НЕ Е СЕЕДНО КАДЕ ЖИВЕЕТЕ Во кои земји луѓето стареат најбавно, а во кои – најбрзо
Местото каде што живеете може да влијае на тоа колку брзо стареете, во зависност од еколошките, социјалните и политичките фактори што ве опкружуваат.
Според неодамнешно истражување објавено во престижниот магазин Nature Medicine, Данска е земјата каде што луѓето стареат најбавно. Научниците утврдиле дека оваа земја има најдобри услови за побавно биолошко стареење – благодарение на поволната средина, социјалните околности и политичката стабилност.
Студијата анализирала над 160.000 луѓе од 40 земји за да спореди како различните фактори влијаат на процесот на стареење низ целиот свет.
Научниците ја користеле таканаречената biobehavioural age gap – алатка базирана на вештачка интелигенција која ја проценува разликата помеѓу нечија вистинска (хронолошка) возраст и предвидената биолошка возраст, врз основа на околината и ризиците на кои е изложено лицето. На пример, ако имате 50 години, но моделот врз основа на вашите услови предвидува дека имате 55, вашата „биолошко предиктивна разлика“ е 5 години – што укажува на забрзано стареење, пишува Science Focus.
Повеќе за ова прочитајте ТУКА.