал одмор од час, час и половина или најмногу два. Мислам дека е веќе навика и реално, некогаш ми се доволни и само 15 минути за да бидам како нов. Можеби е така најмногу кога патувам накај дома, поради желбата да се стаса побргу кај своите“, вели нашиот соговорник, камионџијата Дарко.
Незнам дали некогаш сте делеле трошоци за превоз со непознати луѓе, на пример, преку БлаБлаКар, ама знам дека е тоа стопати подобра варијанта отколку возењето со автобус.
Секако, ако ви се погодат сопатниците. Или ако за возач ви се погоди камионџија што после два месеци си доаѓа дома на заслужен одмор од две недели и за да остане буден, расположен е да ви раскаже сѐ што ве интересира за животот во камион.
Летово, на враќање од Загреб, запознав двајца камионџии. Едниот беше нашиот возач, а другиот, само уште еден непознат сопатник кој ни се придружи во близина на Бабина Греда, во вуковарско-сремската жупанија во Хрватска.
Патем дознавме дека патувањето на нашиот возач Дарко почнало од германскиот град Бон, кадешто престојува додека вози камион за словенечка фирма, дека продолжило до Словенија кадешто ја средувал документацијата во својата компанија и дека конечно успеал да дремне околу час-час и половина, додека не чекал на договореното место, еден паркинг во Загреб.
Додека стасавме во Скопје, беа поминати цели 40 часа откако бил буден, со исклучок на оној краток одмор на паркингот во Загреб.
Беше совршено сконцентриран и буден до целта. Нормално, зашто ако не беше, ќе завршевме сите во некој ендек. Сепак, кога слушнав дека спиел помалку дури и од Никола Тесла, решив и јас да ги држам очите ширум отворени иако неговото внимание и концентрација беа на максимум.
Целиот текст прочитајте го ТУКА.