📷 НЕКОИ ПАРОВИ ИМААТ НЕОБИЧНИ ХОБИЈА Трагачи на богатство извлекле „удавен“ сеф со 100.000 долари
Двојката трагачи на богатство Џејмс Кејн и Барби Агостини во петокот фрлиле јаже со магнет во езерото во паркот Флешинг Медоус Корона во Квинс и го извлекле сефот.
Двојка трагачи на богатство рекла дека додека пребарувале езеро во Њујорк, со магнети извадиле сеф во кој имало околу 100.000 долари, објави Њујорк пост.
Џејмс Кејн и Барби Агостини во петокот фрлиле јаже со магнет во езерото во паркот Флешинг Медоус Корона во Квинс и го извлекле сефот.
Кога го отвориле, внатре пронашле голема количина банкноти од 100 долари кои биле оштетени од водата. Двојката тврди дека њујоршката полиција им дозволила да ги задржат парите бидејќи пронајдениот сеф не бил поврзан со криминални активности.
A couple in Queens were stunned to find $100,000 in cash inside an old safe they dredged up while magnet fishing in a NYC lake.
The two anglers, James Kane and Barbie Agostini, used a strong magnet to fish in the water on Friday afternoon. They felt something bulky on the end… pic.twitter.com/JczNL2ngq6
— Evoclique (@Evoclique_) June 2, 2024
– И претходно сме нашле сефови. Кога го извлековме, најдовме огромна сума пари во него. Бевме шокирани. Видовме дебели снопови банкноти. Секако, тие беа влажни и доста оштетени. Немаше лични документи во сефот, така што е невозможно да се најде сопственикот – изјави Кејн.
Кејн и Агостини почнале со магнети да трагаат по богатство за време на пандемијата на Ковид-19. Досега велат дека пронашле гранати од Втората светска војна, пушки од 19 век и мотоцикл.