НАЈСТУДЕНИОТ МАРАТОН ВО СВЕТОТ Трката се одржа во Јакутија на температура од минус 53 степени (ВИДЕО)
Рускиот тркач Василиј Лукин победи на овогодинешниот студен маратон со време од 3 часа и 22 минути, а кај дамите прва беше Марина Седалиштева, локален жител на Јакутија, која што ја заврши трката за 4 часа и 9 минути.
Шеесет и пет тркачи, вклучително и спортисти од Обединетите Арапски Емирати, Америка и Белорусија, пред една недела трчаа на екстремно ниска температура во Ојмјакон, Јакутија.
Меѓународниот тим од мажи и жени трчаше целосна дистанца (42 км), полумаратон (21км), а исто така и 10 км и 5 км.
Победник беше Василиј Лукин, наставник од Институтот Чурапча за физичка култура и спорт. Ова е негова втора победа во екстремната трка; оваа година на целта кај Томтор стигна за три часа и дваесет и две минути.
– Благодарност до организаторите кои успеаја да ги надминат сите компликации предизвикани од пандемијата! Би сакал да видам повеќе тркачи од цела република, Русија и странство на идните маратони – рече Василиј.
Најдобар резултат кај жените беше поставен од локалната жителка Марина Седалишева, која патеката од 42 километри ја заврши за четири часа и девет минути.
Во Јакутија заврши најстудениот маратон на светот со температура од минус 53 Целзиусови степени.
Победници на полумаратонот беа Василиј Спиридонов (1 час 36 минути) и Улјана Барашкова (2 часа 5 минути).
Сите победници добија финансиски награди почнувајќи од 100.000 рубли (1.288 долари, 950 фунти), а имаше специјална награда за учесници над седумдесет години.
Имаше неколку меѓународни спортисти, како Ахмед Хусеин Ал Казири од Обединетите Арапски Емирати, кои патуваа од странство.
Тој требаше да се натпреварува меѓу тркачи на возраст од 40 до 49 години, а резултатот на Ахмед сè уште не беше пријавен.
Други меѓународни тркачи пристигнаа од САД и Белорусија.
Топло облечени жители од Ојмјакон и Томтор застанаа покрај патеката за да ги бодрат тркачите.
Ова е трет маратон на високо-ниски температури организиран во Јакутија.
Оваа година беше посветена на 100-годишнината од станувањето автономна република Јакутија во рамките на поранешниот Советски Сојуз и 80 години од воздушниот пат АЛСИБ.