НЕЖНА ДАМА СО СИЛНА ЕНЕРГИЈА Со многу љубов за Берово, за традицијата, за локалната заедница и за своите деца
Дина Муцунска е генерален менаџер на хотел Манастир во Берово, консултант за туризам, угостителство и хотелски менаџмент. Истовремено, таа е и нежна мајка на 21-годишен син и 15-годишна ќерка, но и жена со силна енергија која е успешна во многу спортски активности, од фитнес и кревање тегови, до нуркање и качување по карпи.
За успесите на Дина Муцунска во бизнисот сведочат бројните награди и признанија меѓу кои, менаџерка на годината во 2018 и најуспешна жена претприемач за источен и југоисточен регион 2017.година, за успесите во родителството, зборуваат нејзините деца, а за успесите во спортските активности – физичкиот изглед и енергијата потребна за да се биде успешен на сите полиња.
Дина се занимава со најразлични спортови, а основата за сите нив, во однос на физичката подготвеност, сила и кондиција, ја има во фитнесот и тренинзите со тегови.
Кога велиме најразлични спортови, мислиме навистина – најразлични спортови, од кои и многу екстремни и прилично авантуристички. Искрено, јас се изморив само гледајќи ги фотографиите од сите нејзини физички активности, од планински велосипедизам, качување по карпи, возење кајак, нуркање, кревање тегови, вежбање на справи, освојување врвови.
Целиот текст прочитајте го на порталот „Арт кујна“.