НЕ ОСТАНА НИ СКУЛПТУРАТА ВО УМЕТНОСТА Италијанците измислија робот кој самиот ќе резба ремек-дела (ВИДЕО)

Додека луѓето паничат дека сликарството ќе исчезне благодарение на вештачката интелигенција (АИ), италијански стартап наречен „Роботор“ измисли машина која е речиси исто толку добра во резбање мермерни ремек-дела од мермерот Карара како што тоа го правеле ренесансните мајстори, на пример Микеланџело, пренесува Футуризам. Речиси толку добра…

Основачот Џакомо Масари, е убеден дека неговите мермерни статуи направени со роботи се речиси исто толку добри како оние направени од луѓе.

– Мислам, да речеме дека сме 99 проценти точни. Но, сепак човечкиот допир си ја прави разликата. Тој еден процент е толку важен – изјавил тој за Си-Би-Ес-Њуз.

Масари оди и чекор понатаму тврдејќи дека „роботската технологија не им ја краде работата на луѓето, туку само ја подобрува“.

Роботот-скулптор го крстиле „1L“, а висок е 13 метри. Тоа е џин од легура од цинк кој е способен внимателно да сече плочи од мермер, деноноќно.

„Материјалот за резбање сега може да се трансформира, дури и во екстремни услови, во сложени дела на начин што некогаш се сметаше за незамислив“, се пофали компанијата на својата веб-страница.

„Влегуваме во нова ера на скулптурата, која повеќе не се состои од скршени камења, длета и прашина, туку од скенирање, мрежа од точки и од дизајнирање.

Што губи човештвото со оваа машина?

– Ризикуваме да заборавиме како да работиме со рацете – признава Лоренцо Калчинаи кој со машина прави скулптура реплика на иста таква која постои во катедралата во Фиренца.

– Се надевам дека одредено знаење (за занаетот) секогаш ќе ни остане при рака, иако колку повеќе одиме напред, толку потешко ќе биде да го зачуваме.