НЕАНДАРТАЛЦИТЕ БИЛЕ НЕСФАТЕНИ КРЕАТИВЦИ Не само што имале секс со обичните луѓе, туку ќе ја наследеле планетата наместо нас!
Никој не знае зошто ненадарталците ненадејно изумреле, па луѓето, како последни хоминиди останале да ја населат земјата. Но, новите истражувања даваат нови индиции. Она што сега веќе Нобеоловецот Пабо го откри е дека не само што тие имале секс со луѓето, туку и биле сликари и изработувачи на накит.
Неандарталците конечно ги добија своите пет минути слава! Исчезнале пред 40.000 години, но овогодиненшото истражување на палеогенетичарот Сванте Пабо, сега веќе Нобеловец, откри дека не само што тие се мешале со хомо сапиенсот, туку и дека овие наши, практично, братучеди со големи веѓи биле изработувачи на накит и сликари. И да, многу луѓе и денес носат ДНК од неандарталци, пишува Њузвик.
Најновите откритија, откопани во сибирска пештера, покажуваат зошто научниците се толку возбудени. За неандарталците од времето, пештерата Чагирскаја била луксузен дом каде можеле да ги практикуваат своите таленти.
Овие откритија, заедно со напредната технологија која им стана достапна на палеонтолозите во последната деценија, ја уништија популарната концепција за неандерталците како влакнести, примитивни пештерски луѓе кои влечат до зглобовите, кои носеле палки и зборувале со грофтање.
Неандарталците, сега знаеме, веројатно биле поинтелигентни, пософистицирани и покомплицирани отколку што се верувало. Пабо и другите научници брзо го зголемија и сопственото разбирање за неандерталците, но и за она што значи да се биде модерен човек.
Отприлика одело вака. Многу различни видови на луѓе или „хоминиди“се појавиле во Африка. Брановите на миграција кои започнаа пред околу два милиони години ги прошириле хоминидите во Европа, Блискиот Исток и пошироко. Неандерталците патувале пред 200.000 години, а современите луѓе го следеле нивниот пат, но само пред околу 60.000 години.
Обичните луѓе и неандарталците живеевле рамо до рамо околу 20.000 години – неверојатно краток момент во еволуциското време – а потоа неандерталците изумреле, оставајќи ги современите луѓе како единствениот преостанат хоминид на планетата.
– Последниот пат, пред 60.000 години, кога излеговме во бруталнио свет кој веќе беше населен со други хоминиди, потребни беа само неколку отчукувања на еволутивниот часовник и бевме на секој континент, го совладавме секој екосистем и предизвикувавме масовни истребувања (на животните кои живееја таму) каде и да одевме – вели Ричард Грин, биомедицински инженер од Универзитетот во Калифорнија во Санта Круз.
– Неандерталците не го направија тоа. Ниту некој друг хоминид. Ова бара објаснување. Кои биле генетските и биолошките промени кои се во основата на овој последен чекор кон човечката состојба? – прашува научникот.
Клучното истражување од 2021 година на Грин и неговите колеги откри дека многу малку модерна човечка ДНК се разликува од неандерталците – само 1,5 до 7 проценти, во зависност од тоа во кој регион на светот се прави споредбата. Една од можностите е дека оваа ДНК го објаснува нашиот еволутивен успех. Можеби тоа му дава на современиот човечки мозок капацитет да изгради голема, организирана цивилизација или нè охрабрува да преземеме ризици што ни помогнаа да напредуваме во непријателски и неизвесен свет?
Но, исто така, можно е разликите да се премногу мали за да бидат важни. Ако е така, можеби нашата добра среќа било едноставно глупава среќа – можеби некој едноставен пресврт на судбината ги осудил неандерталците на евентуално истребување и им дозволил на современите луѓе да напредуваат на нивно место.
Тогаш, дали неандерталците можеле да ја населат Земјата наместо нас?
Сè уште е мистерија, но воздухот е густ со нови индиции.