МОРА ДА ГИ НАУЧИМЕ ДЕЦАТА ДЕКА НИКОЈ НЕ СМЕЕ ДА ГИ ПИПА! Што се случува во мозокот на педофилите и родосквернувачите?
Силуваат деца, свои, од роднините, соседите и туѓи, сексуално искористуваат синови, ќерки, внуци, секој ден слушаме сѐ повеќе грозоморни вести. Експертите велат, педофилијата и родосквернавењето постоеле од секогаш и, за жал, секогаш ќе постојат. Еве што велат правните и здравствените експерти, како да се превенира и како да се заштитат децата
Ја силувал својата седумгодишна ќерка, сексуално го злоупотребувал својот 17-годишен син, малолетник го силувал помладиот брат и уште едно дете, силувал десетгодишно девојче, силувал шестгодишно девојче, татко две години ја силувал својата малолетна ќерка, чичко една година сексуално ја малтретирал четиринаесетгодишната внука од братучед, татко заедно со свој пријател си ги силувал двете малолетни ќерки.
Ова се вестите што го потврдуваат секојдневното присуство на педофилијата и на родосквернавењето во нашата држава. Каде живееме? Во Содома и Гомора? Се прашуваме сите ние, додека со неверување ги слушаме вестите и ги читаме црните хроники, се згрозуваме од нивната содржина, се прашуваме дали ние како општество сме виновни за ова што се случува, дали сме свесни за тоа низ какви трауми поминуваат децата жртви? Се прашуваме ли зошто некои од децата жртви на родосквернавење ги менуваат своите изјави? Дали децата жртви се оставени на милост и немилост од страна на институциите на државата?
Побаравме информација за бројот на пријавени случаи за педофилија и родовосквернавење од првата детска амбасада во светот Мешаѓи на нивниот СОС телефон, Ало Бушавко. Со оглед на тоа што токму тие се едни од најголемите борци против овој вид на злоупотреба и едни од првите кои го кренаа гласот и јасно и гласно проговорија за траумите кои ги трпат децата, а истовремено бараа и решенија, превентивни, но и казнени.
Целиот текст прочитајте го на порталот „Мајка и дете“.