НЕОДАМНА СЗО ПОВИКА НА ПОВИСОКИ ДАНОЦИ НА ЗАСЛАДЕНИТЕ И АЛКОХОЛНИТЕ ПИЈАЛАЦИ „Ги зголемуваат дебелината и дијабетесот“
Според СЗО, 116 земји низ целиот свет веќе ги оданочуваат безалкохолните и другите засладени пијалаци, но многу пијалаци со висока содржина на шеќер сè уште не се опфатени со даноците, меѓу нив, 100% овошните сокови, засладените млечни пијалаци и готовите кафиња или чаеви.
Засладените и алкохолните пијалаци се премногу евтини бидејќи не се оданочуваат доволно, што доведува до повисоки стапки на дебелина, дијабетес и други болести, алармираше неодамна Светската здравствена организација (СЗО).
Децата и адолесцентите се особено погодени од овој проблем, вели СЗО. Даноците на ваквите пијалаци треба да се воведат или да се зголемат, вели Светската здравствена организација. Ова би ги направило пијалаците поскапи, така што ќе се консумираат помалку, а во исто време ќе се соберат повеќе пари за здравствениот систем.
– Здравствените даноци се едни од најмоќните алатки што ги имаме за унапредување на здравјето и спречување на болести, рече генералниот директор на СЗО, Тедрос Аданом Гебрејесус. СЗО, исто така, забележа дека најмалку 25 земји, претежно во Европа, вклучувајќи ја и Германија, немаат специфичен акцизен данок за вино.
Повеќе за ова на порталот „Арт кујна“.