НЕДЕЛЕН ХОРОСКОП ОД 21 ДО 27 ЈУЛИ Лавовите ќе доминираат на работа, финансиски проблеми за Шкорпиите

Работа, љубов, семејство – дознајте каде ќе блескате, а каде треба да внимавате оваа недела според вашиот хороскопски знак.

Овен (21.3 – 20.4)

Работа: Појавата на последната четвртина од месечината во вашиот сектор на комуникација и договори ви носи повторни разговори со некој кој ветил помош претходно. Можно е и неочекувано подобрување на финансии преку стари ангажмани или недовршени проекти. Ретроградниот Нептун ве предупредува да внимавате на конфузни пораки или двосмислени договори.

Љубов: Средбата со личност од минатото може да ве изненади. Особено во деновите околу 24 јули, кога Венера носи можност за реобнова на стара врска. Зафатените Овни ќе имаат предизвик да најдат време за блискост. Некој Близнак повторно се врти околу вас.

Здравје: Нервоза, внимавајте на исхрана.

Бик (21.4 – 21.5)

Работа: Првата половина на неделата носи можност за ангажман поврзан со недвижности или поддршка од влијателна жена. Планетите ве повикуваат да не ризикувате со пари на крајот од неделата. Обидете се да завршите административни обврски пред 25 јули.

Љубов: Стари чувства се враќаат, а некој што живее далеку може повторно да стапи во контакт. Венера во куќата на интимноста укажува на тајна привлечност со некој од вашето опкружување. Слободните Бикови запознаваат некој интригантен преку работа.

Здравје: Пад на енергија.

Близнаци (22.5 – 21.6)

Работа: Неделата започнува со нагласена динамика, особено ако работите во маркетинг, новинарство или образование. Имате можност да ревидирате стар проект кој не беше одобрен во мај. Контакт со влијателна личност носи нова шанса по 23 јули.

Љубов: Ретроградниот Сатурн ве враќа кон личност со која сте останале недоразбрани. Слободните Близнаци ќе добијат порака од симпатија од странство. Внимавајте да не избрзате со ветувања.

Здравје: Чувствително грло.

Рак (22.6 – 22.7)

Работа: Ќе се фокусирате на завршување на административни и финансиски обврски. Можно е да добиете вест поврзана со исплата која ја чекате одамна. Нов контакт во четвртокот може да ви отвори врата кон долгорочна соработка.

Љубов: Зафатените Ракови конечно ќе разговараат за нешто што долго го одложуваат. Венера во хармонија со Нептун носи чувство на стабилност. Слободните можат да доживеат искра на патување или преку интернет.

Здравје: Чувствителност на кожата.

Лав (23.7 – 22.8)

Работа: Почетокот на неделата ви носи прилика за признание или јавно пофалување за минат труд. Можно е да ви се отвори шанса за соработка со странска институција. Внимавајте на завист од колега околу 25 јули, не споделувајте приватни информации.

Љубов: Венера во вашиот знак ја зголемува вашата харизма. Можно е лице од минатото повторно да се обиде да влезе во вашиот живот. Зафатените Лавови ќе почувствуваат потреба за романтика и внимание – покажете благодарност, не само очекување.

Здравје: Главоболки од замор или сонце.

Девица (23.8 – 22,9)

Работа: Можна е неочекувана вест поврзана со работа преку некој што веќе еднаш одбил соработка. Стар клиент или колега може повторно да ве контактира. Бидете внимателни со договори околу 26 јули – нешто ќе изгледа подобро отколку што е.

Љубов: Ретроградните планети ви носат контакт со личност што веќе сте ја анализирале до детали. Овојпат, не одете премногу рационално – дозволете си емоции. Зафатените Девици ќе имаат можност да решат старо недоразбирање.

Здравје: Проблеми со варење, внесете повеќе вода.

Вага (23.9 – 22.10)

Работа: Повторно се отвора можност за проект кој беше во застој уште од пролетта. Поддршка доаѓа од пријател или стар соработник што одамна не сте го слушнале. Внимавајте со административни грешки – посебно ако работите со странски партнери.

Љубов: Преку групна активност или пријателски собир може да се врати некој од минатото. Венера носи потреба за длабочина, не ви е до површни разговори. Зафатените Ваги ќе почувствуваат стабилност, но не и возбуда – време е за малку романтика.

Здравје: Болки во грб или рамена.

Шкорпија (23.10 – 22.11)

Работа: Промените во работното опкружување ве тераат да се потпрете на интуицијата. Некој проект кој бил одбиен во март, сега добива зелено светло. Внимавајте околу 24 јули – не потпишувајте ништо што не сте го провериле двапати.

Љубов: Повторна средба со поранешна симпатија може да ве разниша емоционално. Ако сте зафатени, можно е љубомора поради стара тема. Отворен разговор ќе реши повеќе отколку тишина.

Здравје: Променливо расположение, излезете на воздух.

Стрелец (23.11 – 21.12)

Работа: Претставувањето пред јавноста или контакт со странци ќе биде клучен оваа недела. Ретроградниот Нептун ве советува да не носите големи одлуки врз основа на претчувство – проверете ја информацијата. Некој ве следи и проценува.

Љубов: Лице со кое ве врзува патување или курс може повторно да се појави. Венера носи шарм и харизма – можно е нов познаник да ви признае чувства. Зафатените Стрелци ќе почувствуваат порив за авантура – внимавајте да не повредите некого.

Здравје: Болки во колкови или мускули.

Јарец (22.12 – 20.1)

Работа: Неделата ве тера да се навратите на стар проект, можеби нешто што го оставивте поради лични причини. Сега имате нова перспектива. Финансиски, можно е задоцнета исплата конечно да се реализира. Пазете се од премногу скепса – не секој е против вас.

Љубов: Ќе се изненадите од искреност на личност која сте ја потцениле. Зафатените Јарци ќе се посветат повеќе на емотивната сигурност отколку на страст – и тоа ќе биде ценето. Рак или Девица може да ве изненадат.

Здравје: Проблеми со коски или заби.

Водолија (21.1 – 19.2)

Работа: Соработка која ја започнавте во април може конечно да добие стабилна форма. Ќе добиете понуда за краткорочен проект – иако не изгледа примамливо на прв поглед, може да носи долгорочни бенефити. Не реагирајте импулсивно на критики.

Љубов: Енергијата на Венера ја активира вашата потреба за блискост – не е време за површни односи. Некој Лав повторно ви ја буди љубопитноста. Зафатените Водолии ќе имаат потреба од повеќе интимност.

Здравје: Слаб имунитет, витамини и сон.

Риби (20.2 – 20.3)

Работа: Конечно ќе добиете вест поврзана со нешто што го чекавте подолго време. Преку жена колешка или контакт од уметничка сфера, добивате нова можност. Пазете се од пропусти во документација на 25 или 26 јули.

Љубов: Ретрограден Нептун ви носи емоционална збунетост – можеби гледате нешто што не постои. Сепак, стара симпатија може да се појави неочекувано. Зафатените Риби ќе почувствуваат потреба за разговор и разбирање.

Здравје: Внимавајте на стопалата и на циркулацијата.