НЕДЕЛЕН ХОРОСКОП ОД 18 ДО 24 ЈУЛИ Стрелецот да му верува на партнерот, Ракот да очекува зголемени обврски, но и приходи
Интересен и бурен период на љубовен план за Шкорпијата, Водолијата ќе биде збунета и расеана на работното место.
Дознајте што предвидува вашиот неделен хороскоп за оваа недела на работното место, во љубовта и дали ќе се сложувате со семејството.
Овен (21.3 – 20.4)
Работа: Едвај ќе успеете да се снајдете во деловните води. Ќе доцните со задачите и обврските. Сето тоа може да ги намали вашите приходи. Во последно време размислувавте за започнување на сопствен бизнис, одложете ги плановите.
Љубов: Откако ќе ги слушнете размислувањата на блиските лица, ќе видите каде сте погрешиле. Себичноста ве однела во погрешен правец. Побарајте прошка.
Здравје: Можна е главоболка.
Бик (21.4 – 21.5)
Работа: На работното место сите обврски ќе ги извршувате како од шала. Ќе се снајдете и во друштво на повисоките деловни лица. Ќе изнајдете начин како да ги дуплирате вашите приходи.
Љубов: Откако ќе ја разгледате целосно ситуацијата во која се наоѓате со вашиот партнер ќе сфатите дека од многу нешта не сте задоволни. Започнете да правите мали чекори, со цел ситуацијата да ја завртите кон подобро.
Здравје: Одлично.
Близнаци (22.5 – 21.6)
Работа: На работното место ќе чувствувате напор поголем од вообичаено. Но сето тоа ќе ви се исплати во иднина. Денес работете за утре да ги собирате плодовите.
Љубов: Семејството ви е поддршка но не се движи во правецот во кој сакате вие да се движи. Некои несогласувања ќе ви создадат поголеми проблеми од очекуваното. Доколку партнерот сака посмели потези не е потребно да барате одобрение од родителите.
Здравје: Одлично.
Рак (22.6 – 22.7)
Работа: Ќе имате зголемен број на задачи а исти приходи, тоа сигурно ќе ве демотивира, па ќе се обидете малку да скршнете од обврските.
Љубов: Некои непредвидени моменти ќе донесат бура во социјалниот живот. Ќе бидете во друштво на вашите блиски лица а мислите ќе ви бидат со партнерот со кој оваа недела нема да бидете често заедно.
Здравје: Внимавајте на исхраната, можен е пад на имунолошкиот систем.
Лав (23.7 – 22.8)
Работа: На работното место вообичаено, без поголеми промени. Нека не ве загрижува монотонијата, во блиска иднина ќе следи период во кој работните задачи ќе имаат поголем обем.
Љубов: Нови и интересни случувања во љубовното поле. Ќе бидете изненадени но и среќни од нечии постапки. Не внимавајте на секој чекор на личноста од спротивниот пол, научете да се опуштите.
Здравје: Престанете да се нервирате за секоја ситница.
Девица (23.8 – 22,9)
Работа: На работното место ќе бидете посочени за одговорно лице за настанатите проблеми. Не реагирајте веднаш, добро размислете па потоа преземете акција. Внимавајте да не навредите некого.
Љубов: Едвај ќе дочекате да ги завршите сите задачи и слободното време да го поминете со партнерот. Ви претстојат прекрасни зеднички моменти во текот на оваа недела. Направете мал но интересен потег.
Здравје: Добро, вметнете физичка активност во секојдневието.
Вага (23.9 – 22.10)
Работа: Одличен период во кој ќе ви пристигнуваат пофалби од сите страни. Едноставно ќе блескате и ќе ги соберете сите поени на работното место. Некои нови задачи заедно со вашето напорно работење ќе ви донесат поголеми приходи.
Љубов: Посакувате кратка романса со интересна личност од спротивниот пол. Ќе добиете интересна идеја како да направите некој посмел чекор. Обидете се да одвоите време и за пријателите.
Здравје: Можна е појава на алергија.
Шкорпија (23.10 – 22.11)
Работа: Ќе имате можност за деловно патување, кое на самиот почеток нема да ви звучи како добра идеја, но подоцна многу ќе ви се допадне. Искористете ги сите шанси за да напредувате.
Љубов: Интересен и бурен период, нема воопшто да се покаете за вашите постапки. Оваа недела задолжително стапете во контакт и појдете на кафе со некој пријател од минатото со кој сте биле многу блиски.
Здравје: Одлично.
Стрелец (23.11 – 21.12)
Работа: Ќе брзате постојано, ќе трчате од едно до друго место и повторно ќе заборавите да дозавршите некоја задача. Неорганизираноста ќе владее со вас оваа недела.
Љубов: Некој искрен разговор со семејството и блиските лица ќе ви помогне да решите некои проблеми кои долго време ве измачуваат. Верувајте му повеќе на партнерот, тој не е ваш непријател.
Здравје: Добро, внесувајте повеќе течности.
Јарец (22.12 – 20.1)
Работа: Не им замерувајте на колегите кои се мрзливи, едноставно таков е периодот. Доколку можете помогнете им околу обврските. Немојте постојано да се жалите дека само вие работите.
Љубов: Одлична недела за самите лица да ја обноват старата врска. Оние пак кои веќе се во врска ќе имаат интересна недела во која главна тема ќе им биде некој долго планиран посмел чекор од кој подолго време стравуваат.
Здравје: Одлично.
Водолија (21.1 – 19.2)
Работа: Ќе бидете малку збунети и расеани. Нема да можете комплетно да и се посветите на работата, а за сето тоа се виновни возбудувањата во приватниот живот. Не се грижете следи период на стабилизација.
Љубов: Некоја интересна личност влегува полека во вашиот живот. Вие не знаете како да реагирате, па по неколку пати ги преиспитувате постапките. Опуштете се и бидете спонтани во близина на таа личност.
Здравје: Добро, внимавајте, не се изложувајте директно на сонце.
Риба (20.2 – 20.3)
Работа: На сите можни начини ќе се обидете да ја запоставите работата, ќе земете боледување со цел да се одморите. И тоа е понекогаш оправдано, но нека не ви стане навика.
Љубов: Бурен но сепак поволен период. Оваа недела не донесувајте нагли одлуки во врска со вашиот партнер, оставете си простор и време да размислите повторно. Некоја новост ќе ве задоволи но истовремено и ќе ве уплаши.
Здравје: Внесувајте повеќе свежа храна и течности