НАЈНАСИЛНИТЕ ЌЕ ГИ СТАВИМЕ ВО ПОСЕБЕН МЕГА-ЗАТВОР Држава од Централна Америка го решава проблемот со бандите (ВИДЕО)
Најголемиот затвор во Централна Америка ќе има осум згради со по 32 ќелии. Секоја ќелија ќе има околу 100 квардатни метри каде заедно треба да престојуваат до 100 затвореници само со два мијалника и два тоалети.
Повеќе од 40.000 затвореници од Ел Салвадор, кои се меѓу најнасилните ќе лежат во посебен мегазатвор на 74 километри југоисточно од главниот град на оваа централноамериканска држава. Во осум згради од кои секоја ќе има 32 ќелии со површина од околу 100 квадратни метри земјата се надева да го реши проблемот со бандите, пишува Гардијан.
Во една таква ќелија ќе бидат сместени до 100 затвореници, а притоа ќе имаат само два тоалети и два мијалници.
Салвадорскиот претседател Наџиб Букеле објави дека првите 2.000 затвореници биле префрлени „во зори, во една операција“ во Центарот за борба против тероризмот, кој според него е најголемиот затвор во Централна Америка.
Hoy en la madrugada, en un solo operativo, trasladamos a los primeros 2,000 pandilleros al Centro de Confinamiento del Terrorismo (CECOT).
Esta será su nueva casa, donde vivirán por décadas, mezclados, sin poder hacerle más daño a la población.
Seguimos…#GuerraContraPandillas pic.twitter.com/9VvsUBvoHC
— Nayib Bukele (@nayibbukele) February 24, 2023
„Ова ќе биде нивната нова куќа, во која ќе живеат со децении, сите измешани, не можејќи да нанесат дополнителна штета на населението“, напиша Букеле на Твитер, додека министерот за безбедност на оваа централноамериканска земја ги предупреди затворениците дека „никогаш нема да излезат од тука“.
Сан Салвадор се бори со банди кои бројат десети илјади членови, а се одговорни за убиства, изнуда и трговија со дрога. Целта на масовните апсења е „целосно искоренувањe“ на бандите, додаваат од Владата. Веќе се уапсени над 64.000 луѓе како осомничени.
Некои организации за човекови права предупредија дека во овие акции се уапсени невини луѓе од политички причини, додека дел од приведените пријавиле дека биле подложени на „сурово, нечовечко или понижувачко постапување“.
Сепак, акциите на претседателот Букеле против бандите сè уште се популарни меѓу салвадорското население, пишува британскиот весник.